[خالد العميري]

بسم الله الرحمن الرحيم
من أصعب الأوقات اللي تمر علينا في ابعاد المعلومات هي اللي تسبق طرح منتج جديد خاصة اذا كان ينتظره عملاؤنا بحماس واندفاع لدرجة ان بعضهم تقول وده ياخذ مشعاب ويطب علينا !!

العميل :
هاكم فلوسي وهاتوا برنامجكم لاحوفكم حوف

ابعاد :
ياخوي باقي ماخلص شغالين فيه والله باقي

العميل :
اقول هات اخلص باقي ما باقي ماعرف خذ الدراهم وركبوه على موقعي تفهم انت ؟

ابعاد :
طيب ابشر بس خله يخلص اول

عاد على هالحال فترة طويله من اول ما بدينا في الكمبو الجديد قبل حوالي اربعه شهور

كثير طبعا يفكرون الشغله ماتحتاج وقت وتعب لكن وين تشرح له مايمديك اصلاً تقول شيء

احيانا نفكر ونقول :

ابعاد 1 :
طيب لو بطلنا نسوي الكمبو وش بيصير ؟
كيفنا ياخي معاد نبي

ابعاد 2 :
كيفنا ؟؟ صاحي انت ؟
وين كيفنا الا بياكلونا اكل ، تجي هالحين تقول بطلنا ؟

ابعاد 1 :
طيب وشفيها ماخذنا من احد مبالغ ولا لاحد عندنا شيء خاصة الكمبو حق الخواجات مهوب لنا يادوب حنا نسوي له تطوير ونترجمه ونصمم له ستايلات يعني اساساً برنامج اجنبي وفيه شركه مسؤله عنه !

ابعاد 2 :
اقول لا يكثر
خلنا نكمل بس ونخلص ونطرحه للعالم اللي تنتظر ومتعشمه فينا .

ولاننا صرنا تحت ضغط نفسي رهييييييب قررنا نعمل ورشة عمل بحيث ننهي اللي بديناه بأسرع وقت ممكن
تقابلنا في مكتبنا بالعليا في قلب العاصمة السعودية الرياض <<<< حلوه العاصمه السعودية الرياض

يوم الاربعاء قبل شهر رمضان بأسبوع تقريباً
محاكيكم وابو نواف ووائل واحمد

اعرفكم على الشباب :
ابو نواف ( م. محمد عبدالله ) مبرمجنا المعروف عاد هذا الادمي ان اشتغلت معه عز الله بتكره نفسك لامسك بك خط انسى تروح او توقف قبل تنهون الشغله ماشاء الله عليه وحكاية تمشي شغله بطريقة مشي حالك مع ابو نواف انقزها لازم منتهى الدقه والتفصيل
وصعب تقول له تعبت اذا قلتها له على الماسنجر طلع لك من الشاشه وسحبك مع رقبتك :

اقول اشتغل بلا تعبت بلا كلام فاضي
اجل لو تقولها له وانت معه قدامك اذا سلمت جبتهك زين


وائل اديب : ولد حبيب وذوق وهااادي من زملانا في قسم الاستضافة عاد حقين الاستضافة عندنا في ابعاد النفسيات دايم زفت معنا يالاقسام الثانيه مدري ليه ؟
يمكن عشان شغلهم مافيه متعه مثلنا ومتوترين دايم من زود الحرص على السيرفرات والمواقع .

لا امزح كلهم حلوين ورايقين ووسعة صدر


احمد بولاد :
مصمم وولد فنان لكن لا تنتقد تصميمه على طول يحمر وجهه ويبدا يغير الموضوع
بس جلسناله جلسه محترمه في ورشة العمل وطلع لنا ستايل رمضان الراائع ماشاء الله عليه

اربعتنا تقول طالعين كشته كلن كلم اهله وقال لهم لا تنتظروني مدري متى بجيكم طبعا محد يدري والسبب : راجع تعريفي لابو نواف اعلاه بيمسك بك خط انسى تروح .

