[انجاز لخدمات الويب]

بسم الله الرحمن الرحيم


فى الاول انا بخاطب فيكم العقول الى بتفهم لان فى ناس مش بتفهم للاسف


دلوقتى انا شايف مجموعه كبيره جدا بتشتغل فى التنشيط وده شىء كويس مش وحش حتى لو الطلب بقى اقل من العروض بس هو شىء تجاريا كويس

بس لازم طالما ان المعروض اصبح كتير يبقى لازم يكون فيه تحديد واتفاق على الاسعار بمعنى ان احنا دلوقتى فى الويب العربى كاننا فى سوق كبير

وكل واحد عارض سلعه والعميل ياخد من التاجر الى يعجبه


طيب لما يكون واحد عارض الف موضوع + الف مشاركه ب 60 ريال

وواحد تانى عارض الف موضوع + الف مشاركه ب 150 ريال

وواحد تالت عارض الف موضوع + الف مشاركه ب 200 ريال


العميل هيختار مين بالعقل كده هيختار الى سعره اقل ليه لان كله بيعمل كوبى وباست مفيش حد بيعمل شىء جديد او ابتكارى

بالتالى الى كان عارض نفس السلعه ب 150 ريال هيعرضها المره الى جايه ب 50 ريال علشان العميل ييجى يشترى منه

والتالت الى كان عارض ب 200 ريال هيعرضها ب 40 ريال علشان العميل ييجى يشترى منه

وهكذا لحد لما ييجى يوم صاحب المنتدى يقول انا عايز شغل فى موقعى وتدفعوله عليه فلوس



والادهى والامر والاصعب والى تاعبنى نفسيا انه فى ناس بتعرض شغلها وتقولك السعر على حسب الاتفاق

ييجى العميل يتفق على الف موضوع والف مشاركه مثلا بكام ب 100 ريال مثلا

يقولك طيب لما يوصلوا للنصف هبعتلك نصف المبلغ وبعدين ينصب عليك ولا عنت تشوفه لانه بالمنطق

الى استفاد فى موقعه واحصائياته زادت 500 موضوع + 500 مشاركه مبقاش محتاج يدفع فلوس علشان ياخد الباقى

وهما بيعتبروا اساسا الفلوس الى بيدفعوها فى المشاركات فلوس غير ذات جدوى بالنسبه لهم

يقولك انا عملت موقع وكمان هدفع فلوس المشاركات ليه ان شاء الله


طبعا فى ناس كويسه بس احنا بنتكلم عن الاغلبيه


قولت وكررت مليوووووووووون مره لازم نتفق قبل ما نشتغل ان كللللللللنا ناخد نصف الفلوس قبل الشغل

صاحب الموقع هيقولى وانا اضمنك ازاى ما يمكن انت الى تنصب هقوله لما انا انصب فى 50 ريال وانت تفضحنى بيهم اسهل الف مره لما انت تنصب عليا فى شغل اسبوعين واعيط انا عليهم بعد كده

يعنى انا هفكر الف مره انى افضح نفسى وابهدل نفسى وابطل شغل على النت علشان 50 ريال تافهه

لكن انت مش هتفكر الف مره قبل ما تنصب عليا فى اسبوعين كل يوم بقوم من النوم ادور فى جوجل على مواضيع مشابهه للاقسام الى عندك


الخلاصه

انا كنت فى سنه 2008 شهر يونيو بعمل 500 موضوع + 500 مشاركه وقسما برب الكعبه ب 400 ريال

النهارده الى بيعرض اقل هو الى بيشتغل لان كله ينتهز الفرصه


طيب سؤالى بقى موجه لكل الناس الى بتشتغل على النت فعلا الى هو مصدر دخلها من التنشيط

لما تعمل الف موضوع مقسمه على 15 قسم فى المنتدى بتاخد وقت ومجهود قد ايه يوميا فى المتوسط ؟؟؟


