[الاصيل العربي]

وعليكم السلام و رحمة الله و بركاته

ياخوي انا حاب اتكلم بصراحة
لانه هذا الموضوع ما ينفع معاه الا الصراحة

الناس ذحين مو شاغلهم من التجارة الالكترونيه الا انه يفتح موقع و الموقع يكسب ترافيك عالي و بعد كذا يحط عنده بالموقع اعلانات و يكسب منها و بكذا يفكر انه دخل مجال التجارة الالكترونيه


و كمان سبب ضعف التجارة الالكترونيه هو انه اي واحد يقدر يصير تاجر
و اقرب مثال عندك شركات الاستضافة و التصميم و الاشهار العربيه
صارت اكثر من المواقع
و عشان كذا كل واحد شركة للاستضافه و التصميم ما راح يلقى اقبال
لانه الزبون راح لقا تنافس عليه و على خدمته
و كمان والله العظيم اغلب الشركات اللي موجوده تقدم عروض خياليه و ما تدخل الدماغ
و لما الزبون يدفع المبلغ المتفق عليه
يلقى نفسه ضاع في دوامه كبيره من المشاكل و الدعم الفني و هذي السالفه صارت لي مع شركتين


عشان كذا اقدر اقولك التجارة الالكترونيه ما تنفع في الوطن العربي
الا بافكار جديده و مو اي واحد يقدر يسويها
لانه لو اي واحد يقدر يسويها
بعد تنفيذك لمشروعك بمده بسيطه تلقا الشبكة امتلات من هذي الشركات و كلها تنافسك

عشان كذا نصيحة لا يدخل التجارة الالكترونيه الا اللي عنده فكرة جديده و قويه و مكلفه


و مشكووور اخوي على طرح هذا الموضوع