[ankabot]

بسم الله الرحمن الرحيم
تحيه طيبه وبعد
في راسي مجموعة اسئله تتعلق بالاستضافه ولكنها غير ماتتوقعون
انا كثير التجوال في المواقع وابحث عن الجديد في الاستضافه وخصوصا لدى الشركات الاجنبيه
ولكن شد انتباهي عده عروض ومنها اشياء لم استطع فهمها لضعف اللغه الانجليزيه عندي مجرد مش حالك
المهم...
لاحظت فيه نوع من الاستضافه تسمى سب دومين للريسلر
فهل يوجد نوع من الاستضافه حاليا يسمح بتوزيع المساحه الخاصه بالريسلر
توزيعها كسب دومين على العملاء او كشركه تقدم الاستضافة المجانيه
**اذا كان فهمي صحيح والله قويه قويه مره يعني لا دومين ولا يحزنون يكفي دومين واحد ثم خذ توزيع نطاقات فرعيه
ثانيا:ايضا لاحظت بعض الشركات تعرض استضافه فقط للوحة التحكم ...يعني هل لو كان عندي موقع ومافيه لوحة تحكم المشهوره السي بانل اقدر اشري واركب على استضافتي...هذا فهمي انا
ثالثا:لاحظت بعض الشركات عند طلب ريسلر تعطيك خدمه اخرى انك تقدم خدمة الاستضافه عن طريق برنامج يربطونه معك وتاخذ انت نسبه عن كل عميل تجيبه لهم...والله شيئ حلو يعني تفتك من هم وغثا العملاء وتخليهم بحلقهم.
لاحظت الكثير من الشركات من باب التميز في الخدمه تقول اربط حتى عشرين موقع في استضافه واحده...معقول ولا انا فاهم الوضع خطأ
ابصراحه وشلون اربط نطاقين بمساحه وحده غريبه عاد وشلون اذا صرت ابربط عشرين نطاق بمساحه واحده
وش الفائده من هذه الميزة...وانا اللي اعرفه ان الربط يكون لنفس المساحه يعني وش فايدة الدومينات هذي كلها اذا كانت تبي اتوصلني لنفس الموقع!!!!
لاحظت ايضا....فيه شركه تقول نعطيك برنامج للنسخ الاحتياطي لموقعك يومي اسبوعي شهري سواء داخلي او خارجي
ابصراحه مادخلت راسي وشلون اركب برنامج للنسخ الاحتياطي والموقع اصلا مايدعم خدمة النسخ الاحتياطي
يعني الان عندي موقع حلو من حيث المواصفات فيه كل شيئ بس فيه عيب واحد وقبيح مافيه نسخ احتياطي ابدا
يعني تبي تاخذ نسخه من موقعك يله شد حيلك وشغل برنامج الف تي بي والله يعين عليه هو ومشاكله والبطء والانقطاع
ياليت احد يقدر ايصحح لي هالمعلومات المتراكمه من كثرة الدوران في المواقع....
تحياتي لكم جميعا....