هتلاقى المجهود مش هيمشى اطلاقا مع الاسعار الى كت بقول عليها لان للاسف انتوا الى تفهتوا من قيمه شغلكوا وحسستوا اصحاب المواقع انها شغله تافهه

اصحاب المواقع بقوا حاسين انها مش شغله اساسا بل بقوا حاسين ان الموضوع عباره عن هوايه وواحد بياخد قدام الهوايه فلوس فلو جت مره وما اخدش فلوس يبقى مش مشكله ولو راح كتبله موضوعين فى اى منتدى انى نصاب وايه المشكله هو حد بيفتكر حاجه



المطلوب


لازم لابد قبل ما الحكايه تنتهى تماما وناس كتير تخسر اكل عيشها يبقى فيه تقنين تقنين لايه بقى؟؟؟

لحاجتين

اول حاجه : الاسعار لازم تكون الاسعار مقننه يعنى كلللللنا نتفق على حد ادنى للاسعار وحد اقصى للاسعار والى يحيد عنه يبقى مختلف معانا وجاى يدمرنا فى اكل عيشنا


الحاجه التانيه : لازم يبقى فيه تقنين فى موضوع طريقه الدفع وعلشان محدش يفكر انى بتاجر بالموضوع ده على حساب الناس الى هتتفقوا عليه فى الموضوع ده انا موافق عليه




طبعا فيه فرق بين نوعيتين من الناس الى بتعمل تنشيط ناس بتعتمد على الشغل ده كمهنه بتوفر بيه حاجاتها الاساسيه او الثانويه زى مثلا ربه منزل بتساعد جوزها او واحد بيصرف على دراسته وناس تانيه بتعتبر الى ييجى من الشغل ده اى حاجه تسد خانه والسلام يعنى زياده الخير مش هيضر


انا بوجه موضوعى ده للننوعيه الاولى الناس الى بتشتغل وده مصدر رزق مهم فى حياتها سواء لتوفير حاجه اساسيه او ثانويه


ربنا وحده العالم انى مفكرتش فى نفسى بس وانا بتكلم عن الموضوع ده ووالله والله والله العظيم

انا مستعد لاى خدمه طالما هتخدم الصالح العام للناس الى بتشتغل فى الشغل ده






سلام عليكم ورحمه الله وبركاته

[yasmenaaa]

إقتباس: اقتباس من مشاركة احلام 2011      علشان كده بنقول نلتزم بشروط الدفع والعدد وصاحب المنتدى لما يلاقى الكل متمسك بالشروط غصب عنه هيوافق وخلاص سيبك من النصاب ده بعد كده نلتزم بالاسعار الى اتفقنا عليها

مع احترامى لرأيك اختى للاسف كلامك مش مظبوط
لان كل صاحب منتدى له امكانياته
وكل واحد بيضع المبلغ الى يقدر يدفعه حسب امكانياته

[احلام 2011]

إقتباس: اقتباس من مشاركة yasmenaaa      مع احترامى لرأيك اختى للاسف كلامك مش مظبوط لان كل صاحب منتدى له امكانياته وكل واحد بيضع المبلغ الى يقدر يدفعه حسب امكانياته

هههههههههههه
بجد يا ياسمين مش عرفه اقولك ايه
امكانيات ايه
فى مثل بيقول الى معاهوش ميلزموش
يعنى انتى فى ايدك 5 جنيه تقولى لما اروح اشترى اشترى بلوزه ب 100 جنيه ؟
صاحب المنتدى الى امكانياته ضعيفه يطلب الى على قده
يمشى بالراحه بدل ما يشغل 10 باسعار بخس يشغل 2 ويديهم حق تعبهم
عموما ده اراء ويظهر اننا مهما هنقولك انتى مقتنعه برئيك

[yasmenaaa]

