############
اول شئ ... النقل راح يكون عن طريق SSH بالموقع الجديد ، والفكرة اننا راح نسحب الباك اب من السيرفر القديم
وحتى لو كان حجم الموقع كبير راح تنقل موقعك بدقايق وبكل سهولة..
1) اذهب للـ cpanel بالموقع القديم واختار Backup
2) اضغط على " Download a home directory Backup " بالزر اليمين ومن ثم اختر Copy Shortcut
3) الان نسخت رابط الباك اب لما ضغط على كوبي شورت كت
4) ادخل ssh للموقع الجديد واكتب الامر التالي :
كود:
lynx ######### الرابط الي نسخته #########
وطق انتر .. وراح يطلب منك اليوزرنيم والباسورد للموقع القديم
وبعد ما تحط اليوزرنيم والباسورد بيقولك :
كود:
application/x-gzip D)ownload, or C)ancel
اضغط حرف D
وراح يعطيك الريد
كود:
Read 258505 KB of data, 523 KB/sec
وانتظر إلين يخلص الداون لود ؛؛ وترى السرعة بيتكون رهيبة لانه يعتبر داون لود من سيرفر إلى آخر
والمعروف ان السيرفرات مشبوكة على خطوط سريعة ( مو مثلنا DSL ) يعني راح ينقلك موقعك
بدقايق مهما كان الحجم.
المهم
اول ما يخلص داون لود بيقولك :
وعطه انتر وبيقولك اختار اسم للملف عشان يحفظه بالسيرفر ، وبعدها طق انتر وبيعطيك Saving...
وانتظر شوي لين يخلص...
اضغط حرف Q بعدها حرف Y
الحين نقدر نقولك مبرووووك نقلت الباك اب بنجاح
بس باقي شغلة وحدة ، انك تفك ضغط الباك اب ، لانه الحين مضغوط .tar.gz
وفك الضغط مافي اسهل منه...
تحط الامر التالي :
كود:
tar -zxvf FileName.tar.gz
FileName = اسم ملف الباك اب الي حفظته
وبكذا نكون انتهينا ------> نقل باك اب موقع إلى سيرفر آخر وفك ضغط الباكب
---------------------------------------------------------------------------------------------------
عشان اريحكم من الحين ، نقل القواعد فكرتها نفس فكرة نقل باك اب الموقع
تنسخ رابط القاعدة :
كود:
Cpanel ---> Backup ---> Download MySQL Database Backup
وتحت Download a MySQL Database Backup
بتحصل كل القواعد الي مسويها ، وانسخ رابط قاعدة قاعدة
وادخل SSH للموقع الجديد :
كود:
lynx #رابط قاعدة البيانات الي نسخته#
وحط يوزرنيم وباسورد الموقع ( نفس العملية نقل الموقع )
وبعد ما يخلص نقل الباك اب.....وتحفظ الملف بالسيرفر
راح تضطر تفك ضغط القاعدة ؛؛ لكن امر فك ضغط القاعدة يختلف عن أمر فك باك اب الموقع
وهذا امر فك ضغط قاعدة البيانات .gz :
كود:
gunzip DataBaseFileName.gz
DataBaseFileName.gz = اسم ملف باك اب القاعدة
الحين انتظر شوي وراح تشوف ان القاعدة انفكت لكن امتدادها مو sql حسب ماهو مكتوب بالـ FTP
وبتلاحظ ان مالها امتداد بإسم الفايل ( بعد فك الضغط ) ولنفرض انك غيرت اسم الفايل إلى uae
الحين وصلنا لزرع القاعدة بالسيرفر الجديد ؛؛ والخطوات كالتالي :
1) افتح السي بانل على السيرفر الجديد
2) اضغط على MySQL Databases وانشأ قاعدة جديدة ، ونفرض ان هذي معلومات القاعدة الي انشأتها :
DB username : ad4host_vb
DB password : 1234567890
DB name : ad4host_vb4swalif
الحين نرجع للـ SSH وهذا امر زرع قاعدة البيانات بالسيرفر :
mysql -uad4host_vb -p1234567890 ad4host_vb4swalif <uae
ملاحظة : uae هي اسم فايل القاعدة بعد فك الضغط...
الحين انتظر شوي وممكن يآخذ وقت ( حسب حجم القاعدة ) وراح تنزرع بإذن الله والف مبروك
وبكذا انتهينا من شرح نقل موقع كامل مع قواعد البيانات عن طريق ssh
################################################## #####
من يساعد ريميه...
النمط المتتابع
