برضو اسمحلي اختلف معاك مرة تانية ، دلوقتي ما هو معيار قياس انتشار لغة برمجة ؟
المعيار مش كم جامعة بتدرسها ، احنا درسنا باسكال ، درسنا سي وجافا ، بس اغلبنا شغال دوت نت ، الاحصائيات لتكون اكثر دقة لازم تكون ( كام شخص ينتج برامج على هذه اللغة ) بدل ( كم شخص يتعلم هذه اللغة ) وإلا بهذه الطريقة هقدر اصنف نفسي مبرمج C++ ايضاً ، وهيطلع سؤال جديد ، طيب امتى اصنف اللي يعرف لغة معينة انه بيبرمج بيها ، لما مستواه يوصل لايه .
لكن الاحصائية التي لا تقبل الجدل ، هي البرامج ، كام برنامج أو كام فرد شغال في مشاريع باللغة دي ، دي هتكون اوضح .
لو خدنا مصر على سبيل المثال ، وهنآخد اكبر عشر شركات موجودة ، ونقول اللغات المستخدمة ، اختار انت اكبر عشر شركات شغالة في مجال البرمجة ، itworks, link, itsoft, edc, eds, ...etc
الغريب أنه من ضمن الشركات الكبيرة مسمعتش ان شركة ليها اي براند شغال فيجوال بيسك 6 غير شركة واحدة فقط ، هي asset وهي اقرب للمتوسطة منها للكبيرة ، وصححلي لو كنت مخطأ .
الشركات المتوسطة هي المحك ، ودي فعلاً متجهة اتجاه مايكروسوفت اكتر من اتجاه جافا ، لكن الاغلب C# مش vb.net حسب اطلاع سريع ، ودي صعب انا اقولها او حتى حضرتك تقولها لإن محدش يقدر يعرف كل الشركات المتوسطة ، يمكن اللي حواليا اغلبهم C# واللي حواليك اغلبهم vb.net ومقدرش اعترض على حضرتك في دي .
الشركات الصغيرة صعب انك تضعها في الاعتبار ، الشركة المكونة من مبرمج واحد او برنامج واحد أكثر من ان تحصى ، كل مبرمج مصري تقريباً عنده شركته الخاصة ، ولو دخلنا ده في الاحصائيات هتصعب المهمة كتير جداً .
كدولة عربية أخرى هي السعودية اللي انا شغال فيها دلوقتي ، لأ الوضع مختلف .
الشركات الكبيرة في البرمجة تعد على الاصابع ، واغلبها شغال على شيربوينت ، تيبكو ، نادراً الشركات من الحجم الكبير اللي شغالة على لغة برمجة صرفة ، ودي فعلاً اميل لل vb من ال C# ، والجافا عملة نادرة .
دولة عربية تالتة ، الامارات ، أغلب الشركات بتشتغل آوت سورسينج ، لكن اللي شغالين في الامارات نسبة الجافا أعلى بكتير من الدوت نت . في دول مفيهاش دوت نت بصورة رسمية زي سوريا والسودان - بتكلم بصورة رسمية - دول الخليج بصفة عامة اقرب للدوت نت ، وهكذا ، لكن بصورة اجمالية فيما عدا الدول المتقدمة أكثر برمجياً فالدوت نت هو الاشهر ، مصر من الدول المتقدمة أكثر من بعض الدول النسبة متقاربة وأميل للجافا في الشركات الكبيرة ، لكن الشيء الوحيد الأكيد أن النسبة الاجمالية لمبرمجين الجافا اكبر بكتير جداً من مبرمجين السي في العالم العربي . وده واحدة من النقاط اللي اعترضت عليها في احصائيات العالم العربي .
|