إقتباس: اقتباس من مشاركة احلام 2011      هههههههههههه بجد يا ياسمين مش عرفه اقولك ايه امكانيات ايه فى مثل بيقول الى معاهوش ميلزموش يعنى انتى فى ايدك 5 جنيه تقولى لما اروح اشترى اشترى بلوزه ب 100 جنيه ؟ صاحب المنتدى الى امكانياته ضعيفه يطلب الى على قده يمشى بالراحه بدل ما يشغل 10 باسعار بخس يشغل 2 ويديهم حق تعبهم عموما ده اراء ويظهر اننا مهما هنقولك انتى مقتنعه برئيك

وصاحب المنتدى كان يطلب مقابل معقول فى رأيى
ولم يطلب مواضيع حصرية او اى تعديل
كل ما طلبه نسخ ولصق
اضافة 120 موضوع منقول ب 10 جنيه
ال 120 موضوع لا تأخذ منى اكثر من ساعة
يعنى 10 ج فى الساعة
هل هذا غير مناسب ؟
للتذكير الموضوع هنا
http://www.arabwebtalk.com/showthrea...58374 &page=2

600 موضوع يعنى عمل لمدة 5 ساعات فقط

[F0X]

يا اخت ياسمينا احنا هنا كلنا اخوة

وحطينا اتفاق مش (قانون) ومش بالعافية احنا خدنا رأي الاغلبية

33 عضو وافق وبعدين دا فى مصلحة ليكي ولينا كلنا

ومفهوش ضرر ليكي خالص

عشان الموضوع دا لو مكانش اتعمل كان سعر المواضيع والمشاركات بقى قليل قوي

دا فى واحد كلمني كان عاوز 1000 موضوع ب 80 جنية

وواحد تاني كان عاوز 1500 موضوع ب 100 جنية

ودا مش يرضي ربنا

[F0X]

والموضوع مش ينفع نتخانق فيه هنا بجد

[yasmenaaa]

إقتباس: اقتباس من مشاركة F0X      يا اخت ياسمينا احنا هنا كلنا اخوة وحطينا اتفاق مش (قانون) ومش بالعافية احنا خدنا رأي الاغلبية 33 عضو وافق وبعدين دا فى مصلحة ليكي ولينا كلنا ومفهوش ضرر ليكي خالص عشان الموضوع دا لو مكانش اتعمل كان سعر المواضيع والمشاركات بقى قليل قوي دا فى واحد كلمني كان عاوز 1000 موضوع ب 80 جنية وواحد تاني كان عاوز 1500 موضوع ب 100 جنية ودا مش يرضي ربنا

اين الاخوة التى تتكلم عنها فى رد ال اسمه انجاز على الموضوع هنا ؟
http://www.arabwebtalk.com/showthread.php?p=801237
رد اقل ما يقال عنه رد اطفال
هذا الاتفاق يسرى عليك وعلى ال 33 اما انا وباقى اعضاء المنتدى لا
واكرر ان العرض الذى قبلته كان مناسب جدا
120 موضوع منقول فى ساعة ب 10 جنيه
مناسب جدا
وانا لو لم اكن ارى السعر مناسب لن اوافق على العمل

[yasmenaaa]

إقتباس: اقتباس من مشاركة F0X      والموضوع مش ينفع نتخانق فيه هنا بجد

ربنا ميجبش خناق
ما اردته فقط ان يرى اعضاء المنتدى الاخلاق العالية للاخ انجاز فى رده على الموضوع
http://www.arabwebtalk.com/showthread.php?p=801237

[رحاب الروح]

