[ريمكس الامارات]

السلام عليكم
اخواني كنت اتابع اسعار شركات الاستضافه و شفت الشركات الرسميه اللي الها مكتب و موضفين و فروع و شفت الشركات اللي غير رسميه يعني اللي اصحابها مشترين ريسلر او سيرفرات و حاطينهن في البيت .
شفت الاسعار و الاسعار متقاربه و مرات اسعار الشركات الغير رسميه اسعارها اغلى .
انا اريد اقول انه الشركات الغير رسميه رافعه سعرها على الفاضي يعني ربحها 100% بس الشركات الرسميه اسعارها تستاهل لانك اذا بتحسبها بيطلع ربح الشركات الرسميه قليل و شويه لانه الشركة الرسميه تدفع ايجار المحل و ايجار الرخصه لشركة و رواتب للموضفين و ايجار السيرفرات و من غير اثاث المكتب و غيره من مكالمات و كهربا .
ليش الاسعار متقاربه يا ريت لو حد يفهمني و الكل اكيد ملاحظ هذا الشي .
يا ريت لو الشركات الغير رسميه تشوف و توضح و تراعينا في هذا الشي .
ثاني شي الناس تظمن حقها في الشركات الرسميه مع احترامي لشركات الغير رسميه . يعني لو شي صار تكون في فواتير و ادله بس الشركات الغير رسميه اذا صار شي يطير كل شي عن الزبون او المستضيف .

هذا الكلام حتى ينطبق على المصممين مثلا شي شركات استضافه تقدم خدمه التصميم و اسعارها عاديه و مرات تشوف شركات غير رسميه واحد يشتغل في البيت و جدامه كمبيوتر و يشتغل على راحته و يستلم نفس المبلغ اللي تستلمه الشركات الرسميه و مرات اغلى .

يا ريت لو الشركات الغير رسميه تشوف و تراجع نفسها و انتظر ردود الاعضاء و رايهم في الموضوع و التاييد .

و اسفين على الازعاج