السلام عليكم ورحمة الله وبركاته
شكراً لطرحكم هذا الموضوع الهام وأعتقد ان كثير من هذه الأخطاء سببها الرئيسى هو ان فى كثير من الأعضاء ميهموش شكل الرد او هو بيكتب ايه لكن المهم عنده هو انه يرد على الموضوع لانه غالبا بيكون الرد عرض هو بيطلبه او بيرد عليه ومصلحة شخصية يهمه انها تتم وبس زى ما حضرتك وضحت
بالنسبة للتوقيع ... فكل واحد اتخذ المساحة المخصصة لعرض ما يمكن ان يعرض مما يمكنه ان يفعل داخلها ... بالعربى كدة إعلان عن نفسه .... ولا اخفى عليكم اننى ايضاً فعلت ذلك لما لقيت الكل عامل كدة ... ما هو مفيش حد أحسن من حد ... وأعتقد أن فكرة الغاء أكواد البى بى من التوقيع الى ذكرها الأخ مصرى فكرة معقولة جداً او انه يكون فى هاك مثلا او شىء ما انا مش عارف بالضبط يكون ايه يخلى فيه فورم معين فى التوقيع يسمح لصاحب التوقيع الى عايز يقلبها إعلان عن نفسه بوضع مجرد معلوملت مختصرة عن شكرته ونفسه فقط ... كنظام التوقيعات فى منتدى ترايدنت كدة ...
بالنسبة الى عدم الأبلاغ عن الموضوعات المخالفة ... اعتقد انها السلبية التى توارثها الزائر والعضو بالمنتديات ... ليس فى الويب العربى فقط ولكن فى اغلب المنتديات ... فهو بالكاد يكتب موضوعاً ... او لعله يعتمد إعتماداً كلياً على ان للمنتدى مشرفين وهذا عملهم طب هو يشغل دماغه ليه
فيه نفقطة كمان يمكن محدش عرضها ... وهى ان فى ناس بتقوم بتكرار المواضيع فى كل الأقسام يعنى ... عايز يكتب عرض ما لشركته يقوم يحط الموضوع هو هو بنفس العنوان و المحتوى فى 3 او 4 اقسام او يمكن فى كل الأقسام
فيه نقطة كمان انا احب اعرضها ... هى تخوف منى انا كنت بفكر اعرضها بس انا كنت مستنى اتأكد ...
هى ان كل واحد تقريبا من الأعضاء حاطط ايميله فى التوقيع يعنى لو حد إستخدم البرامج الى بتسحب الأيميلات من المواقع هيكون عنده كم إيميلات مميزة للدعاية خاصة وإنهم من أصحاب المواقع والمصممين ومطورى المواقع وخلافه .... يا ريت لو يكون فى شىء رادع لهذا الأمر
انا عن نفسى بدأت اتلم على ايميلى الياهو بعض رسالات السبام الى انا معرفش مصدرها وبدأت احفظ بعضها واليميلات الى ارسلتها يمكن يكونوا اعضاء فى الويب .. بس كنت مستنى اتأكد زى ما قلت قيل كدة ... بس انا لسة لم اجد منهم حتى الأن ايميل متواجد فى الويب العربى او لعلهم يستخدمون ايميلات اخرى
فى النهاية اسف للإطالة وشكراً لسعة صدركم ولكم جزيل الشكر
النمط الأُحادي
