شكرا للويب العربي على إعادة الموضوع وتفهمهم ان من حقنا الحفاظ على سمعتنا والدفاع عن انفسنا مقابل حملة التشوية التي تشنها مربع من عام كامل ومشيناها ولكن الى متى ؟
الادله متوفره ومانقول كلام بدون ادله وهذا اعلان لعملائنا واعتقد هذا ابسط حقوقنا
وانا هنا امثل شركة الراسم وابعاد المعلومات واعتقد واضح قدامك وش مكتوب تحت اسمي وماللويب العربي اي علاقه والدليل حذف الموضوع واجباري على تغيير صيغته مع ان هذي محاباه لمربع من الويب العربي حسب رأيي ولكن لا مشكلة نجيب لك الادله واما اذا تبي تحول الموضوع الى تسكين وامور ثانيه فهذا شيء ماله اي علاقه والاسباب وضحناها وهي
تعليق مشاكل سيرفرات مربع على شماعة نسخة الكمبو وهذا هو التشهير بعينه .
وهاك الادله اللي طلبت
من ايام الكمبو الاولى وقتها كان العرض المشترك اللي نقدمه مع مربع جاني شخص وقال لي مربع على تلفونهم يسبون فيكم !!!
قلت اتصل اشوف وفعلا اتصلت ورد علي موظفكم اللي اسمه ( علي ) ومن اول ما كلمته قلت له وش السالفه منتداي عطلان .
وبدون اي تردد او حتى يعرف من انا على طول قال هذا سببه الكمبو اكيد انت مستعمل نسخة الراسم وابعاد وهي سبب مشاكلنا وبدا يسب فيني بدون مايعرف من اللي قاعد يكلمه طبعا انا استمريت في استدراجه والرجال مستمر في السب وتشويه السمعه ولما خلص قلت تعرف من انا ؟
هل تأكدت انا عميل عندكم ؟
هل تعرف موقعي ؟
قال : لا
قلت انا الراسم اللي قاعد تسب فيه من ساعه
والشرهه مو عليك على اللي حطك ترد على التلفون
ومن وقتها اتصلت على احمد مدير مربع وقلت له السالفه واعتذر الرجال ووعدني معاد يتكرر هذا الشي ومشيناها رغم ان الموظف هذا اتصل به ناس كثير وياعالم كم واحد اقتنع في كلام هذا الموظف .
طبعا مشيناها على ان الموظف جاب الكلام هذا من عنده وبدون اي ايعاز من ادارة مربع مع اني اشك في هذا الشيء !
واحمد يعرف سالفة المكالمه هذي وماعتقد راح ينكر
وللاسف استمر الوضع ووصلنا تذاكر توضح ردود موظفين مربع على عملاء الكمبو وتدخلهم في امور ماتعنيهم وخاصة فينا واي مشكلة في السيرفر يحطون سببها الكمبو وطبعا العميل مسكين وش دراه !
ومشيناها اكثر من مره لحد ما خلاص فاض الكيل وهذا مثال من تذاكر مربع في ردهم على احد عملاء الكمبو ( لاحظ انا اقول مثال يعني ماخفي كان أعظم ) :
لاحظ هذي الجمله :
بالعادة هم مشغولين وياخد الرد عليك من 24 الى 48 ساعه واحيانا اسابيع
ومن ثم يتهربون لتوضيح السبب لانشغالهم
هذا تشهير وتشوية سمعه ولا وشو ؟؟؟؟؟؟؟
وشوف هنا خلل سيرفرهم كيف حولوه على نسخة المنتدى ؟!!!
وعلى فكره هذا صار اكثر من مره وهذا مجرد واحد من الامثله وللمعلومية هذا العميل بالذات جابوا له الجنان ولما نقل على استضافة دوك اتصل بي يقول بيض الله وجهك ويشكرني ويشكر دووك رغم اني لا تدخلت في منتداه لا انا ولا ابعاد ولا دوووك مجرد انتقل موقعه انتهت مشاكله !!
لاحظ بداية رسالة العميل يقول كلمة ( أيضاً ) يعني شغله متكرره
هذي أدله كافيه او نجيب بعد ؟
بخصوص موضوع تسكين هذا من ضمن حملة مربع اللي شنتها ضدنا وبدون اسباب واضحه مع اني اتوقع ان تنافس الويب العربي وسوالف له دور وعشان تكسب ود سوالف لازم تقدم قرابين الولاء كالعادة
.
وموضوعنا هنا ليس ردة فعل وانما وصلنا حد انو خلاص وصل الموضوع مراحل معاد ينسكت عليها وهذا ابسط حقوقنا وماله علاقه بتشهير او غيره من حقي اعلن اني بتعاون مع الشركه الفلانية ومن حقي اعلن عن وقف التعاون معهم لكن الكل مصرين ان هذا تشوية سمعه ولازم ادله فجبنا لكم الادله مثل ماطلبتوا .
تحياتي
النمط التشعبي
