السلام عليكم ورحمة الله وبركاته ..
اسعد الله اوقاتكم بكل خير
وكل عام وانت بخير
اخواني الاعضاء ..
لدي موضوع في نضري هو مهم جدا لكل اصحاب المواقع وكذلك من يريد موقع ..
لاني فعلا ارى هبوط كبير في المواقع العربية
مقارنه بالمواقع الاجنبية ...!!
هل هذا معقول ؟
سوف نرى الان..
اخواني اصحاب المواقع ::
وش هدف الموقع اللي عندك ... "الكل راح يرد بصوت عالي .. فرفشه"
ممكن توريني اقسام المنتدى عندك ؟
1- منتدى عام
2- منتدى اسلامي
3- منتدى المواضيع القادة
4- منتدى الاسره
5- منتدى الفضائح
6- منتدى الضحك والفرفشة
7- منتدى الصور
........................ وما الا ذلك .. والكل يعرف هالاقسام جيدا ..
طيب وش محتوى موقعك ؟
1- منتدى
2- دردشة
3- واغاني اذا كان الموقع منتهي
احس ان فية روتين غريب جدا جدا ..
انا قبل 3 او 4 ايام جاني واحد للمكتب وقال لي ...
انا ابي موقع يكون كامل ويكون بتصميم حلو
قلت له طيب اختار الخطة المناسبة لك وعطنا افكار موقعك للتصميم
قال ماعرف اي شيء ...
اهم شيء ابي موقع كامل ويكون كل شيء فية من والى ..
قلت طيب حدد مثل ايش بالضبط
قال مادري بس اهم شيء يكون الموقع يجذب ازوار ويكون افضل من المواقع الكبيرة الود وقلوب وطقتها
يعني مادري .. هالشيء هذا واحد من اثنين
1- ياانه حب تقليد بس .
2- او انه حب تملك فقط !!
لية مايكون فية افكار جديدة وطرق جديدة واشياء مفيدة ..!!
لان فعلا كثرت المواقع وكلها نفس الروتين
حتى التصاميم تلقونها على مواقع اجنبية ..
ولية الاجانب افضل منا ؟
هم لهم عقل وحنا لنا عقل
بس هو استخدموه بشيء مفيد
وحنا .. الله يستر على ربعنا بس
بالتوك او مدري كيف تكتب
فضايح
تصيد بنات
اي نعم هذا الحاصل للاسف ..
لية مانفكر لو 5 دقايق بس ..
وراح نطلع بنتيجة حلوة
انا ماقول ان كل المواقع اللي مثل هذي فاشلة
بالعكس يمكن تكون ناجحة بمعنى الكلمة
بس لابد نغير شوي ..
قبل مدة سالني واحد قال وش المواقع اللي تنجح وعليها اقبال كبير ؟؟
قلت له اعتقد هم اثنين ..
1- المواقع المتخصصة في مجال معين
2- المواقع الماصله
"المصاله كلمة سعودية بحته بمعني الاقلاع الزايد
"
فعلا انا هذي اللي اشوف عليها اقبال كبير ..
فمادري يااخوان
كيف نقدر نغير هالروتين ؟؟
ونترق القيل والقال وكثرة السؤال ؟؟
ونترك السرقة من هالمواقع الاجنية
ونترك حتى الحسد بيننا .. ؟
اتمنى ان نجد الجواب الشافي والكافي
والموضوع مفتوح للنقاش الهادف فقط
وتذكروا ... الاختلاف بالرآي لايفسد للود قضية ..
واقول كمل قال اخوي الراسم ...
وتقبلوا خالص تحياتنا ..
فريق عمل اول فور هوست
فهد الشمري
"أهم شيء موقع" ... كم مره سمعتها !!!
النمط الأُحادي
