[انجاز لخدمات الويب]

بسم الله الرحمن الرحيم


فى الاول انا بخاطب فيكم العقول الى بتفهم لان فى ناس مش بتفهم للاسف


دلوقتى انا شايف مجموعه كبيره جدا بتشتغل فى التنشيط وده شىء كويس مش وحش حتى لو الطلب بقى اقل من العروض بس هو شىء تجاريا كويس

بس لازم طالما ان المعروض اصبح كتير يبقى لازم يكون فيه تحديد واتفاق على الاسعار بمعنى ان احنا دلوقتى فى الويب العربى كاننا فى سوق كبير

وكل واحد عارض سلعه والعميل ياخد من التاجر الى يعجبه


طيب لما يكون واحد عارض الف موضوع + الف مشاركه ب 60 ريال

وواحد تانى عارض الف موضوع + الف مشاركه ب 150 ريال

وواحد تالت عارض الف موضوع + الف مشاركه ب 200 ريال


العميل هيختار مين بالعقل كده هيختار الى سعره اقل ليه لان كله بيعمل كوبى وباست مفيش حد بيعمل شىء جديد او ابتكارى

بالتالى الى كان عارض نفس السلعه ب 150 ريال هيعرضها المره الى جايه ب 50 ريال علشان العميل ييجى يشترى منه

والتالت الى كان عارض ب 200 ريال هيعرضها ب 40 ريال علشان العميل ييجى يشترى منه

وهكذا لحد لما ييجى يوم صاحب المنتدى يقول انا عايز شغل فى موقعى وتدفعوله عليه فلوس



والادهى والامر والاصعب والى تاعبنى نفسيا انه فى ناس بتعرض شغلها وتقولك السعر على حسب الاتفاق

ييجى العميل يتفق على الف موضوع والف مشاركه مثلا بكام ب 100 ريال مثلا

يقولك طيب لما يوصلوا للنصف هبعتلك نصف المبلغ وبعدين ينصب عليك ولا عنت تشوفه لانه بالمنطق

الى استفاد فى موقعه واحصائياته زادت 500 موضوع + 500 مشاركه مبقاش محتاج يدفع فلوس علشان ياخد الباقى

وهما بيعتبروا اساسا الفلوس الى بيدفعوها فى المشاركات فلوس غير ذات جدوى بالنسبه لهم

يقولك انا عملت موقع وكمان هدفع فلوس المشاركات ليه ان شاء الله


طبعا فى ناس كويسه بس احنا بنتكلم عن الاغلبيه


قولت وكررت مليوووووووووون مره لازم نتفق قبل ما نشتغل ان كللللللللنا ناخد نصف الفلوس قبل الشغل

صاحب الموقع هيقولى وانا اضمنك ازاى ما يمكن انت الى تنصب هقوله لما انا انصب فى 50 ريال وانت تفضحنى بيهم اسهل الف مره لما انت تنصب عليا فى شغل اسبوعين واعيط انا عليهم بعد كده

يعنى انا هفكر الف مره انى افضح نفسى وابهدل نفسى وابطل شغل على النت علشان 50 ريال تافهه

لكن انت مش هتفكر الف مره قبل ما تنصب عليا فى اسبوعين كل يوم بقوم من النوم ادور فى جوجل على مواضيع مشابهه للاقسام الى عندك


الخلاصه

انا كنت فى سنه 2008 شهر يونيو بعمل 500 موضوع + 500 مشاركه وقسما برب الكعبه ب 400 ريال

النهارده الى بيعرض اقل هو الى بيشتغل لان كله ينتهز الفرصه


طيب سؤالى بقى موجه لكل الناس الى بتشتغل على النت فعلا الى هو مصدر دخلها من التنشيط

لما تعمل الف موضوع مقسمه على 15 قسم فى المنتدى بتاخد وقت ومجهود قد ايه يوميا فى المتوسط ؟؟؟


هتلاقى المجهود مش هيمشى اطلاقا مع الاسعار الى كت بقول عليها لان للاسف انتوا الى تفهتوا من قيمه شغلكوا وحسستوا اصحاب المواقع انها شغله تافهه

اصحاب المواقع بقوا حاسين انها مش شغله اساسا بل بقوا حاسين ان الموضوع عباره عن هوايه وواحد بياخد قدام الهوايه فلوس فلو جت مره وما اخدش فلوس يبقى مش مشكله ولو راح كتبله موضوعين فى اى منتدى انى نصاب وايه المشكله هو حد بيفتكر حاجه



