أنا معك أخى الكريم فى كل ما تقوله قبل ما ابتدى فى موضوع تصميم المواقع كنت بقدر وبحترم كلمة إحتراف ولكن بعد مادخلت وتعمقت فى الموضوع وشوفت المواقع وشركات تصميم قمة قمة قمة التدنى فى الذوق ويطلقون على تصميماتهم بالإحترافية ولما أدخل وألقى نظرة على تصميماتهم ألاقى تدنى فى إختيار الألوان تدنى فى تناسقها مع بعضها إتباع طريقة واحدة فى التصميم بشكل ممل ويشعرك بالغثيان كل تصميم شبه اللى قبله بالظبط مفيش أى فرق جعلنى أغير تفكيرى عن هذه الكلمة و أيضاً يوجد تدنى فى ذوق العميل لإنهم بيركزوا على الرخص وتركيزهم على المحتوى (أكيد المحتوى مهم جدا جدا ولكن الشكل والتصميم برده مهم لإن التصميم هوا اللى بيقدملك المادة .
ما الفرق بين التصميم الأجنبي والتصميم العربي ؟
التصميم الأجنبي مُصمم بهدف يريد أن يوصلك فكرة معينة وبيقنعك بيها - تصميم يعتمد على البساطة - تناسق بين لألوان بشكل غير عادى - الموضوعية - سرعة فى التصفح - كُل حاجة معمولة صح وموضوعة فى مكانها الصحيح .
وده موقع بيوضح اللى عايز أقوله
http://www.templatemonster.com
التصميم العربي ( مع إحترامى الشديد للعرب ) ولا ينطبق هذا الكلام على كل التصاميم العربية طبعا ) : تصميم غير هادف - معظم الأوقات غير موضوعى يعنى كتير تلاقى صور كتير موضوعة لا تدل على محتوى الموقع لما تتصفح الموقع متعرفش انت داخل فين ومتعرفش إيه مجال الموقع - لا يوجد تناسق بين الألوان - بطئ شديد فى التصفح -تفاصيل كتير كتير كتير موضوعة بدون هدف ملهاش معنى زيادة عن اللزوم - التصاميم واحدة - عدم التنويع
"إقتباس"
"هناك قاعدة تقول ان التصميم هو ذلك الاطار الجميل لعرض محتوى الموقع به وإبرازه بصورة جميلة لا تصيب المتسخدم بالملل , بل تجعله يتردد عليه مره بعد مره.
انصحكم لا تطبقوا هذه القاعدة لانكم سوف تقاطعون
95 % من المواقع العربية ! :bleh:"
ده كلام صحيح 100% العميل بقى بيعجبه أى شئ أهم حاجه يكون رخيص وبيبقى سعيد جدا انه أخذ تصميم بسعر قليل طبعاً ده شئ غلط جدا أدى إلى عدم الإهتمام بالذوق جعل التصاميم (الإحترافية) تنتشر بشكل فظيع والمشكلة ليها ناس كتير جدا بتعجبها وبتشتريها
وفى الختام آسف على الإطالة وأرجوا أن تتقبلوا مرورى
أخوكم
إيهاب صلاح