بجد انا تعبت من كتر منا اعدت قرات الكلام ومش عارفه فى ايه حضرتك على فكره من مصلحتك ان السعر يبقى عالى مش عارفه حاسه ان فى حاجه غلط ومش عارفه انتى متمسكه ليه بالرد وبالطريقه دى كمان بتفكرينى بالاستاذ بتاع البرنامج الغريب اللى بيقول عليه دا وان سعر ال1000 موضوع ب100 جنيه وحاجات كدا يااستاذه ياسمينا دا اتفاق انا و33 عضو اخر اتفقنا عليه واتفقنا اللى هيحط اسعار غير كدا يبقى بيحاربنا فشغلنا واتفقنا ان احنا هنخربله موضوعه وعلى فكره دا من مصلحتك ان السعر يبقى عالى وانك تاخدى فلوس مقدم عشان تضمنى حقكك بدل ماتتعبى وتعبك يروح على الفاضى وموضوع انك بتقولى انك بتحطى 120 موضوع فساعه دى كدب مليون فالميه لان فى منتديات يااستاذه ياسمينا بننتظر فيها شويه حوالى دقيقه يبقى فالساعه على افتراض انك بتحطى مواضيع بالساعه يبقى 60 موضوع الا اذا كنتى بتستخدمى البرنامج RSS اللى بيحط المواضيع الكتييييير يااختى ياسمينا ولاخر مره بقولك العرض دا فمصلحتك مش ضددك وبلاش طريقه الرد اللى انا حاسه فيها انا والكل انك (بالمصرى كدا) مسكالنا على الواحده
وربنا يوفق الجميع وانتى اولنا يااختى لان احنا مش بنقف فطريق حد احنا عاوزين تقدير لتعابنا ومجهودنا مش اكتر من كدا

[fego]

بصراااحة صاحبة الموضوع عندها حق

انا عندى منتدى طبعا واكيييد هاخد اللي عارض ارخص مع انى الحمدلله معايا

بس ليه ادفع اكتر ما دام ينفع ادفع قليل

هههههههههه

وبرضو بشتغل فى تعبئة وتنشيط المنتديات

و من كام يوم كنت حاطط موضوع كنت فااكر انه حصرى وهيكون عليه اقبال

بقلب فى الصفح

لقيت اسعااار يعنى مش اسعار دا الواحد بيشوف حاجات دى مش حاجات هههههههههههه اسعار ضعيفة جدا جدا

الواحد بياخدها وهو بيرووح المدرسة ..ههههههههه

ودا كله لييه يعنى

من كام شهر كانت الاسعار مناسبة جدا جدا

وزى ما قالت صاحبة الموضوع هيجي مدير المنتدى ويقولك تشتغل انت عندى وتعطينى كماان مقابل هههههههه

ارجو ان يتعمل موضوع تاااانى ونوحد فيه الاسعار

وتكون الاسعار مناسبة للى معاه وللى اذلسة بيبدأ

وشكراااااااااااااااا

[yasmenaaa]

إقتباس: اقتباس من مشاركة رحاب الروح      بجد انا تعبت من كتر منا اعدت قرات الكلام ومش عارفه فى ايه حضرتك على فكره من مصلحتك ان السعر يبقى عالى مش عارفه حاسه ان فى حاجه غلط ومش عارفه انتى متمسكه ليه بالرد وبالطريقه دى كمان بتفكرينى بالاستاذ بتاع البرنامج الغريب اللى بيقول عليه دا وان سعر ال1000 موضوع ب100 جنيه وحاجات كدا يااستاذه ياسمينا دا اتفاق انا و33 عضو اخر اتفقنا عليه واتفقنا اللى هيحط اسعار غير كدا يبقى بيحاربنا فشغلنا واتفقنا ان احنا هنخربله موضوعه وعلى فكره دا من مصلحتك ان السعر يبقى عالى وانك تاخدى فلوس مقدم عشان تضمنى حقكك بدل ماتتعبى وتعبك يروح على الفاضى وموضوع انك بتقولى انك بتحطى 120 موضوع فساعه دى كدب مليون فالميه لان فى منتديات يااستاذه ياسمينا بننتظر فيها شويه حوالى دقيقه يبقى فالساعه على افتراض انك بتحطى مواضيع بالساعه يبقى 60 موضوع الا اذا كنتى بتستخدمى البرنامج RSS اللى بيحط المواضيع الكتييييير يااختى ياسمينا ولاخر مره بقولك العرض دا فمصلحتك مش ضددك وبلاش طريقه الرد اللى انا حاسه فيها انا والكل انك (بالمصرى كدا) مسكالنا على الواحده وربنا يوفق الجميع وانتى اولنا يااختى لان احنا مش بنقف فطريق حد احنا عاوزين تقدير لتعابنا ومجهودنا مش اكتر من كدا