من يوم الاربعاء بعد صلاة العشاء بدأنا ورشة العمل وشفنا الشمس يوم الجمعه

نمنا طبعا غطات سريعه في المكاتب والاكل مافيه الا هارديز طالع وكنتاكي داخل لازم طبعا التغذيه مهمه في المعسكرات اللي زي كذا
والصلاة بالدور الاول في نفس البرج صل وتعال كمل شغلك مافيه فركات

الحمد لله انجزنا شغل كثير البرمجه خلص ابو نواف شغل اسبوع في هالورشة طبعا هو يكمل اللمسات الاخيرة على الترجمه وترقية الهاكات وتشييك الهاكات الجديدة ونظام الحماية وووووووو

وانا واحمد بولاد انجزنا 9 ستايلات للكمبو بما فيها ستايل رمضان للكمبو وستايل لانفنتي غير صورة المنتج والبانرات الاعلانية والاوسمه والايقونات ووو .

وائل كان حلقة الوصل مابين ابعاد المعلومات على النت ومابينا في ورشة العمل ، متابعة تذاكر واستقبال طلبات وتموين غذائي للمحاربين القدامى اللي هم حنا

من امريكا ( علي حمد ) معسكر هناك عند السيرفرات ومعلن حالة التأهب لانه عارف كلنا بالورشة وحسب ما سمعت انه رفع حالة التأهب للون البرتقالي ، عاد مدري الظاهر هو اقوى شي

محمد نور ونواف وسطام كلن ماسك له زاوية اللي دعم فني واللي تنفيذ واللي مبيعات الكل مدهر يبي يغطي خانه وماتسمع غير همس الشباب في ورشة عمل ، الشباب في ورشة عمل اهوصصصص


المهم حبايبنا كله كوم واللي حصل يوم الجمعه كوم ثاني
بعد ما انهينا ورشة العمل وانجزنا عمل طيب ولله الحمد بدت تظهر علامات الاعياء

بصراحه ابو نواف انهار جسدياً حتى انه ماقدر يروح للبيت فقرر يرتاح شوي بالمكتب حتى يقدر ياصل بيتهم
انا تحاملت على نفسي ووصلت البيت وانا حاس اني تعبان لدرجة التسامي
"التسامي : التحول من الحالة الجامده للغازية بدون المرور بالحالة السائله "


احمد ووائل راحوا زحف للمصعد

والحمد لله كان وقت صعب وعديناه وانجزنا المهمه

كتبت هالموضوع من باب الترفيه من ناحية واهداء للزملاء في ابعاد المعلومات واشكرهم على جهودهم وانا سعيد اني اعمل معاهم كفريق رائع فعلاً .


من ناحية ثانيه انقل لكم ماحصل وانقل لكم فكره بسيطه عن الجهود اللي بذلها فريق العمل ونتمنى ان نكون وفقنا في تقديم ما ينال رضاكم واعجابكم في الكمبو الجديد

والى لقاء في ورشة عمل جديدة وانجاز جديد

تحياتي

[بالحكم]

خالد العميري

يا حبني لك دون كل المخاليق


بغيت اوقع عقد للعمل معاكم ولكن ما دام فيها ابو نواف بطلت هههه


اهلي يبغوني خخخخ



دُعابه حلوه ويعلم الله اننا نحبكم من قلوبنا واقولها وانا صائم في نهار رمضان

على مهلكم ومحنا مستعجلين عشان بكره لاترموا الكرة في ملعبنا


اهم شيء تشوف الهاكات الناقصه تضيفوها واهمها هاك اضافة موضوع من اي مكان بالمنتدى

والهاكات اللي مالها داعي وتثقل على التصفح شيلوها

كمان شريط اخر المشاركات بطريقه حلوه وشريط الاهداءات ياليت تركبوها وتاكدوا اننا معلكم قلباً وقالباً ومقدرين جهودكم وهذا اللي حببنا فيكم والا عيال الناس واجد


يعني نبغى الكمبو تكون غير وكلها حركتات عشان نكيد العُزال



وكل عام وانتم بخير

[alyanfa]