المطلوب


لازم لابد قبل ما الحكايه تنتهى تماما وناس كتير تخسر اكل عيشها يبقى فيه تقنين تقنين لايه بقى؟؟؟

لحاجتين

اول حاجه : الاسعار لازم تكون الاسعار مقننه يعنى كلللللنا نتفق على حد ادنى للاسعار وحد اقصى للاسعار والى يحيد عنه يبقى مختلف معانا وجاى يدمرنا فى اكل عيشنا


الحاجه التانيه : لازم يبقى فيه تقنين فى موضوع طريقه الدفع وعلشان محدش يفكر انى بتاجر بالموضوع ده على حساب الناس الى هتتفقوا عليه فى الموضوع ده انا موافق عليه




طبعا فيه فرق بين نوعيتين من الناس الى بتعمل تنشيط ناس بتعتمد على الشغل ده كمهنه بتوفر بيه حاجاتها الاساسيه او الثانويه زى مثلا ربه منزل بتساعد جوزها او واحد بيصرف على دراسته وناس تانيه بتعتبر الى ييجى من الشغل ده اى حاجه تسد خانه والسلام يعنى زياده الخير مش هيضر


انا بوجه موضوعى ده للننوعيه الاولى الناس الى بتشتغل وده مصدر رزق مهم فى حياتها سواء لتوفير حاجه اساسيه او ثانويه


ربنا وحده العالم انى مفكرتش فى نفسى بس وانا بتكلم عن الموضوع ده ووالله والله والله العظيم

انا مستعد لاى خدمه طالما هتخدم الصالح العام للناس الى بتشتغل فى الشغل ده






سلام عليكم ورحمه الله وبركاته

[انجاز لخدمات الويب]

إقتباس: اقتباس من مشاركة نبضة قلب      فعلا اقتراح متميز بس عايز اليه قوية لتفعيله وياريت ينحج

موافق ولا لاء ده اهم شىء

[نبضة قلب]

انا موافقه طبعا وانت حاطط اسمي في الموافقين
وتحياتي

[انجاز لخدمات الويب]

يــــــــــــــــــــــــ ـــــــــــــــــارب ســــــــــــــــــــــــ ـــــــــــــهل

[Mil)ooo]

يا جماعه فاضل 2 رد

للبدا الشغل

يلا يا شباب ؟؟؟؟؟؟؟؟؟؟؟

وبالتوفيق للجميع

[نبضة قلب]

انا رأيي نكتفي بالعدد دا
ونبدأ في تنفيذ الاتفاق
علشان نلحق الموسم
وشكرا للجميع

[انجاز لخدمات الويب]

طيب لحد لما ربنا يكرمنا بالاتنين الى متبقيين

هقولكم ايه هيكون النظام طبعا الموضوع كان قدام الناس كلها الاغلبيه الى هما 30 واحد وافقوا والباقيين اما ساكتين بيشوفوا الموضوع هيرسى على ايه او مش موافقين على اعتبارهم عايزين اى فلوس وخلاص

الموضوع الناس كلها شافته وعرفت ايه محتواه

وارد جدا اننا بكره نلاقى واد عامل موضوع بيقول الف موضوع ب 100 ريال مثلا هو ميعرفش اننا اتفقنا على السعر الد الادنى 180 ريال

فى اول مره هنرد عليه ونقوله ان هنا الاسعار حدها الادنى كذا لو عدل الاسعار وتمام خير وبركه لو معدلش الاسعار
بمنتهى البساطه هنبوظله الموضوع وهنطلب انه يتوقف وانا عن نفسى مش هخلى فى الموضوع حته سليمه

وده مش حرام ولا حاجه بالعكس ده هو ده عين العقل وهو الصح بعينه لان محاربه الارزاق اكبر حرام

يبقى كلنا هنبوظ الموضوعات الى تختلف معنا فى الحد الادنى او طريقه الدفع الى هى النصف مقدم والباقى مؤخر

طيب الى مش موافق على الاقتراح ويقولى ياعم انا حر انا عايز اخد فلوس قليله فى تعبى هرد عليه اقوله روح اى مكان تانى وقصر فى حقك انت حر لكن متتعبناش هنا او هات 30 واحد يوافقوا معاك على انك تقلل عن الحد الادنى الى اتفقنا عليه


