[المفتاح]

اولا انا عارف انك مرتاح من هالسوالف يامشعل لأنك ترفع موضوعك
بس انا متأكد ان الله يرفع درجة كل ناصح في الجنة ويرفع درجة كل مجاهر في النار

وأنا أديت اللي علي حتى يأست منك ولكن النهاية قريبة وستندم


ثانيا كما قلت انت نرجو من ادارة المنتدى عمل شيئاً يسرها ان تلقاه عند الله

[Saudi Hard]

حبيبي مشعل .. عليهم ولا هنت يا قلبي

موقعك ماشي ومالك شغل بالطقه التعبانه

الي يبي ينصح خله يسكر موقعه بالاول

تحياتي لك

[مـشـعـل الـعـنـزي]

لاحوله ولا قوة إله بالله العلي العظيم

يعني لهدرجه ناس تحبون تعاندون ؟ انا كم مره ذكرت اللي يبي ينصح يرسلي رساله خاصه

لايقعد يطولها بالموضوع وهي قصيره

الحمدالله والشكر على نعمة العقل والكرامه

[العيوووون]

هالحين الي رافع ضغطك أنت وياها شنو

خلأص مصلح لرجل ارسل له رساله خأصه احتس من لباجر محد مانعك

اما انك ترد وتحوس موضوع الرجال على شنو

الي بيدخل النار انت ولا هو )( بعيد الشر

أظن انه فاهم وعارف خلأص وش تبون منه

مع أني عارف يعني مثل قوله شوفني أنا ماعنديش لا لف ولا دوران يعني انسان مصلح

لو أحلف لو الرجل قال اعطيكياه مجاني وربي لياخذونه

أخوي العنزي أسف عالمداخله بس شي يقهر والله

اتمنى لك التوفيق

[قاصد الخير]

والله مت من الضحك على هالردود
ياجماعه افهموا الرجال قالكم الي يبي ينصح يرسله رساله خاصه ويقول الي يبيه شكو داشين الموضوع وتردون؟؟
لهالدرجه القصد من ورى هالحركات هو الحقد والإسائه للموقع؟
عموما بالتوفيق لك أخوي مشعل العنزي ولجميع الأخوان الي يبون يبيعون مواقعم سواء دينيه أم غناويه

[AL-sBe3y]

عندي ماتشتغل الرسايل الخاص قسم بالله

يالعيون من جدك انت اخذ موقع اكسب من وراه اذنوب ياجماعه قسم بالله انكم متهاونين فيها

القبر القبر

وتعرفون
ويالعنزي قسم بالله مو قصدي التخريب اخرب على شنو تكفوون

المهم انا بريت ذمتي

احترماتي

[System 4 Host]

لاحوله ولا قوة إله بالله العلي العظيم

[Lover_Rex]

هههههههههههههه

قسم بالله ردووود تخلي الواحد يفطس من الضحك

أقول أخوي .. مشعل

ياليت تضيفني على الماسنجر .. عشان و دي أنصحك ههههههههههههه

بالتوفيق إن شاء الله

[مـشـعـل الـعـنـزي]

العيون الف شكر وماقصرت ....وصدقني ماينفع فيهم ..ناس يشوهون صورة الناصحين وهم بعيدين كل البعد عن النصح بالشكل السليم والمكان المناسب
============================
قاصد الخير ...الف شكر لك وماقصرت ...لاحياة لمن تنادي لو نقولهم منيه لباجر
============================
السبيعي اخوي ....اذا الرسايل الخاصه ماتشتغل :: في ايميل يالغالي انا واضعه بأحدى ردودي ..وغير هذا يمكن انك ماشفته أطلب ايميلي وانا ارسله لك وانصحني صدقني بالطريقه هذي اسمع منك ...وثق تماماَ مو بس لك للجميع ماسمع لأي شخص بالنصيحه إلا بالايميل او رساله خاصه او انه يختار المكان المناسب ...

