السلام عليكم
وكل عام وانتم بخير
:: مشاكل X مشاكل ::
مشاكل لمن يكون النت سلعه رخصيه لكل من هب ودب يصول ويجول دون حريه او قيود
مشاكل لمن يكون منتدى اسمه منتدى اسلامي ولايمكنك المشاركه الا بعد التسجيل
مشاكل لمن تعلن بموقع مشهور ويقولك بجييك ويجييك ملايين وملايين الزوار بس ادفع
ولاذمه ولاضمير ومايجيك الا ... بوجهك
مشاكل لمن تكون 70% من متصفحي النت من المراهقين
مشاكل لمن شخص مجتهد ويتعب بموقعه ويروح ضيحه هكر لايفقه شيئا
مشاكل لمن تجد موقع كبير له اسمه وسمعه على النت ويشتريته مراهق يهدم كل شي
مشاكل لمن شخص يشتري جهاز يحطه بغرفته ويقول الشركه العالميه للاستضافه والتصميم
مشاكل لمن تجد شركه استضافه تقدم عرض 1 جيجا بـ 10 ريال السنه
مشاكل لمن تقول انا سعودي وابي استضافه سعوديه وابي الشغل عند سعوديين بس
ومابي اشتغل عند المصاريه ترى اصابعك مو سوى ممكن السعودي ينصب عليك
ويمكن المصري يفيدك اكثر من ابن بلدك
خلي تفكيرك بمعطيات لاتكون سطحي وتتبع كل المقولات القديمه
مشاكل لمن تحط موقعك عند شركه كبيره عشان ترتاح وبالاخير كل يوم معطل
(لان موقعك ليس مشهور ) اهم شي المواقع الكبيره
مشاكل لمن تصير المنتديات اللي تخدم اصحاب المواقع اغلب اعضائها دون سن الرشد
يصولون ويجولون ويعرضون ( مره شفت عرض عضو يبي يشتري موقع كبير وفيه اعضاء فعالين
وفيه اكثر من روم بالشات بـ 350 ريال << عسى ماتعبت
رد عليه عضو ثاني قال شوف الياهو معرض بـ 400 ريال
رد عليه خوينا ممكن الرابط اشوفه اذا عجنبي
والله هذي مو نكته شفت هالكلام بموقع كبير يخدم اصحاب المواقع
مشاكل لمن تلاقي مثل هالنص الصريح وتقول لا اكيد راح يضمون حقي
المعهد غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
مشاكل لمن تثق بشركه او تتفق مع عضو على عرض معين وتحط موضوع تم الاتفاق
بين فلان وعلان على كذا وكذا << على بالك راح تضمن حقك يالحبيب
الله يعوض عليك ماحد يقدر يجيب لك حقك اكثر شي القائمه السودا
ياما نشوف شركات كبيره بالقائمه السودا وشغاله تمام
يمكن اذا كان فيه محكمه بعد ميه سنه تقدر تاخذ حقك
مشاكل لمن
وبالاخير
متى تكون هناك وقفه حازمه من المنتديات اللي تخدم اصحاب المواقع مع اصحاب العروض السخيفه
والله لاعت كبدونا منهم ودي اسألهم سؤال واحد بس ( نصب عيني عينك )
ياعالم ارحمونا كرهنا المنتديات من هالتصرفات والعروض السخيفه
وباالاخير
تبي تكون مرتاح وبالك مرتاح وماتجي تشتكي من الاستضافه
روح للشركات الرسميه اللي لهم مقر رسمي سوي عقد وتفاق معاهم رسمي
لاتدفع حق سنه كامله ادفع حق 3 اشهر
خذ كل اسبوع نسخه من البك اب وخله على جهازك تحسبا لاي طارئ
احتفظ ببيانات الدومين عندك
عشان ماتجي بعدين تصيح وتصيح وتقول موقعي وموقعي ترى ماحد يضمن لك حقك
وبعد عن مترتزقة النت
مشاكل لمن تكون شركات مقدمي خدمات الدي اس ال ( البطاقات )
تشتري بطاقه بـ 200 ريال ويقولون لك المودم حقك مايدعم الاشتراك حقك
والله يعوض عليك اسفين مانقدر نخدمك المودم حقك مايدعم اشتراكتنا
طيب اكتبو تحذير على البطاقات قولو الاشتراك حقنا مايدعم المودم هذا
بدل ماندفع وتروح فلوسنا على الفاضي
آخر المشاكل والطامه الكبرى لمن تجد الشات الصوتي بالكامات
والعرض على عينك ياتاجر دون متابعه او رقابه والله مصيبه
اتمنى كلامي مايزعل احد بس
مشاكل والله مشاكل
واللي مايخاف الله ياويله من الله
مشاكل اللي راح يفهم كلامي غلط
والسلام ختام
:: مشاكل X مشاكل ::
النمط المتتابع