ياستى وانا مالى بيكوا ايه بحاربك دى ؟
خليكى فى العرض ده على الله ينفعك
اعتراضى الوحيد على شماتة صاحب هذا الموضوع فيا ودى مش اخلاق انسان يعرف ربنا
لان كما تدين تدان
واقسم بالله العظيم انا بحط كمان اكتر من 120 موضوع فى الساعة
لكن بشرط ان الموضوع يكون منقول وليس به اى تغيير
وبشرط ان المنتدى لا يوجد به خاصية الانتظار بين المشاركات
وكل هذا كان متوفر فى المنتدى الذى شاركت فيه فلماذا ارفض العمل به ؟

[انجاز لخدمات الويب]

ياجماعه خلاص بقى لو سمحتوا محدش يرد عليها خلاص الموضوع هيتملى كلام فاضى ومشاركات فاضيه

هنبقى نرد عليها ان شاء الله لما تعمل موضوع فيه عروض بسعر اقل


او حتى تشارك مشاركه تقبل فيها الشغل بسعر اقل

[xyz]

رينا يوفقكم ان شاء الله كلكم وتحصلو اعمال باسعار افضل
لكن لازم تشوفو طريقة عملية لان
لي ملاحظة هذه الطريقة صعب جدا ان تنجح بسبب انه ليس اتفاق من كل اعضاء المنتدى اضف لانه هناك منتديات اخرى ...
و ايضا فيه ناس تسجل جديده ماتفقت معاكم و فيه ناس موجودين اشوفهم يعرضو اسعار اقل منكم
كذا بيصير انتو تخسرو وتروح الشغلات لناس ثانية
ايضا ان الشغلة اللي تقدموها نقل مواضيع ممكن ال rss يعملها بدون موظف ..

الافضل مثلا تسوو جروب كبير و موقع مثلا خاص فيكم
و تنسقو الشغل بينكم
و يكون عروض لخدمات منوعة ادخال بيانات تعبئة ادلة ... مواضيع حصرية ..نقل اخبار وتحريرها
و تقدمو عدة شغلات اخرى و كل شغلة بسعرها
و يكون الشغل يستلمه الشخص بالترتيب ...

و ان شاء الله ربي يوفقكم كلكم و تحصلو شغلات برواتب ممتازة
بس ابحثو عن طريقة عملية ممكنة التطبيق

[بحب مصر]

وأنا كمان موافقة

[الويب المصرى]

شاركونا فى المنتدى

منتديات ملتقى مصر
http://www.egyptforums.ealak.com/vb/index.php

[elmalk]

السلام عليكم ورحمة الله

انا رغم اني مش شغال في مجال التعبئه ومش هيضرني في حاجه لو الاسعار رخيصه
ولكن فعلا انا كا مشاهد لما بدخل واشوف اسعار رخيصه جدا مقابل عدد كبير من المواضيع بقول الله يعين الي شغال في المجال ده ومصدر رزقه!!

