الويب العربي - لعبة الاون لاين بزنس!! لاتنساق وراء الاكاذيب التالية !!

السلام عليكم ورحمة الله وبركاته

هلاوالله ومليون غلا ومنورين المنتدي

اللهم صل على محمد وعلى آله وصحبه أجمعين

مبرووووووك من الاعماق والى الامام دائما يا منتدي

عايز انبهكم الي حاجة كلنا انسقنا وراها وللاسف خسرنا وقت + فلوس

وهي
1/ شركات الربح المجاني
2/شركات الهايب
3/شركات السرفنج
4/شركات الدوبلار

ولكن دعنا نفهم ماهي كل هذة المصطلحات المذكورة

1/الشركات الربحية هي موقع عادي جدا بيرسل لك اميلات وتدفع الرساله تاخد مبلغ محدد الموقع بيكون عرضة ولو مبلغ كبير اعرف 100% ان الموقع دة نصاب

ولو صغير يبقي هتقطع قلبك في اكتر من شهر ومش هتعرف تعمل 10 سنت والله

وهنا الاعتماد علي الريفريال وهو مجرد لنك تخلي الناس تشترك وتاخد عموله من الشركة ضيئله جدا

والموضوع دة اثبت فشل زريع لانه مش بيجيب همة ووجع دماغ
--------------------------------------------------------------
2/نيجي بقي للهايب high yield invest programme اختصار لكلمة (HYIP)

وهو برضو موقع عادي جدا اي واحد يعملوا وبيخدع الناس ب ارباح كل يوم او كل ساعة !!

وقال اية بيجيب الارباح من الفوركس طبعا عمر ما دة يحصل لعدة اسباب عشان تشتغل فوركس صح عايز حساب بمبلغ كبير مش بدولار ولا 10دولار وقابل انك تخسر ف لحظة

طب لو دفع فعلا ارباح-دة لو دة دفع اصلا- بيعمل نظام غريب اوي

بياخد مثلا من احمد دولار ومحمد دولار ويقوم يجي يدي احمد دولارين-جبهم من فلوس احمد ومحمد-
وهكذا.........

ويجي ف اخر اللعبة يقوم ينصب في مبلغ كبير والموقع يقفل !!

وهكذا3/4 الدوبلار والسرفنج نفس اللعبة ولكن بشكل اخر ومسميات اخري .

بيدفع لك من العضو الجديد للعضو القديم وبيدك فلوسك كما شرحت يعني العملية كله بونزي (ponzy)

هايب سرفنج دوبلار ماتركس شجرة النقود هجس هجس هجس لانه لايقوم علي عمل اصلا!!
----------------------------------------------------------
ربح اية وبورصة اية وفوركس اية واستثمار اية وتدوال الاوراق المالية اية؟؟!!

فيجماعة فعلا الموضوع مهم بلاش نعيش في وهم وكذب من ناس مش خسرانه حاجة وعايز تصدعنا بس.

مفيش احسن من العمل الجاد ولو حابب وبرغبتك وبمزاجك

Be Careful
--لوعايز تتعلم فوركس مفيش مشاكل بس ميكنش دة كل هدفك او انك تتفرغ له تماما وتسيب شغلك لا اعتبرة عمل اضافي واجتهد فيه واتعلم بنفسك وابعد عن المحافظ في اي منتدي لانها بتخسر خسائر فادحة
وانت ممكن تتعلم بنفسك في اي حساب تجريبي وبعدها جرب وكافح ومتخليش حد يوهمك واعرف ان الطريق متعب جداجدا--
-------------------------------------------------

واحذر المحافظ الاستثمارية ف المنتديات لان مفيش محافظ بتكسب وكمان اللي تكلمة منهم يقلك مفيش اجدع من الفوركس وهنعمل منه مكسب مش ممكن تعمله من اي مكان تاني واننا شغالين بملاييين وهنعمل ونسوي ونخلي وتدفع ويقلك الفوركس مكسب وخسارة وانت خسرت!!
------------------------------------------------------------------
وكمان مش هنلاقي واحد ع النت يعمل تك تك كليك كيك والدولارات تنزله يعني من الهواء
لازم ننزل نشوف الواقع والشغل الحقيقي عامل ازاي؟؟
--------------------------------------------------------------------
عموما دة راي من الاون لاين بزنس وخبرةاكتر من سنتين والله من تعب وارهاق وبحث ومجهود
وان شاء الله احنا عاملين منتدي في حاجات كويسة وواقعية مش 0000 ونتمني منكم الجدية والاهتمام

ولا اريد الا خدمة اخواني في منتدي جديد يسعي الي الربح الحقيقي والعمل الجاد من اجل رفع مستوي معيشتنا ومش كلام وبس

وكما قال الشاعر

(( ولا تحسبن المجد تمرا انت اكله لن تاكل التمر حتي تلعق الصبر))

كلمة اخيرة
شوف انت بتحاول تطلع فلوس من الانترنت رد علي الاسئله دي
1/بقالك كم سنه؟
2/ضيعت وقت اد اية من عمرك وكم ساعة راحت هدر؟
3/الفلوس اللي انت خسرتها استقدت اية خبرة ولا اية؟
عارف لو كنت خسرت ف مشروع اهو اتعلمت واخذت خبرة عملية انما كدة0000
4/ انت عمال تتكلم ف دولارات وين ويورو انت ربحت كم من الانترنت اصلا؟؟
--------
وكمان تلاقي واحد عامل كتاب الكتروني بكام دولار عشان تربح وتبقي مليونير عبر الانترنت ! طب لو كدة فعلا مكنش هو بقي محتاج الكم دولار حق الكتاب وبقي مليارير

دعوة لتشغيل العقل
-------------------------------------------------

وخلي بالكم بقي احنا لا بندي فلوس مقابل الردود ولا ريفريال ولا 30% كل ساعة ارباح ولا كل الكلام دة
احنا عوزين نبتدئ صح ونشتغل تمام مش هنضحك علي نفسنا

----------------------------------------------------------

المساله وضحت زي الشمس

لا حل الا في العمل الجاد

بسم الله الرحمن الرحيم. {وقل اعملو فسيرى الله عملكم ورسوله والمؤمنين }. صدق الله العظيم ...
-------------------------------------
شاركونا وابقو معانا في المنتدي الجديد اللي هنعمله
----------------------------------------------
وأكد ذلك المعنى رسول الله صلى الله عليه وسلم في حديثه الشريف «ان الله يحب اذا عمل احدكم عملا ان يتقنه» صدق رسولنا الكريم صلوات الله عليه وسلم

والسلام عليكم ورحمة الله وبركاته
----
اخوكم

Mahmoud