[عربي]

انا اموت بمصر خصوصاُ الاسكندرية اروح ملح لعيونها ..

بس اذا تبيني اناقشك بشكل صحيح هناك من الاخوه المصريين يشار لهم بالبنان مثل الاخ حدود والاخ انترنت بلس وغيرهم وفي المقابل هناك ايضاً شريحه كبيرة نوعاً ما عكس الاخوه

مثلاً اكون معك واقعي وانا اخوك اذا جيت لمصر وبغيت اتسوق ما اشتري الا الاشياء المسعره لأنهم يدرون انك سعودي أو خليجي ويصير السعر دبل دبلات عن الي عندنا في السعودية

ونجي لتكسي مشوار من هنا لآخر الشارع يقولك 20 جنيه ليه راكب "ماي باخ" انا وهذي في اغلب سائقي الاجره عندكم اذا دروا انك سعودي قصوا رقبك بالسعر بس مايقدرون الله يخلي المرشد السياحي خخخخخخخخخخخخخ ولا كان فلسنا من أول ليلة

نفس الشيء فيه سوق ناسي وش اسمه دخوله مبلغ بسيط جداً اقل من جنيه لكن يوم شاف اننا سعودية قال خمس جنية ثم المرشد السياحي غسل شراعه ومرمطه على كيف كيفك

في نفس الوقت أنا لا ألومه على هذا الشيء ستسغربون ؟؟ الحالة المادية هناك عند بعض العائلات سيئة جداً جداً لو تشوف انه من وين يجيب مصروف من وين يجيب ويجيب فالشيطان دخل من أكثر من جهه حتى خلاه يقع في هذا الطريق انا رأيت بعيني عائلة من سبعة أفراد تسكن في غرفة تحت الدرج تخيل انت عائلة كامله في غرفة صغيرة ماتقول معه حق انه يحاول يحصل على لقمة عيش بأي طريقة!! نحمد الله على النعمه الي حنا فيها واسئل الله أن يديمها علينا وعلى جميع المسلمين في مصر وغيرها

وفيه كثير من الاخوه في مصر لي علاقة بهم وهم في قمة من الاخلاق الرفيعة وتواصلي معهم بشكل مستمر