[Tech_Pioneer]

الاخ اللي بيتكلم عن الدومين معاه حق فعلا ..

منين انت بتتكلم عن شبكة اعلانات .. وكبري .. وعالمية ... الخ
وانت اساسا ما عندكش دومين ؟؟

المسألة مش فلوس ولا 6 دولار (الدومين علي فكرة بـ 9$ )

بس المسألة عشان الثقة والانطباع الاول ..
ايه اللي يخلي واحد صاحب موقع انه يدفع فلوس لموقع مجاني ؟؟
المواقع اللي زي دي ممكن في لحظة تختفي ..

لكن وجود موقع بفلوس علي استضافة مدفوعة تعطي انطباع للطرف الاخر انك شخص جاد فعلا ..
وانه يثق فيك ويتعامل معاك ..


ثانيا .. المجال اللي انت عايز تعمله ده كبير جداا عليك ..
لانه محتاج لبرمجة كتيرة وحماية .. ده غير لازم يكون هناك دعم فني 24 ساعة
لو الموضوع سهل كدة .. كنت لاقيت الالاف الشركات والشبكات !!

حتسألني يعني ايه ؟؟
دلوقتي الناس اصحاب المواقع (الناشرين) حيحطوا الكود في مواقعهم ..
ايه اللي حيحسب لهم الفلوس وعدد الظهور والنقر ؟؟

المعلنين ايه اللي حيضمن لهم ظهور الاعلان فعلا علي مواقع ؟؟
وايه اللي حيضمن لهم ان في فعلا زوار حيجوا فعلا عن طريق الاعلانات دي ؟؟؟
وايه اللي يحميهم من الناشرين سيئي النية ؟؟


المضحك في الامر ان الدفع بيكون عن طريق الباي بول !!!
انت ما تعرفش ان باي بول ممنوعه في مصر ؟!!!!


الموضوع كبير جداا عليك ..
وانصحك بالبحث عن مجال اخر ..

انا بقولك كدة مش عشان احبطك او اني حقود عليك مثلا !!
بس دي نصيحة لوجة الله من واحد محترف ويب بقاله 6 سنين

[ahbrikaa]

والله شكرا على كل الاتهامات

والله انا مش عارف اية الهجوم العنيف دة

انا عايز اسأل سؤال واحد بس؟؟؟؟

لما الشركة الأجنبية النصابة اجلوكو نصبت على كل العالم والعرب على الأخص ساعدوها
فى الانتشار

كانت على دومين مدفوع طبعا

حد قاضاها مثلا؟؟؟؟
ولا الدومين والموقع المدفوع منعها من النصب على الملايين؟؟؟؟

السؤال:
لو الدومين مدفوع وقمت بالنصب وخداع المشتركين دة هيجبلهم حقهم؟؟؟
هيقومو بمقاضاتى مثلا؟؟؟
فية اى شىء يمنعنى فى حالة ان الدومين مدفوع؟؟؟؟؟


اعتقد ان الذى يمنع اى شخص او جهة من النصب هما حاجتين

اول شىء هو الاخلاق والدين
ثانى شىء يا باشوات هو الرغبة فى الانتشار والنجاح

يعنى لو قمت بالنصب على المشتركين هخسرهم وهخسر السمعة ومش هكسب اى شيء

الا السمعة السيئة والعار

وبعض المكاسب المادية المحدودةةةةةةةةةةةةةة للغاية

يا شباب انا مثلا معملتش اسعار النقر نص دولار ولا 20 سنت مثلا
انا اسعار النقرات على الشبكة 1 سنت علشان اقدر اقوم بالدفع

وعلشان متعثرش فاتهم بالنصب

وفى الاخر دة موضوع استثمارى
واساسيات الاستثمار

تقليل المصروفات وزيادة الارباح
انا مش محتاج امكانيات اكبر من الموجودة حاليا ولما احتاج يبقى فية قرارات جديدة

والله بالنسبة لحساب الارباح والنقرات دة موضوع كبير واعتقد انة غير متاح لمستخدم الانترنت العادى الى خبرتة 6 سنين
مع ان الخبرة لا تقاس بالمدة
الموضوع مش كبير عليا هو ممكن يكون كبير جدا على ناس تانية

وبالنسبة للباى بال فهو للمشتركين من دول غير مصر


يا شباب بلاش اتهامات بالباطل
بلاش حكم مسبق على الناس
بلاش تذاكى واستغلو ذكاءكم فى حاجة مفيدة احسن


وفى النهاية

نرحب باى عضو يحكم على اساس التجربة وليس حكما ظاهريا مسبقا وغير عادل باإلشتراك معنا

واسف على بعض الانفعال فى المشاركة جدا جدا

وشكرااااااااااااااااااااا ااااااااااااااااااااا