السلام عليكم ورحمة الله وبركاته
الدورات كثير ماشاء الله الموجوده في الويب العربي وفي غيره من المواقع ولكن الدوره اللي عزمت اعملها مختلفه في طريقتها واسلوبها ونتائجها
موضوع الدوره :
تعليم تصميم ستايل منتدى من الصفر الى طرحه ملف مرفق لزوار الويب العربي
طريقة الدوره :
من زمان وانا افكر اعمل دوره لكن بصراحه كنت اريد طريقه افضل من الطرق المعتاده حتى تكون فائدتها اكبر واقوى واحسن لي وللمستفيدين منها .
ووجدت ان الطريقة التالية هي الأنسب واللي قررت أعملها بإذن الله :
اولاً :
يسجل في الدوره خمسة أعضاء فقط وهم اول خمسة يرشحون انفسهم للاشتراك في الدوره في هذا الموضوع .
شروط الالتحاق بالدوره :
أن يكون المشترك ناوي يكمل معنا الى نهاية الدوره وما ينسحب منها او يتأخر في تنفيذ الدروس حتى ما يتسبب في تأخير بقية المشتركين لاني ماراح انتقل لمرحلة جديدة الا بعد تجاوز المرحلة اللي قبلها بنجاح كل المشتركين الخمسه .
ان يكون المشترك لديه الرغبه والحس الفني المطلوب في المصمم بشكل عام .
ثانياً :
الدورة مجانية وحصريه على الويب العربي
وفي هذا الموضوع .
ثالثاً :
مدة الدورة مفتوحه لأنها بتكون مثل الدراسة الفعلية يعني كورسات او فصول للمنهج وما ننتقل لكورس جديد الا بعد تجاوز الكورس اللي قبله والسبب ان الدوره المفروض يخرج منها الخمسه وهم مصممين محترفين .
رابعاً :
الدوره مفتوحه امام الكل واللي يبي يطبق معنا حياه الله يطبق لحاله على جهازه ويستفيد بس اتمنى محد يدخل علينا بمشاركات واسئلة تخرب علينا وتحوسنا بالعربي ابي استفرد بهالخمسه في هالموضوع والعب فيهم لعب خخخخخخخخ ان ماطلعتهم مصممين ولا ياويلهم
وممكن بعد نهاية الدوره اذا فيه احد عنده استفسار متعلق بشيء في الدوره ماجاوبت عليه ممكن يطرحه ويبشر وقتها لكل حادث حديث .
خامساً :
في نهاية الدوره باقيم الاستايلات الخمسه واعطي كل واحد درجته من 100 واوضح له نقاط الضعف حتى يستفيد منها .
وبكذا نعرف ترتيب المشتركين وان شاء الله ما يكون فيه راسبين
امزح
سادساً :
الاستايلات الخمسه والسادس اللي بسويه انا مع المشتركين بنطرحها لاعضاء الويب العربي في قسم الاستايلات هدايا للجميع بعد انتهاء الدوره .
سابعاً :
الاستايلات بتكون مختلفة الالوان والاشكال لاني ماراح اقيد المشتركين بلون او شكل معين لازم كل واحد يبدع ويبتكر فكرة الاستايل والوانه والصور المستخدمه فيه وطبعا بكون معاهم خطوه بخطوه .
يمكن اكون نسيت شيء !!!
اي استفسار انا حاظر
اللي يبي يشترك يقول وانا باعتمد اول خمسه مشتركين بس رجائي التقيد بشروط الاشتراك من الان
تحياتي
دورة الرّاسم لتصميم الاستايلات الاحترافية ( حصرياً )
النمط المتتابع
