أنا الحين سويت التصميم كله بالفوتوشوب بس أبغى أضيف عليه كلام من فوق يتحرك مثل شريط الأخبار وهاذي عن طريق الشاشه الأسميه في الفرونت بيج ولكن اذا جيت أحطها على التصميم ما تجي صح تطلع خارج التصميم أنا أبغيها وسط التصميم ؟
اعتذر عن التأخير ياخوك . . شفت سؤالك من اول لكن كنت متنرفز شوي عندي مشكله ومو عارف احلها ولا لقيت للحين حد يساعدني لوجه الله ولا بفلوس . . المهم مالك انت بالطويله . . بالنسبه للشاشه اللي تقصدها فـ الخطأ عندك اكيد واحد من اربع اخطاء :
1 - الفرونت بيج عندك فيه خلل انا قد صار معي اضبط المقاس صح لين يجي وقت المعانه والاقي الدنيا حوسه . . وهذا اللي ما اظنه هو مشكلتك .
2 - انك انت تحاول تركب الشاشه الاسميه فوق صوره من عشان كذا تلاقي الجزء اللي كنت تبيه خلفيها ناقز يمين ولا يسار . . وحلها سهل كلك باليمين وخصائص الخليه ----> من الخيارات اللي تطلع لك روح الاخير عند الخلفيه أشر على استخدام صوره خلفيه -------> روح للصوره اللي كانت مسويه لك زحمه من استعراض واختارها ------> بعدين امسحها وبس وسوي معاينه وشوف .
3 - انك مو عارف كيف تشرح لي المشكله اللي واجهتك بالضبط او انا مو قادر افهم عليك. . وحلها ترفق صوره لشغلك وقت الاعداد و صوره لمن تحتاس عليك الشاشه الاسميه .
4 - مدري بس قلت اربعه تحسبا ً لخطأ ماني عارفه <------- يابرودك ياشيخ 
: :: : :: : :: : :: : ::
أما مجلد الصور هل هو يظهر تلقائي في الفرونت بيج ؟
ايه يظهر تلقائيا ً . . وتحسبا ً وعشان نتلافى مشكله ممكن تصير معك . . احفظ عملك كله في مجلد (My Web Sites ) تلاقيه في المستندات
و
و
وبس
* ملاحظه : لا احد يحش في الالوان اللي مستخدمها . . صحيح طلع الرد كنه دفتر بنت في اولى متوسط لكن عاد مسكت غلط
النمط الأُحادي
