[خالد العميري]

عليكم السلام ورحمة الله وبركاته
كل عام وانت بخير ابو ريناد وجميع الاخوه المشاركين في الموضوع الهام جداً


واضح ان الموضوع فيه غموض لحد كبير بالنسبه لما تفضلت به وان شاء الله اقدر اوضح الحقيقه للجميع

اي تطوير ( عباره عن برودكت او هاك ) يتطلب تركيبه اما تعديل في تامبلتات معينه او اضافة تامبلتات معينه للاستايل .

هذا كلام عام ينطبق على الكمبو وعلى غيرها حتى لو تجيب نسخه من الشركه الامريكيه وتركب هاك او برودكت لها في الغالب راح تعدل تامبلت او تضيف تامبلت سواء يدوي او راح ينضاف تلقائي في لحظه تركيب البرودكت واحيانا تعديل في اللغه في نفس الوقت.

الان تخيل ان لديك منتدى نسخة الشركه وستايل الشركه ورحت اضفت له برودكت البانرات كمثال .
جيت بعدها ركبت ستايل جديد من النت حملته وركبته
هل تتوقع ان البرودكت اللي ركبته راح يشتغل على الاستايل الجديد اللي ركبته ؟؟
طبعا لا
ليه لا ؟
ببساطه لان الاستايل الجديد المكون من تامبلتات لايوجد فيها التعديل المطلوب لعمل برودكت البانرات

نفس المثال البسيط هذا ينطبق على الكمبو وعلى اي منتدى لكن بعض الناس يقول كلام غير دقيق والعالم تصدقه وهنا الخطأ المفروض الواحد يعرف ممن يستقي معلوماته .

طيب الحل في مثل هذه الحاله ؟
تحذف البرودكت وتعيد تركيبه من جديد حتى يتم التعديل على الاستايلين القديم والجديد اللي ركبته .

اذا حذفت البرودكت بتطير بانراتك اللي انت ضايفها هل ترجع تحملها من جديد وانت ماتعرف كم باقي للمعلن الفلاني والمعلن الفلاني وتدخل في دوامه ؟؟
تخيل ان البرودكت مثلا شيء متعلق بالانذارات او الاوسمه مثلا وليس البانرات وامسحت كل الانذارات او الاوسمه او او او

انا اعطيك مثال على نسخه عاديه من الشركه مباشرة وانت ما ركبت فيها الا ثنين او ثلاثه من البرودكتات فما بالك بالكمبو !

هذا ينطبق على اي منتدى مثل ما ذكرت ليش الكمبو اللي دائما مثل مسمار جحا عند البعض ؟؟

اي منتدى يركب ستايل جديد عندك حلين :
الاول :
تركب الاستايل الجديد وتعيد تركيب الهاكات والبرودكتات من جديد .

أو
الثاني :
تعيد تركيب الاستايل الجديد اللي اعجبك على تامبلتات ستايلك القديم اللي شغاله فيه الهاكات تمام

والحل الثاني هو اللي جالسين نسويه في ابعاد المعلومات ونقول عليه ترقية ستايل الى الكمبو

هذا في حالة عندك ستايل جاهز وحلو واعجبك وتبيه على منتداك


===============

في حالة انت تبي مصمم معين يصمم لك ستايل جديد حسب المواصفات اللي انت تبيها كتصميم خاص بك وانت تستعمل نسخه عاديه رقم اصدارها
3,6,8
كمثال
وماعندك اي هاك او برودكت

المصمم اللي اتفقت معه عنده على جهازه نسخه مركبها اصدراها رقم
3,6,5
كمثال معناها نسختك انت احدث !

اذا صمم الاستايل على النسخه اللي على جهازه وركبه لك فقد غشك وخدعك وضحك عليك
لانه لما جاء يرفع الاستايل للوحة التحكم في منتداك حط علامه على ( تجاهل رقم الاصدار )
وبكذا صار نسخة منتداك مختلفة عن نسخة ستايلك وتبدا مشوار المشاكل في منتداك من هالنقطه .

الصحيح هو ان يقوم بتركيب نسخه مطابقه لرقم اصدار نسختك على جهازه ويركب التصميم عليه ويرفعه لمنتداك مع عدم تجاهل رقم الاصدار لانه مطابق وماراح يواجه مشكلة في تركيبه .



طيب اذا كان عندك هاكات وبرودكتات وما اقول عندك كمبو لا مجرد نسخه عاديه مركب عليها برودكت البانرات مثلا مع ان هالكلام ينطبق تماما على الكمبو .

الصحيح ان يقوم المصمم بتنزيل ملف الاستايل المعتمد على منتداك واللي شغاله فيه الهاكات وكل التطوير اللي انت مسويه او تعبان فيه او دفعت فيه فلوس .

لما نزل المصمم الاستايل حقك سواء بصور او بدون صور يروح يركبه على النسخه اللي على جهازه والمطابقه لرقم اصدار نسختك ويبدأ يركب تصميمه الجديد على ستايلك حتى ما تخسر هاكاتك .

هذا ينطبق على اي منتدى سواء كمبو او غيرها طالما فيها هاكات وبرودكتات ليش الكمبو اللي دائما مثل مسمار جحا عند البعض ؟؟

بعض المصممين يخاف من الكمبو
مع اننا مسهلين عملية ترقية التصميم او تصميم جديد لها لكن مدري ليه يتحججون انها معدله او مشفره او او مع ان كل هذا الكلام ماله اي علاقه بتطوير ستايل او تصميم ستايل جديد

ينزل الاستايل على جهازه ويركبه على نسخه بنفس رقم الاصدار ويستبدل الجرافكس وانتهت الحكايه وش دخل التشفير او التعديل في موضوعنا ؟؟؟؟؟؟؟

يمكن قلة خبره حقيقه ماعندي اي تفسير
ولو سألوني جاوبتهم وشرحت لهم ماعندنا اي مشكلة بهذا الخصوص

اتمنى اكون وضحت الصوره للجميع

تحياتي