السلام عليكم، شخبارك؟؟ من زمان ما تحط لنا مواضيع عن هذه الظاهرة!! والله إفتقدنا مواضيعك!
أخوي الصراحة إدارة الويب العربي وضعت هذا الشرط لمنع التشهير في المستضيفين، و كذلك لدعمهم كما قلت، لكن أنا برأيي إنه 50-70% من اللي يكتبون عن قضاياهم يمكنهم توفير إثباتات، و لكن لازالت هنالك النسبة البسيطة الي نصبوا عليهم و ذلك بسبب عدم إنتباهم! و أما عن الآراء، ترا كلامك كله صح. يجيك المستضيف نفسة و يشتري له 5 دومينات و يركب عليهم منتديات و يشارك بروحة ولا يخلي الشباب معاه، و بعدين لمن يسألون عنه يجي و يسجل ب10 يوزرات و يمدح في نفسة. أنا لاحظت إنه هاي الشي منتشر في الويب العربي و قبل فترة إنتشر في سوالف لكن بفضل فريق Fbi سوالف (هههه عارفين روحهم زين، و مشكورين على جهودهم) وقفوا هالعضو عند حدة. والمفروض إدارة الويب العربي توقف كل عضوية تشك بأنها مزيفة، ولكن العتب مو على الإدارة العتب على المستضيف نفسة اللي وفر لشخص ريسللر و سمح له ينصب، أما في حالة اللي مشتري له سيرفر، من شركة أجنبية أو عربية، المفروض نتأكد من الدومين، نتصل في الشخص، و نطلب منه إيصالات تثبت إنه الزبون قام بدفع المبلغ.
و شكراً..
|