صارت لي تجربه مع اول فور هوست .. و الله يشهد انه تعاملهم قمة في الرقي .. مبيعات و دعم فني ..
و متواجدين و متعاونين جدا على مدار اليوم تقريبا ..
و سرعه استجابة ماشالله عليهم .. يعني شغل مضبوط ..
و من أخلاقهم العاليه و تعاونهم والله حتى في الشي اللي مو ماخذه يسوون أقصى ما في استطاعتهم للمساعده ..
تكفى الحين كل شركة سجلت وجالسة تكذب وتمدح نفسها الموضوع ماله داعي ولا بيجيب نتيجه
يمكن البعض شاف مواضيعي دخلت وسجلت في الويب العربي لكي ابحث عن مستضيف طبعاً مع مراقبة سوالف سوفت
اخواني اول مستضيف وانشاء الله آخذ حقي منه عند رب العالمين عنده مشكلة في dns وهيه شركة رسمية وترخيص وسجل ومكتب قالي اذا الصفحة الرئيسية تفتح مالي شغل فيك بمنتداك والصفحة الرئيسية مافيها شي تحت التأسيس تحولك بكود للمنتدى قلت الشكوى على الله خسرنا فلوسنا والحجم موجود الى الان 500 ميقا غير مستخدمه
غيرة للثاني
من العرب ومابي اقول من وين جيته واخذت منه 1 قيقا بصدر رحب وكلام جميل ملتحي واشوفه يصلي تعرفت علي من الموقع اتفقنا على استضافه وتصميم موقع بعد شهر وخساير تلفونات وصرف بنزين رايح جاي هرب الرجال وزين في باكب
غيرة الثالث
رجل من الدول العربية على قد حاله مبرمج ومصمم ومستضيف اخذنا 1 قيقا وتصميم اخذت شهور لتسليم الصفحة الرئيسة مع خساير التلفونات وخساير البنزين رايح جاي
من رمضان موقعي يسكر خمس مرات يومي تماماً خمس مرات كل يوم
وانا واصحاب المواقع كل يوم اتصالات عليه ماصير ومن هذا الكلام قلت انقل وافتك لانه عندي اقبال كبير على الموقع ومابي اخسر اكثر من كذا جلست ادور في سوالف وفي الويب اتضح لي قبل اسبوع ان المشكله من الشخص لديه البوم صور كبيرة وتأثر على السرفر لديه 4 قيقا صور طيب الرجال اوقف موقعه بالكامل وهو ماخذ السرفر من شخص في دولة خليجية اوكي خلينا نقول عليه الخليجي هذا الخليجي اوقف موقع الرجال ومواقعنا بحجة الضغط على السرفر كلمت وقلت ليه توقفوا مواقعنا احنا مالنا دخل شوفو الخليجي وش رد منتداي ابو 3000 عضو مسوي ضغط آخر على السرفر هههههه وموقع صاحبي الثاني مثلي ابو 300 عضو لذلك بيسكر علينا كلنا قلتله اجل الله يعين الم الامارات والمشاغب وبوابة العرب وغيرهم اذا انا 3000 عضو مسوي ضغط على سرفر وربي غسلت يدي منكم صحيح الي يقول العرب جرب وعمرهم ماتطورو غير النصب والكذب واكل مال الحرام تخلقوا اي كذبه بتقولو موب كلنا انا معكم ولكن هل معقول اني اجرب كل عربية وياكلني وينصب علي حتى اصل لأهل الثقة ؟
وانا لا انصح بالشركات العربية نهائي وهذي تجربتي
وقريت مشاركة من اخ قبلي يقول ابحث عن استضافة عربية عندها نسخ يومي ابشرك اجتمعت الشركات في موقع سوالف سوفت على انه لايتحمل الشركة الباكب يعني بالعربي لو طار عليك الباكب غني مطولك ياليل
واتفقوا ان الكلام الموضوع او الاتفاق الموضوع في صفحاتهم ليس الا صورة بس اذا ماطاح المنتدى بيعطيك الباكب لانه شغال واذا طاح عليك العوض هذا الكلام ليس من راسي لا شوفوا ماهو مكتوب حين طاح واحد من الاخوان موقعه وشتكى جميع الاستضافات وقفت مع مايسمى الحق يقولو الاستضافة لاتتحمل المسؤولية
خخخخخخ اجل مين يتحملها الله يعين بس وتنظف الشركات من النصب والاحتيال على العالم وارجع واقول ليس الكل بس علشان تصل للموثوق بيكلفك كثير ويمكن بعد فترة يطير عليك مابنيته وهذا الي يصير مواقع كثيرة جداً مشهورة طارت بالهوى لهذا السبب..
النمط التشعبي