وفي حاجه مهمه قوي انا مش فاهمها , الي بيروح لحد علشان ينزله 1000 موضوع منسوخين دا عنده عقل؟ ايه فايدة المواضيع المنقوله دي بالعكس بتضره في جوجل ومهما نقل من مواضيع ملهاش قيمه
ويوفر على نفسه احسن وينقل بالـRSS اتوماتيك بدل ما يدفع فلوس لحد يعمله كوبي وبست

وتعليق اخير مزنوق فيه بصراحه الاخت الي اسمها ياسمينه انصحك" تتعالجي"

[ملوكه75]

ربنا يهدى الجمييييييييييييييع

[yasmenaaa]

إقتباس: اقتباس من مشاركة elmalk      السلام عليكم ورحمة الله انا رغم اني مش شغال في مجال التعبئه ومش هيضرني في حاجه لو الاسعار رخيصه ولكن فعلا انا كا مشاهد لما بدخل واشوف اسعار رخيصه جدا مقابل عدد كبير من المواضيع بقول الله يعين الي شغال في المجال ده ومصدر رزقه!! وفي حاجه مهمه قوي انا مش فاهمها , الي بيروح لحد علشان ينزله 1000 موضوع منسوخين دا عنده عقل؟ ايه فايدة المواضيع المنقوله دي بالعكس بتضره في جوجل ومهما نقل من مواضيع ملهاش قيمه ويوفر على نفسه احسن وينقل بالـRSS اتوماتيك بدل ما يدفع فلوس لحد يعمله كوبي وبست وتعليق اخير مزنوق فيه بصراحه الاخت الي اسمها ياسمينه انصحك" تتعالجي"

وانا انصحك تتنيل وتسكت انت والحاقدين امثالك

[خير زمان]

بيجد موضوع ممتاز

ولزم كلنا نكون فاهمين كويس أحنا بنحارب بعض فى الاسعار

وطبعا المصلحه لى صحاب المنتدى مش لينا

وحرام لما واحد يقولك 1000 موضوع بى 100 ريال


يعنى 140 جنيه يعملو ايه فى الظروف دى ؟

[ابو احمد11]

السلام عليكم

انا اخوكم ابو احمد من السعوديه
موضوعكم شدني لاني بواجه مشكله مع بعض الاخوان المنشطين

بالنسبه للسعر أعتقدلازم يكون فيه فرق لان في أشخاص مبدعين في تنسيق واختيار المواضيع وفي أشخاص الله المستعان


بس بالنسبه للدفع / لما أتفق مع شخص بمية ريال مثلا وما عنده حساب بنكي سعودي ويطلب مني تحويل نصف المبلغ انا برفض لاني بدفع 35 ريال قيمة تحويل 50 ريال بمعنى اني راح اتكلف 70 ريال قيمة تحويل مبلغ مية ريال واذا عطيته المبلغ كامل معد بشوفه واذا تقول لي افضحه بعثص ضعفاء النفوس يشتغل بأكثر من معرف وايميل

وزي ما أنتم محتاجين ضمان حقوقكم احنا كمان نحتاج نضمن حقوقنا

وبجد اتمنى لو يكون فيه ميثاق شرف يتكون من مجموعه كبيره من المنشطين من خلال الموضوع دا تتفقو على سعر معقول وطريقة تحويل تضمن للجميع حقوقهم ويتسجلو الاشخاص بايميلاتهم ومعرفاتهم بلائحه ميثاق شرف يترك لنا التعامل بأمان واطمنان معهم واي شخص يخون التفاق يشهر به ويطرد من قائمة الميثاق

وأسف على الاطاله

[محمد عيسى]

إقتباس: اقتباس من مشاركة yasmenaaa      ارى ان العرض مناسب جدا فصاحب المنتدى يطلب المواضيع نسخ ولصق دون اى اضافات من حق صاحب المنتدى ان يعرض السعر المناسب لامكانياته ومن حق الذى يضيف المواضيع ان يوافق ان كان يرى ان العرض مناسب وليس معنى انى لم اشارك فى عرض الاستاذ انجاز ان يعطيه الحق فى ان يشمت بى هذه ليست من اخلاق الاسلام

أخت ياسمينا/
أحييكِ على سعة صدرك وأخلاقك الطيبة.
ولو مازلتي لم تأخذي حقك ممن عملتي فأخبريني لأدفعه لكِ.
ولو مازلتِ محتاجة شغل إعلميني بذلك بارك الله فيكِ.