اعتقد الكلام واضح ومفهوم وسهل وبيجاوب على اى سؤال


سلام عليكم

[بوسى احمد]

يا مسهل يارب


يا جماعة الموضوع دة في مصلحة الجميع
فكروا بعقولكم
وانجزوا عاوزين نشتغل

[نبضة قلب]

الف موضوع + الف مشاركه ب 180 ريال

[سعودي شاطر]

1000 موضوع + 1000 رد = 350 كحد أدنى و 600 كحد أعلى
^^^ هذا المفروض ^^^
الزمن تغير والـ 200 ماتسوي شيء

[رنة خلخال]

الله يعين ويسهل

[انجاز لخدمات الويب]

لسه عضويه واحده بس لانى ماثبتش عضويتى

[اسماعيل ابراهيم السيد]

الف موضوع + الف مشاركه ب 180 ريال

[mrzizo6]

يا جماعة يلا بقا عايزين نشوف شغلنا كده مش هينفع انجاز لو محدش جى تانى يوافق على العرض

لغيت يوم الاحد اغلق الموضوع و يعتبر 28 واحد موافق يعنى ده انجاز كويس

يا جماعة الموضوع لازم يتقفل و نبدا الشغل ان شاء الله من يوم الاثنين


UUUUUUUUUUUUUUUUUUUUUUUUUUUUUUUUUP

[حنيين *]

كلام منطقى وسليم

انا معاكم

[حلم العمر]

الحمد لله ياولاد

كده بقه العدد تم

يلا ورونا الهمه

وربنا يرزقك الجميع

[احلام 2011]

إقتباس: اقتباس من مشاركة اميرة زمانى      الحقيقة انا اتكلمت فى الموضوع دة مع رحاب الروح وقلت لها ان التقليل فى الاسعار دة ضرنا كلنا وانا متفقة معاك اننا لازم نتفق على الاسعار 1000 موضوع +1000 رد 180 ريال وكمان مهم جدا اننا نتفق محدش يشتغل بدون ما يستلم على الاقل نصف المبلغ مقدم تقبل مرورى تحياتى اميرة زمانى

موافقه جدااااااااااا
واتمنى ان الجميع يلتزم بهذا السعر
وبعتذر لتأخرى فى الرد لانى لسه شيفه الموضوع الان
وبأكد على شىء
الى بيحط سعر 1000 موضوع ب 50 ريال ده سورى فى اللفظ هو الى بينصب على صاحب المنتدى
والله انا بدخل مشاركات لناس بحس انهم بيضحكو على صاحب المنتدى
الاقيهم علشان يرفعو مشاركاتهم
يجزئو الموضوع على 10 اجزاء او اكتر
والموضوع بيكون لا يستحق التجزئه
واى صاحب منتدى مفروض ياخد باله من الجزئيه ده وبالتوفيق للجميع
وبتمنى ان الجميع يلتزم بهذا العرض
1000 موضوع + 1000 رد =180 ريال
كده كويس جدا لا اظلم احد والا احد يظلمنى

[نور للتنشيط والتعبئه]

طبعا موافقه وانا كمان معاكو
بس انتو دلوقتي حددتو سعر 1000 موضوع ب180 ريال
طيب سعر 1000 رد هيكون كدا كام

[جنا جروب]

موافقه طبعا
ويارب بالتوفيق للجميع

[nona mony]

انا كمان ان شاء الله معاكو وتقريبا كدا العدد اكتمل وياريت بقي تقولو هنبدأ امتي في تنزيل عروضنا بس عندي كمان نقطه ياجماعه دلوقتي اما صاحب المنتدي مثلا يطلب مننا الف موضوع ب180 ريال ساعات اصحاب المنتديات ممكن يطلبو كميه كبيره من المواضيع يعني 5000 موضوع مثلا واما تيجي تحاسبه 5000 موضوع ب 900 ريال يقولك لا كتير اوي وبعدين كل ماعدد المواضيع يكتر كل مالسعر مابينزل ياريت نشوف حل للموضوع دا وياتري نقلل فعلا من سعرنا كل ماعدد المواضيع يزيد ولا ايه بالظبط

[نبضة قلب]

طبعا كل ما العدد المطلوب بيزيد بيقل السعر

بس يعنى ياريت منزلوش اوى

يعنى ممكن تخفيض 20 ريال

على كل 1000 موضوع زياده

وتحياتي