[سويسرا الشرق]

السلام عليكم ورحمة الله وبركاته

شو اقولكم من وين ابدا ما ادري
المهم
انا شفت اليوم قناة العربية الاخبارية
وطلعوا عن العراق بس مو عن الحرب
عن حياتهم
وابصراحة تكلموا عن الامتحانات انها قربت عندهم
وانهم ما عندهم كهرباء ويستخدمون الفنر
وكسروا خاطري
المهم
حبيت اسوي حملة عن العراق بإنه كل شخص منا يتبرع بتاريخ 1/1/2005
طبعا انا اخترت ها التاريخ لاني بنشرها بالمنتديات والمواقع الثانيه
ويكون يوم التبرع بتاريخ 1/1/2005
وان شاء الله كل من يشوف الموضوع يتبرع ولو بدرهم
لانه انتوا تدرون بإنه الملايين يدخلون الانترنت
فا تخيلوا لو مليون شخص تبرعوا بدرهم كم بيكون وصلت التبرعات؟ اكيد مليون درهم
فا ما بالكم مثلا بعشرين او خمسين مليون يشاهدون الموضوع ويتبرعون للعراق اكيد بنعدل اشوي من حالهم
على الاقل بنكون احنا سوينا شي مفيد وما اعتقد درهم او عشر دراهم بتكون مشكله عندنا انا نتبرع بها وخاصة بتاريخ 1 لانه الراتب بيكون نازل وما شاء الله كل واحد بيكون عنده هبشه زينه من الفلوس ما اعتقد بإنه صعب عليك تعطي حق جمعية الهلال الاحمر 10 دراهم او حتى 5 دراهم وعلى الاقل درهم واحد

ابي اشوف ارائكم واقتراحات

مع العلم انه الحملة بدات من منتدى جامعة زايد
ونسعى لنشرها بكل المنتديات والمواقع

مع السلامة