أقول بيض الله وجيهكم جميعاً

ويشهد الله أن عملكم وجهدكم محل تقدير واحترام منا جميعاً

ويكفي جمعتم قلوب تحابوا هنا

الفلوس تروح وتجي والمواقع تتطور وتتغير

ولكن المحبة في قلوب الناس أمر عظيم نغبطكم عليه

موفقين إن شاء الله

"واللي ايده في المويه ما هو زي اللي ايده في النار"

سدد الله خطاكم لكل خير

[سطام سعد]

قبحك الله اجل حالة

إقتباس: التسامي

يعني غازي يابو علي ..


بصراحة العمل يستاهل هالتعب كله .. وانا كنت واقف على اكثر من طلب لعملاء .. كلهم مستعجلين .. الله يعينكم يابعاد ..

[ShAdWo.net]

بسم الله الرحمن الرحيم

الله يرزقنا وأياكم الجنة

تكاتف أخرج لنا أعمال جميلة نفخر بها

شكراً لكم جميعاً وأخص بالشكر العزيز

سطام سعد راعي الاسلوب الجميل

مجرد محادثة وحده ونا محول ومشترك ومغير الاستضافة عند ابعاد

يعني ما تعبته على طول أقنعني

شكراً لكم جميعاً

[بيرق عز]

وربي إنكم كوكبه رائعة ومتميّزه
والله يوفقكم ويرزقكم على قدر تعبكم

والعمل الكبير يحتاج له جهد كبير
وأنتم قدّها وقدود

فشكراً لجميع العاملين في هذه المنظومة المتألقة

[abo saleh]

الله يسترك حبيبي خالد ماتكون هذه مقدمة لتأخير طرح النسخة

اقول
جزاكم الله كل خير وعوضكم كل ما تطمحون له مقابل تعبكم و بلغكم مرادكم

بس تكفووووووووووون بسرعة
قل للي يقول نبطل شغل الكمبو لا يعيدها فيلقاني انتظره عند باب المكتب

وياريت تضيفون لنا وجوه تعبيرية جديده من اللي نشوف بالمنتديات ملينا من هذه الوجوه القديمة الصغيرة الثابته فوالله ان الجديدة حلوة طبعا اللي تتحرك

[سطام سعد]

ShAdWo1

الله يجزاك خير ..

[almfkr]

مادام يا أبو علي فتحت المجال لنا

تراكم ما خلصتو شغلي للحين متى تخلصونه تراكم ابطيتوا علينا ههههههههههههه

بيض الله وجيهكم والله تعبكم ماراح عبث
شغل عدل

[الأستاذ هاني]

ابو علي
السلام عليكم
العنوان جذاب . يسجل مشهد خطير من المعسكر . تسلموا جميعكم على الابداع الذي تقدمونه دائماً
تحية للمبدعين . كل فرق ابعاد المعلومات . اللي نعرفهم واللي ما نعرفهم .

اخوكم : هاني

[athari]

ههههههه ذبحتني ضحك الله يهديكم .

[arbje]

احلى شي بعد هالتعب تحس بروح الزماله الاخويه الي تنسيك أم تعبك وتبتسم بذكرياتك الي صارت لك داخل اجواء العمل فيه الي يضحك وفيه الي يكدر الخاطر وفيه المقالب ،،

إقتباس: لدرجة ان بعضهم تقول وده ياخذ مشعاب ويطب علينا !!

لاتلوم العميل اذا طاح بتقنياتكم الله يحفظكم ،، زود على تسذا كلن يدور الفن والدقه لموقعه وأنتم اهل لشي هذا الله يزرقكم أكثر وأكثر ..

