[eblaNET.NET]

بسم الله الرحمن الرحيم


فعلا يا جماعة الخير الأجانب على راسهم ريشة.
يا أخوان في موضوع فعلا مخليني اتحسر على حال العرب ولكن لازم نناقشه حتى نصل إلى حل و أمر ينهي هذه الظاهرة الغريبة . طيب الان على شان يقوم شخص عربي بتغير باسورد سيرفر من شركة امريكية لازم يجيب لهم رقم الفاتورة و البريد الرسمي ولازم يتأكدون من صورة الجواز على شان يتأكدون من الهوية . ويمكن حتى يقوموا بتوفير له هذه المعلومات يحتاج للأمر اسبوع و العميل العربي عادي يتعامل معهم ويصبر عليهم وبالعكس يحترمهم ويكتب لهم بطريقة رسمية ومميزة ويحاول ينكت معاهم وهم مو معطينه سالفه وبالأخير يوم يعطوه المعلومات يقول لهم شركة ولو قالوا له ما تأكدت بياناتك بعد يقول لهم شكرا ويروح ويدور وين يجيب لهم إثبات ودون أن يتوجه لا للويب العربي ولا لأي موقع وعلى فكرة ينجبر انه يتواصل معهم من خلال التذاكر ومايقدر يكلمهم ماسنجر ولا شئ من برامج الاتصال التقليدية العربية ..

طيب :
الان نروح للعكس عميل عربي يبغي يكلم مستضيفه العربي

العميل : مرحبا
المستضيف : هلا اخوي تفضل
العميل : ابغي معلومات السي بنل
المستضيف : اكتب تذكرة
العميل : موفاضي . بتعطوني المعلومات ولا اشتيككم في موقع نصب كوم هههههههه:
المستضيف : والله يا أخوي هذا النظام
العميل : اي نظام يا رجال . يالله يالله ادخل جيب لي المعلومات من جنبك على الطاولة .
المستضيف : يا أخوي انا في خدمة العملاء وطلبك لازم بالدعم والدعم من خلال التذاكر .
العميل : يا رجال مسوي فيها قصة دعم فني و مدير و المدير مو جود . يا رجال ادخل ماسنجر بكلمك
المستضيف : يا اخوي ماعندنا ماسنجر وارجو الكتابة للتذاكر
العميل : طيب اكتب عني بعطيك اسمي والباسورد ههههههه :
المستضيف : مايجوز اكتب عنك لازم انت تكتب
العميل : يا أخوي امري لله بكتب وبنقل تراكم شركة ما تحترم العميل ..

تخيل يبغي كل شئ على البارد ولكن يوم يروح عند الأجنبي . تلاقيه مثل الرجال الآيلي يتعامل مثل مايبغون وعند العرب الله يعين بس ..

بالله وش رايكم ما شئ يقهر


اسمحولنا على الموضوع يمكن يكون بايخ بس والله هذا هو الحال

تحياتي
حسين