اعتذار عن التأخير ياشباب واشكر الجميع على كلمات الاطراء بارك الله فيكم .
ملاحظات على التطبيق السابق :
الملاحظه الاهم ان البعض عمل الجدول اللي في المنتصف بخلفية غامقه والمفروض يكون خلفية فاتحه والحدود غامقه لان الجدول هذا مثل ما اتفقنا يعتبر وهمي يعني ماراح نستخدمه في الاستايل لكن عملناه لانه يمثل جدول المنتدى يعني بنستعمل نفس لون الخلفية ونخلي جداول المنتدى بهاللون الفاتح اوقريب جداً منه واكيد بتتضح الفكره مع الدروس القادمه .
اخوي الغالي
raneoDESIGN
اشكرك والله على المساعدة وياليت تستمر وتوضح على الفوتوشوب الامور اللي ما قدرت اوضحها للاخوان ، ومشكور على البرنامج .
الفصل الأول :
طريقة تصميم العمل على الفوتوشوب من بداية فتح ملف جديد الى نهاية اعتماد الاستايل .
بما فيه الايقونات .
لازلنا في الفصل الأول :
الاهم في الفصل الدرس السابق هو معرفة الاساس اللي بنبني عليه الاستايل والمقاسات المناسبه لكن الاحظ البعض ما اهتم بالمقاسات والالوان وممكن تسبب له مشاكل في تطبيق الدروس القادمه يعني المفروض الجدول اللي في الوسط ( الوهمي ) يكون عريض ويكون فوقه وتحته مسافه كافيه لتصميم الاطارات يعني مايكون ملاصق للهيدر او الفوتر عشان تاخذ راحتك وانت تصمم الاطارات .
الان نحدد فكرة الاستايل وانا فكرتي اللي بطبقها هي تصميم ستايل ( الرجل العنكبوت )
ينفع لمنتديات الالعاب او المهتمه بالبلي ستيشن او العاب الفيدو الخ .
بعد تحديد الفكرة ابدأ أجمع الصور اللي باستخدمها في التصميم
وافضل طريقة هي عن طريق محرك البحث قوقل
فتحت موقع قوقل وضغطت على كلمة صور
وكتبت الكلمه بالانجليزية
spiderman
وحملت مجموعة من الصور اللي احتاجها في تصميم الاستايل
الطريقة اللي ذكرت ممكن كل واحد يستعملها بعد ما يخطط فكرة الاستايل اللي قرر يعمله .
الان نبدأ في تصميم هيدر الاستايل على نفس الملف السابق اللي بدينا عليه العمل
انا صورت الجزأ الخاص بالهيدر عشان الشرح بس لكنه موجود في نفس العمل الكامل وليس مستقل في ملف لحاله
الصورة الاولى :
توضح كيف اخذت صورتين مناسبه ووضعتها في يمين الهيدر والثانيه في يسار الهيدر لاني قررت اخلي اسم المنتدى في المنتصف وهذا يعني انه بيكون عندي تمدد للهيدر في مكانين وليس مكان واحد !!
طالما اسم المنتدى بيكون في المنتصف معناها تمدد الهيدر بيكون في يمين اسم المنتدى وفي يسار اسم المنتدى وهذا اللي بيكون واضح في اخر صورة في هذا الدرس .
الصورة اللي في اليسار مسحت طرفها حتى يكون فيه تدرج خفيف ومدمجه مع الهيدر لانها تحتوي على حافة المبنى اما الصورة في اليمين فما فيه حد واضح للصورة وفيها تدرج تلقائي لذلك ما تدخلت فيها .
الصورة الثانية :
فقط قمت بتغيير لون الخلفية الازرق الى اللون الاسود اللي مناسب للعمل اللي اسويه بحيث تصبح الصور مدمجه في الخلفية بمجرد تغيير لون الخلفية
طبعا اللون حسب اللي انت تسويه يعني مو شرط الاسود وممكن تعمل اي حركات انت تعرفها في تصميم الهيدر او من دروس فوتوشوب في النت مو شرط تتقيد بطريقتي في المثال مثل ما اتفقنا في البدايه كل واحد له متسع من الحرية بحيث يفهم الفكره ويطبق حسب اللي يبيه .
الصورة الثالثه :
أضفت صورة جديدة قصيتها من وحده من الصور واستعملتها بحيث تنسق شكل الهيدر ومايكون عشوائي ومجرد صور تلصقها يعني لازم يكون فيه فكرة تنفذها .
الصورة الرابعه :
أضفت نفس الصورة اللي في الجهة الثانية وقلبت اتجاهها بالفوتوشوب ووديتها الجهة المقابله .
الصورة الخامسة :
أضفت حد أسفل الهيدر وعملت عليه مؤثرات بالفوتوشوب بحيث يكون شكله مناسب للهيدر ويبرز معالمه ويعطيه شكل جيد وتقدر تلاحظ الفرق مابين الصورة قبل وبعد هذه الخطوة حتى تعرف اهميتها .
الصورة السادسة :
عملت حافة علوية للهيدر بشكل منحرف من الجهيتين وعملت حساب التمدد اللي بيكون موجود لذلك المؤثرات اللي في الحافة العلوية مستقيه افقياً حتى اقدر اخليها تتمدد لما يجي القص والتركيب لانك لو عملت مؤثرات مايله ماراح تقدر تخليها تتمدد بشكل حلو وبتكون باينه انها خلفية متكرره ( اتمنى يكون قصدي مفهوم ماعرفت اعبر )
.
الصورة السابعة :
كتبت إسم المنتديات حتى اعرف مكانها ويكون واضح لي مكان التمدد اللي بسويه في الاستايل والمساحة المتوفرة لي لكتابة إسم المنتدى لاني ماقدر اتجاوزها او ازودها من الان .
الصورة الثامنه :
هنا عملت خطين باللون الابيض لمجرد التوضيح لكم عن المكان اللي بيكون فيه تمدد للهيدر حسب مقاسات الشاشه . علما ان كل اللي احتاجه بكسل واحد فقط .
لاحظ ان مكان التمدد مافيه اي تصميم او خطوط طوليه او مايله ولو كان فيه خطوط افقية ماراح يكون عندنا مشكلة لانها تتمدد بشكل حلو وما تبان انها خلفية متكرره عموما في المثال مافيه الا لون أسود وبيتمدد عادي بدون اي تشويه للتصميم .
تلميحات :
- انا تعمدت يكون التصميم بسيط حتى يكون المثال واضح وبدون تعقيدات لكن هذا ما يمنع ان اللي عنده القدرة على العمل أكثر على التفاصيل في الهيدر انه يعمل كل اللي يقدر عليه اهم شي الفكره تكون واضحه .
- اذا اخترت يكون اسم المنتدى في يمين الهيدر ماتحتاج مكانين للتمدد كل اللي تحتاجه مكان واحد فقط والباقي صمم فيه براحتك .
- خطوة تصميم الهيدر هي اهم مافي الاستايل لذلك عطها حقها من المجهود والوقت ولا تستعجل حتى تكون راضي تماماً عنها .
انتظر تطبيقات الاخوان المشتركين في الدوره وهم :
الامارات للاستضافه
AhmadASG
Mobdi3.com
raneoDESIGN
الوسام
باقي الاخوان اتمنى تطبقون بدون ما تطرحون تطبيقاتكم في الموضوع حتى ما يصير تشويش لاني ابغى اركز على مشاركات المشتركين في الدوره والباقين ابشروا بعد ما ننتهي بشوف تطبيقاتكم والملاحظات اللي عليها في موضوع مستقل إن شاء الله .
تحياتي
النمط التشعبي