إقتباس: هاكم فلوسي وهاتوا برنامجكم لاحوفكم حوف

قليلة كلمة مشفوح على هالعميل <<< ازين من كلمة غثيث يابو العربجه

إقتباس: في قلب العاصمة السعودية الرياض

ههههههههههههههههههههههههه ههههههههههههههههههههههههه هه

إقتباس: ابو نواف ( م. محمد عبدالله ) مبرمجنا المعروف عاد هذا الادمي ان اشتغلت معه عز الله بتكره نفسك لامسك بك خط انسى تروح او توقف قبل تنهون الشغله ماشاء الله عليه وحكاية تمشي شغله بطريقة مشي حالك مع ابو نواف انقزها لازم منتهى الدقه والتفصيل

ههههههههههههههههههههههههه ههههههههههههههههههههههههه
أول شي عيني عليه بارده ثاني شي اكيد ماطلع هالكمبو الروعه الا اول شي بفضل الله سبحانه وتعالى ثم بفضل ابو نواف اذا هي عليك ياخالد مانتب مشتغل الا اذا قالو عام الفين وعشره يالزول

إقتباس: وصعب تقول له تعبت اذا قلتها له على الماسنجر طلع لك من الشاشه وسحبك مع رقبتك :

ذكرتني بشخص الله يستر علينا وعليه اذا عصب كبر راسه وتغير لونه الى الاحمر وعيونه مدري شلون قالت <<< مايقصد عم المحقق كونان ابد !!

إقتباس: اربعتنا تقول طالعين كشته كلن كلم اهله وقال لهم لا تنتظروني مدري متى بجيكم

والله لو أنها أزمة الحرب العالميه الثانيه ههههههههههههههههههههههههه وبعدين شكلكم طالعين لطريق الملك فهد على قارب وخايفين تغرقون لاني سمعت ان فيه باخره طاحت وهي جايه من مصر <<< بالله وشدخل هاذي بقاربهم !!

إقتباس: من يوم الاربعاء بعد صلاة العشاء بدأنا ورشة العمل وشفنا الشمس يوم الجمعه

ههههههههههههههههههههههههه ههههههههههههههههههههههههه
ههههههههههههههههههههههههه ههههههههههههههههههههههههه
عيني عليكم بارده عزالله مافيه رحمه عند ابو نواف
ابو نواف احبك

إقتباس: المهم حبايبنا كله كوم واللي حصل يوم الجمعه كوم ثاني بعد ما انهينا ورشة العمل وانجزنا عمل طيب ولله الحمد بدت تظهر علامات الاعياء بصراحه ابو نواف انهار جسدياً حتى انه ماقدر يروح للبيت فقرر يرتاح شوي بالمكتب حتى يقدر ياصل بيتهم انا تحاملت على نفسي ووصلت البيت وانا حاس اني تعبان لدرجة التسامي "التسامي : التحول من الحالة الجامده للغازية بدون المرور بالحالة السائله

قسمن كني اتخيل الموقف ليش مدري ذكرتوني بالي عند اخوه عرس ومهتم المسكين يروح للقاعه وللبيت ويودي ويجيب وكل همه ينجز اخوه ويعرس ويقضي من هالهم وبعدها يرجع للبيت تعبآن منهد حيله وينام بثوبه ويقوم بعد سنه يلقى اخوه جايب بزر يجي ويشيله ويرفع فوق ويقول هاذي ثمرة تعبي هاك الليله <<<< لاعاد توصف ابد

إقتباس: احمد ووائل راحوا زحف للمصعد

الحمدلله اجل فيه نآجين اهم شي البطل مامات <<<< يتابع فلم شكله

إقتباس: كتبت هالموضوع من باب الترفيه من ناحية واهداء للزملاء في ابعاد المعلومات واشكرهم على جهودهم وانا سعيد اني اعمل معاهم كفريق رائع فعلاً .

تاكد ان سبب تحريري لاضافة رد على هالموضوع الا هو اعجاب بروحكم الاخويه الي حسينا فيها داخل هالسطور وغير كذا نشكر لكم هذه الجهود المتعوب عليها وأن شاءالله تحصدون كل خير ونتمنى لشركة ابعاد كل خير ..

إقتباس: والى لقاء في ورشة عمل جديدة وانجاز جديد تحياتي

كل تقدم وكل توفيق يارب ،،...