[FlashFp]

حياكم جميعاً

لنفترض طلبت من مبرمج يعدل على برنامج ويصمم وطبعاً كتب حقوقة أسفل الويب
بعد فترة ابغى اعدل في البرمجة او ابغير في التصميم
وصار امامي حالتين

الأول رفض المبرمج التعديل بأي حجه وخلنا نقول موب فاضي تمام
الحالة الثانية رفع سعرة تمام

انا رحت لمبرمج ومصمم ثاني وعدل ومصمم

الان تحت يقولك الشخص الثاني انا الي مصمم وانا الي معدل لازم حقوقي هي الي تحت
الاول يقولك لا انا الي صلحته لك وتعبت ورفعت المواد وعدلت وصممت

الآن ابي كل واحد فيكم يقولي منهو الي مفروض يسجل حقوقة في الاسفل الاول ولا الثاني

وياليت للناس الي فاهمة في هذا الموضوع علشان نستفيد
وترا مابيني وبين احد شي بس في شي ابي احسب له مستقبلي

[YaZeEd]

هلا اخوى
انا برأى ممكن يكون كالتالى::
تصميم وبرمجه ((اول واحد الى سواه ))
اشراف وتعديل ((المبرمج الثانى))
يعنى كلهم يضفونون هالعبارتين بالتصميم مافيها شئ
بكذا كل واحد يأخذ حقه ..
لك الف تحيه ياغالى

[FlashFp]

ايوا واذا في ثالث ورابع
ابصير موقع اعلان

[najdy]

انا بالنسبه لي ارفض إن يكون فيه حقوق بموقعي لأني انا طلبت الخدمه بمقابل يعني انا شاريها وبتكون ملك لي

اما اذا انا لاطش برمجه او تصميم مجاني فهذي من حق صاحبها الأصل بوضع حقوقه عليها لأنها مجانيه وحرام نضيع مجهوده وخدمته المجانيه

رأي شخصي
يعني الي بيتعامل معي ينتبه زين إنه لايفكر يحط حقوقه بموقعي

[الرّاسم]

نجدي ترا باكل نص وجهك لو تشيل حقوقي

انا اختلف مع اخوي نجدي تماماً

المجاني شيل حقوقه والمدفوع لا تشيلها وهذا رأيي من زمان واتذكر انني قلت هذا الشيء بخصوص ستايلي المجاني الاول ان كل واحد يبي يمسح الحقوق من حقه اما شيء مدفوع لا معصي الا اذا بيشتري الحقوق عاد هذا شي ثاني

الاقلاع سووها فيني ومسحوا حقوقي وحطوا حقوق تحميل كوم لانه قام بتطوير المنتدى عندهم


من رأيي وضع حقوق المصمم الاول والثاني أيضاً كمطور وكفى الله المؤمنين شر القتال

تحياتي

[آكت نت]

رأى أخى الراسم
يعتبر الرأى الأفضل والأصح

[زمــzemamــام]

الاولوية تكون للي بنى الموقع بنسبة اكبر

يعني لما يجي شخص ويصمم ويجهز الموقع كامل بنسبة 90%

ثم يجي شخص ويعدل كم تعديلات بسيطة بنسبة 10%

من له الحقوق ؟

اكيد للي عمل الجزء الاكبر من التصميم

الشخص الآخر مجرد مطور يعني ما بدا حاجة من الصفر .. سوا شوية تعديلات ياخذ عليها مبلغ مادي مثلاً لكن بدون حقوق

بالنسبة للاخ نجدي بالعكس يالغالي

الحقوق اهم شي وهذا شي ثابت ومعروف

المصمم يحق له يحفظ حقوق عمله

واصلاً وضع الحقوق ما يسيء لصاحب الموقع ابداً

بالعكس لما اضع حقوق التصميم في موقعك هذا قد يدل على ان التصميم خاص فيك وانه مو تصميم مجاني .. وهذي قد تكون ميزة لصاحب الموقع

[najdy]

المشكله الي تخليني اقول كذا
ان كل ماجاني مصمم او مطور قالي الحقوق محفوظه لي
وبجد مازيد على كلام اخوي flashfp اذا كل من جا وحط حقوقه بمواقعنا صارت إعلانات موب حقوق


اخوي الراسم نفسي اعرف وين تغيب وتغطس المهم لو صممت لي انت حقوقك بحطها بنر بكل الصفحات امر وتدلل

اخوي زمام المشكله ان كل من عدل لك اي تعديل لو بسيط قالك حقوقي

اما بالنسبه لي انا ارفض وجود حقوق بموقعي الا لي الا بحالة وحده لما المصمم يحط حقوقه عندي يضمن لي حماية التصميم طول ماهو موجود

[abda3host.com]

إقتباس: اقتباس من مشاركة الرّاسم      نجدي ترا باكل نص وجهك لو تشيل حقوقي انا اختلف مع اخوي نجدي تماماً المجاني شيل حقوقه والمدفوع لا تشيلها وهذا رأيي من زمان واتذكر انني قلت هذا الشيء بخصوص ستايلي المجاني الاول ان كل واحد يبي يمسح الحقوق من حقه اما شيء مدفوع لا معصي الا اذا بيشتري الحقوق عاد هذا شي ثاني الاقلاع سووها فيني ومسحوا حقوقي وحطوا حقوق تحميل كوم لانه قام بتطوير المنتدى عندهم من رأيي وضع حقوق المصمم الاول والثاني أيضاً كمطور وكفى الله المؤمنين شر القتال تحياتي

اتفق مع اخوي الراسم تماما

[الدبلوماسي]

إقتباس: اقتباس من مشاركة najdy      المشكله الي تخليني اقول كذا ان كل ماجاني مصمم او مطور قالي الحقوق محفوظه لي وبجد مازيد على كلام اخوي flashfp اذا كل من جا وحط حقوقه بمواقعنا صارت إعلانات موب حقوق

[FlashFp]

ماوصلنا لحل
ياأخوان الموضوع خطير مثل ماتفضل اخوي الرسام اكلوا عليك حقوقك
الان لنفترض انا طلب مبرمج يعدل على سكربت وعدل وحط حقوقة
بعد فترة ابغى اطور ابرجع للي طورة عادي وابقوله ابي اطور
لنفترض قالي انا غير فاضي او رفع الاسعار
الان انا اضطريت اروح لمبرمج آخر واطلب تعديل الثاني طلب حقوقة كمطور
طيب بعد فترة جاء مطور ثالث
هل معقولة كل مطور يحط حقوقة ماصارات
ياشباب من جد هل لها قاعدة ولا كيف؟