[SaudiHS.Com]

السلام عليكم,,
أشرك أخوي على هذا الطرح ..

بصراحة .. أكثر شي مأخرنا وحايسنا يالعرب هو .. عدم التخطيط .. يعني أوكي يكون صاحب الموقع مكدس فلوس وجا في باله يفتح موقع .. وما في راسة فكرة .. فيروح يدفع لأي شركة تصمم له واجهة ومنتدى وتشات = 75% من المواقع العربية

يعني أنا لي تجربة مع المواقع الفاشلة يوم عمري 13 تقريبا .. كنت أبي أفتح موقع .. وصار اللي ببالي وفتحت موقع .. لكنه فشل أكبــــــــــــــــــــــ ـر فشل ..

بعد 3 سنوات من موقعي "الفاشل" خططت صـــــح وفتحت موقعي هذا اللي أحس فكرته صاروخية .. والأول من نوعة تقريبا .. وهذا مو كلامي .. هذا كلام الناس عنه ..

يعني أكبر تجمع لطلاب الثانويات بالسعودية .. شي جديد .. وفيه فائدة عظيمة للطلاب ..

أنا مو هنا عشان أعمل دعاية لموقعي ولا شي .. يعني الحمد لله ربي معطيني قد اللي أبي

لكن حتى أثبت إن التخطيط والفكرة الصح هي اللي راح ترفع الموقع اولا وترفع راس الأمة العربي عالميا ..

بعدين الجهل اللي في بعض الناس ..

يعني يجيك واحد توه سامع بشي إسمه إنترنت وكمبيوتر ولا يدري وين ربي حاظة لا بتصميم ولا ببرمجة ولا هم يحزنون .. ويفتح موقع !!!

يعني وربي شي يحزن ويعور الراس !

لكن ما أقول غير الله يهدي الأمة العربية وإن شا الله تترك هالجهل والتخلف اللي عايشة فيه ..

وشكرا أخوي مرة ثانية عالموضوع ..