|
واجهة الموقع فيها مشكله أفيدوني بليييز
السلام عليكم ورحمة الله وبركاته
أنا صممت واجهة موقع بس أبي منكم أحد يقولي كيف أخليها هي الواجهة الرئيسيه للموقع أفيدنوي ياأصحاب الخبرة |
طال عمرك اذا لسى ما طلعت التصميم من الفوتوشوب فتقص التصميم زي ما تحب وبعد كذا تروح (( حفظ النسيج العالمي بأسم )) وتحفظه بأسم ( index ) وتاخذه على برنامج الفرونت بيج ( اسهل ) وتسوي الاعدادت اللي تبيها في الواجهه وتسوي حفظ وتاخذ الصفحه مع مجلد الصور تبعها وترفعها بالمساحه الخاصه فيك ( السيرفر ) وافتح رابطك طال عمرك وتلاقي تصميم و و و وبس |
اشكرك اخوي لكن انا عندي فوتوشوب 8
ومسوي كل الراوبط عليها في الفوتوشوب ولقيت مكتوب عندي حفظ للويب وحفظتها وشفتها موجوده صفحه Html والتقصيص مافهمت وش تقصد به ..... وكيف مجلد الصور تبعها وهل لابد من الفرونت بيج بعد اظافة الروابط من خلال الفوتوشوب اعذرني على كثرة الأسئله لاني والله مبتداء تقبل تحياتي لك |
أنا فهمت قصدك يعني التقصيص يسهل عملية فتح الموقع بشكل أسرع وأضافة الروابط هذه سهل في الفرونت بيج
مايبيلها شرح ولكن أخوي أنا عندي سؤال ثاني ولاعليك أمر وأنا أدري أني ثقلت عليك بالأسئلة ولكن كما قلت مبتدئ السؤال عن الفرونت بيج أنا الحين سويت التصميم كله بالفوتوشوب بس أبغى أضيف عليه كلام من فوق يتحرك مثل شريط الأخبار وهاذي عن طريق الشاشه الأسميه في الفرونت بيج ولكن اذا جيت أحطها على التصميم ما تجي صح تطلع خارج التصميم أنا أبغيها وسط التصميم ؟ أما مجلد الصور هل هو يظهر تلقائي في الفرونت بيج ؟ لك أطيب التحايا والأمنيات أخوك نديم المشاعر |
أنا الحين سويت التصميم كله بالفوتوشوب بس أبغى أضيف عليه كلام من فوق يتحرك مثل شريط الأخبار وهاذي عن طريق الشاشه الأسميه في الفرونت بيج ولكن اذا جيت أحطها على التصميم ما تجي صح تطلع خارج التصميم أنا أبغيها وسط التصميم ؟ اعتذر عن التأخير ياخوك . . شفت سؤالك من اول لكن كنت متنرفز شوي عندي مشكله ومو عارف احلها ولا لقيت للحين حد يساعدني لوجه الله ولا بفلوس . . المهم مالك انت بالطويله . . بالنسبه للشاشه اللي تقصدها فـ الخطأ عندك اكيد واحد من اربع اخطاء : 1 - الفرونت بيج عندك فيه خلل انا قد صار معي اضبط المقاس صح لين يجي وقت المعانه والاقي الدنيا حوسه . . وهذا اللي ما اظنه هو مشكلتك . 2 - انك انت تحاول تركب الشاشه الاسميه فوق صوره من عشان كذا تلاقي الجزء اللي كنت تبيه خلفيها ناقز يمين ولا يسار . . وحلها سهل كلك باليمين وخصائص الخليه ----> من الخيارات اللي تطلع لك روح الاخير عند الخلفيه أشر على استخدام صوره خلفيه -------> روح للصوره اللي كانت مسويه لك زحمه من استعراض واختارها ------> بعدين امسحها وبس وسوي معاينه وشوف . 3 - انك مو عارف كيف تشرح لي المشكله اللي واجهتك بالضبط او انا مو قادر افهم عليك. . وحلها ترفق صوره لشغلك وقت الاعداد و صوره لمن تحتاس عليك الشاشه الاسميه . 4 - مدري بس قلت اربعه تحسبا ً لخطأ ماني عارفه <------- يابرودك ياشيخ :D : :: : :: : :: : :: : :: أما مجلد الصور هل هو يظهر تلقائي في الفرونت بيج ؟ ايه يظهر تلقائيا ً . . وتحسبا ً وعشان نتلافى مشكله ممكن تصير معك . . احفظ عملك كله في مجلد (My Web Sites ) تلاقيه في المستندات و و وبس:rolleyes: * ملاحظه : لا احد يحش في الالوان اللي مستخدمها . . صحيح طلع الرد كنه دفتر بنت في اولى متوسط لكن عاد مسكت غلط :D :D |
أخوي أشكرك جزيل الشكر
والله يعطيك العافيه وماقصرت وإن شاء الله اذا نزلت الواجهه وضبط الشغل معي راح تشوفونها هنا في المنتدى . تعبناك معنا وكل الشكر لك مره أخرى وبعدين ترى اسمك ما اعرف اقراه انجليزي ولكن اعتقد والله العالم على حسب معرفة الأنجليزيه أن اسمك السويدي :d أو أنه السويد . على العموم لك الف تحيه 1000 نديم المشاعر |
إقتباس:
بالنسبه لأسمي السويدي وتحت امرك حبيبي في اي شي |
مايامر عليك عدو
يعطيك العافيه |
| جميع الأوقات بتوقيت مكة المكرمة. الساعة الآن » 07:14 PM. |
Powered by vBulletin
Copyright ©2000 - 2025, Jelsoft Enterprises Ltd.
Copyright © ArabWebTalk.Com 2004-2012