==================
Lover_Rex
لوول انا ناقص بعد بالايميل ...لا على الاقل اريح بالايميل اذا تضايقت حظر مع دليت وارتاح

لكن بالمنتدى مشكله مافي إلا انك تعطيه طاف ولا كانك تشوفه

الجميع بأذن الله واشكرك
=======================
اخوي المفتاح انت انسان احس انك معقد بكل صراحه ...يعني مليون مره اكررها واقولك اخوي في رسايل خاصه

ولا ينفع فيك ؟ لهدرجه بذمتك ماعندك كرامه ؟ حس بنفسك وعيب عليك كتبت مره خلاص مرتين ثلاث حلاو هو ؟

انت تقول انا مرتاح من هالسوالف علشان ارفع موضوعي : انت بنفسك قاعد ترفع الموضوع بردودك اقولك اخوي جزاك الله خير وانصح بالرسايل ترد وتكتب انت اللي ترفع الموضوع ؟ وثق بالله راحتي اني ماشوفك ولا اشوف هالفئه اللي تدعي بأنهم ناصحين : وهم منافقين
==========================
اتمنى مالقا اي رد إلا للي جاد بالموقع رجائاَ يعني وبدون اي احراج

[معنا للابداع معنى]

اخي العزيز مشعل العنزي كم وصل السوم وهل صاحب الموقع الى الان يرغب في بيعه !!

[مجموعة اعلان]

بالتوفيق انشاء الله

[المفتاح]

اللهم انك تعلم أن المال مالك

اللهم فأفقر كل من جاهر بعصيانك في مالك

اللهم أرهم الفقر والذل من بعد الغنى والعزة يارب العالمين

[qatarx]

إقتباس: اقتباس من مشاركة المفتاح      اللهم انك تعلم أن المال مالك اللهم فأفقر كل من جاهر بعصيانك في مالك اللهم أرهم الفقر والذل من بعد الغنى والعزة يارب العالمين

وش هالأسلوب يا خي .. نقعد ندعي على بعض ؟!!!!

خلاص الرجال قالك اذا تبي تنصحه طرشله ايميل وخلص عمرك .. ماله داعي تخلي الاعضاء وصاحب الموضوع يضايقون منك .. وبالنهاية لو انتبهت للعنوان فهو ( اعلان بيع موقع ) .. يعني ردودك صراحة مالها داعي .. مع احترامي لك طبعا

جزاك الله خير وكفيت ووفيت .. بس هذي مو طريقة للنصح .. اشدعوه تقعد تدعي على العالم !! والله احنا مسلمين مو يهود ...

[egy7]

اهدي الجميع يا رب

[مـشـعـل الـعـنـزي]

هلا اخوي معنا للأبداع السوم واصل 8000 ريال

مع خالص التحيه

A@kuwaiteen.com للماسنجر

[مـشـعـل الـعـنـزي]

مجموعة اعلان ..... للجميع بأذن الله ومشكور على الرد

[Digichat5]

ياشباب خلوه في موقعه وفي أغانيه كيفه الرجال أهو جاعل ربه أهون الناظرين إليه كيفه الرجال يمكن ملحد مايصدق انه في رب خل أغانية تنفعة يمكن يبيع الموقع ويحصل له كم دينار يشتري فيهم سيارة أو يصرف على أهله ماتدرون الرجال وش يدور في مخه أهو يقول الدين يسر مو عسر مسكين يكذب القرآن والأحاديث النبوية ويصدق نفسه هههههههه والله انه مسكين وكاسر خاطري.

المهم ياشباب تحمدوا ربكم على هذي الأشكال وقولوا الحمد لله انه احنا مو مثل هذا الشخص.

ولاتنسون حياة البرزخ لأنه ورأنا نومه طويلة صبحها يوم القيامة.

[v_i_p]

بسم الله الرحمن الرحيم
اخواني انا جيت ارد ماجيت اسوم يالغاليين

انا اشكر جميع الي ردوا
وقوالوا حرام عليك

خلاص يالغالي واحد قال حرام عليك

1000 واحد يجي ويقول حرام عليك

واحد يكفي انما الاعمال بالنيات
اماا تجي وتسوي انا الي

ويعطيكم العافيه واتوقع فيه رسائل خاصه


وبالتوفيق للجميع

[مـشـعـل الـعـنـزي]

Digichat5 العيب على الناس والعيبه فيهم ...

الاغلبيه منافقين .ويعني ياخوان شوفونا احنا الصالحين ونسعى للإصلاح غيرنا بإرادة الله

الحمدالله والشكر


اخوي vip >> مشكور وماقصرت على الرد

[support_3arabawys]

لهذه الدرجة حقد وحسد لصاحب الموضوع؟
كم مرة نقول النصيحة بالعام لاتعتبر نصيحة بل فضيحة
ونيتكم مع الاسف واضحة وضوح الشمس
شئ مؤسف ان نرى العرب والمسلمين بهذا الشكل

واخيرا الله يوفق الجميع