الـســلام عليكم
الموضوع بقوله بإختصار
فكـرت فكرة وودي أطرحها واشوف الردود
انا بهـ الفترة فاضي لمدة 3 شهور تقريبا
انا صراحه عندي إمكانيات والحمدلله
ففكرت اشوف أحد من الإخوان يكون عنده منتدى شغال ووسط
مو شرط يكون كبير
المهم فيه زوار يوميين وعددهم معقول
وانا ادعمه بهـ المدة
بس بشرط!!
يكون منتداه بس منتدى ولايوجد به شات كتابي
انا ادعمه بشات كتابي DookNet v4.0 عدد 200 يوزر سعره 3 شهور 800 ريال انا اركبه بموقعه مجانا
مع دليل مواقع مشهور الكل يعرفه طبعا سكربت المحيط سعره يمكن 1700 ريال فيه آلاف المواقع جاهزه فيه
وعندي سكربتين صوتيات الاول سكربت طرب والثاني للوماني معدل عليهم اثنينهم بالتصميم وتعبان عليهم
مكلفيني اثنينهم مع التصميم الاول سعره 180 دولار والثاني تبع اللوماني سعره 130 دولار
طبعا غيرت بتصميمهم وكلفني مبلغ ناسي كم بالظبط
المهم هـ السكربتات طبعا مانحط فيها اغاني
نحط قصائد صوتيه سكربتات جميله وسهله واتقنها اتقان لا يوصف
هذا كل اللي عندي وكل اللي املكه
فا ياليت القى شخص يكون لديه منتدى قوي او فوق الوسط اشاركه واركبله الشات والسكربتات الصوتيه ودليل المواقع
انا مالي علاقه بالمنتدى ولا احب اتدخل فيه
كل ما هنالك اننا نتسلى هالفتره بالشات وطبعا الشات من صالحه لانه باسم موقعه يكون منفذ دردشه بإسم موقعه
انا بس ابي ادير الشات وبعد هالفتره الـ 3 شهور حلال عليه دليل المواقع والسكربتات إلى الابد من قلب صافي
وهـ الفتره نعتبرها صداقه وأخوه وانا قضينا وقت ممتع مع بعض ويكون له دليل المواقع والسكربتات هديه
لاني صراحه شريتهم ومالي خلق اسوي اعلانات وابني مواقع جديده وانا مجرد هاوي ولفتره محدوده وبعدين بنشغل
فيا ليت اي شخص يتقدم يكون منتداه موجديد يكون قوي شوي وفيه عدد زوار يومي
العرض ساري لين احصل صاحب منتدى يعجبني منتداه
وبالنسبه للسكربت تبع الصوتيات هذا يعتبر بمثابه موقع كامل مثل موقع القصيد
انا محترف فيه اقدر انزل كل يوم 400 قصيده مع صورها بشكل سريع ههههههه
وبالاخير انا بعد عندي مساحتين الاولى 200 ميجا ودومين ا والثانيه 2 جيجا ودومين ثاني
حتى المساحه هديه مني لصاحب المنتدى لو يبي ههههه
لان العبره هي مجرد تسليه بقلوب صافيه وبس
ياليت اللي يكتب رد مايكتب عشوائي بدون تفكير
انا كاتب هـ الموضوع الطويل مو عشان يجي واحد يقول هذا منتداي والقاه منتدى ضعيف
نبي منتدى عليه القيمه شوي فيه زوار كثيره بالحد المعقول اللي يشجع
ناطر ردودكم والعرض ساري لين احصل الزميل المناسب وشكراا