السلام عليكم
إخواني أنا بانقل لكم تجربة حصلت لي انتم لكم الحكم .
كان موقعي مستضاف عن شركة هوست جتور ، وهذي الشركة مافيش منها من ناحية القوة والدعم الفني, أخذت منهم ريسلر عشان كم موقع لزملائي ، أما أنا أخذت لموقعي خطة مشتركة لأن الموقع فيه أكثر من 4000 مرفق وحجم قواعد البيانات تقريبا 650 ميجا .، بالنسبة للريسلر ماعليه مشكلة إلى الآن 6 شهور ولله الحمد مافيه مشاكل,
أما موقعي الخاص مرة من المرات قفلوه علي وقالوا منتداك مشكل ضغط كبير على السيرفر، ووعدتهم أشوف حل للموضوع، وفعلا فتحوه ودخلت هنا وكتبت موضوع وردت علي الأخت زينب بحجز vps لدى شركة هوست فور ويب، أنا قلت باحجز خطة عادية مؤقتا لين أشوف وضع المنتدى، حجزت الخطة ونقلوا الموقع وبعد النقل ما فتح المنتدى، وعملت ترقية ونفس الشئ ، وخاطبت شركة هوست فور ويب والحمد لله فتحوا المنتدى وكان السبب من هوست جتور إنهم مسوين حركة في ملفات المنتدى .
بعد مافتح المنتدى لاحظت إن المنتدى بطيء جداً جداً جداً ، وكتبت كذا موضوع في كذا منتدى ومحد عطاني حل ، اللي يقول من الكيبل البحري واللي يقول من السيرفر واللي يقول بدل الشركة ، انا ما أخفيكم جلست أبحث عن شركة ثانية وخلاص قررت أنقل .
بعد كذا قلت لا خلني أول أشوف وأوقف الهاكات كلها ، وفعلاً وقفتها وصار المنتدى ولله الحمد سريع بشكل غير طبيعي ( ماشاء الله تبارك الله ) ولما شيكت على الهاكات لقيت إنه هاك الرسائل المنبثقة كنت ماخذه من أحد المنتديات ، والسبب إصداره ما يتوافق مع نسخة 3.6.8 وهو اللي سبب هالخلل .
من خلال التجربة إخواني ودي أقول : لا تتهم المستضيف إن كان فيه مشكلة أو بطء في موقعك، أولا ً اعمل جميع الحلول ومن ضمنها إيقاف الهاكات ، وإذا خلاص مافيه حيلة كلم المستضيف .
هوست جتور : شركة رائعة جدا من جميع النواحي ولكن قوانينها صارمة ، يعني تصلح للمنتديات اللي ما عليها ضغط .
هوست فور ويب : إلى الآن أقول شركة ممتازة من ناحية الأداء والدعم الفني ، ولكن ما أٌقدر أحكم إلا بعد فترة .
آسف على الإطالة ..
تجربتي مع الاستضافة .. وحل مشكلة بطء منتداي
النمط الأُحادي
