السلام عليكم ورحمة الله وبركاته
الأستاذ serv2000 أولا أسجل إعجابي بإسلوبك وبمنطقك وبتحليللك للأمور ومجرد إني أسمع حد بيتكلم بإسلوب زي إسلوبك أنا بستمتع فلك الشكر.
هبدأن من الحاجات إللى متفق معاك فيها :
1- لو عاوز تنفذ فكرة وتكسب منها سواء إنسانية أو غيرها يبقى لازم تقدم لها الدعم مش تطلب من الغير.
معاك مية في المية وكان عندى تصور آخر لكن كلامك سليم وأنا دلوقتى بدرس الموضوع من كافة جوانبه علشان أعمل إللى حضرتك بتقول عليه.
2- الدنيا مليانة أفكار وكل واحد جواه أفكار لا حصر لها , لكن فين التنفيذ؟
معاك مية في المية.
الحاجات إللى مش متفق معاك فيها:
1-لو هدفك من الموقع إنساني ليه خايف حد يسرق الفكرة.
.. يعني انت عامل الموقع بهدف انك يطلعلك نسبه كبيره او يطلعلك منه حاجه وبتطالب الناس انها تقوم بعمل انساني يخدمك انت.
.. انت لا تملك شئ الا ان تطلب من الناس تنفيذ افكار لتكسب انت.
.................................................. ......................
أحب أقول إني لما فكرت في عمل موقع لموضوع التبرع بالدم كان لأهل بلدي برج البرلس وعلشان نساهم في حل مشكلة التبرع بالدم وسهولة الوصول لمن عندهم الرغبة في التبرع ووقتها كنت زي أي مستخدم عادي جدا للإنترنت فقط لا غير, وإستعنت بإللى بيعرف وعمل لنا موقع على جيران وبعدين إتعلمت لغة html خصيصا علشان الموقع وإشتريت الدومين والإستضافة علشان يكون الموضوع سهل والإسم كمان سهل من المجاني وعملت الموقع بالشكل إللى حضرتك شفته وحضرتك تعرف إني لما بضيف إسم لازم أغير صفحات كتير بالموقع وأرجع أرفعها تاني, طبعا الكلام ده مش عاجبني, وعاوز الموقع يتبرمج ويمشى بنظام أفضل وكما عاوز البرنامج إللى إتكلمت عنه,
(لو حد عاوز يعمل الكلام ده أو البرنامج من غير القصص التانية دى يا مرحبا وأحب على إيده ورجله كمان وملناش دعوة بالقصص التانية دى خالص ولا إعلانات ولا ديولو . كده الهدف إنساني؟ وكمان يكون الموقع مختص بالقصة دي فقط لا غير . أظن كده مش هيطلعلي نسبة كبيرة ولا هيطلعي حاجة , لا إللى هيطلعلي كتير كتير كتير.)
(موضوع التبرع بالدم وده هدف الموقع الأساسى أنا مش هسيبه أبدا أبدا ومش هيبعدنى عنه إلا الموت دى حاجة مفيش حد في الدنيا يعرف مدى تمسكي بها إلا الله).
.................................................. ....................................
ندخل على إللى مش إنساني:
الموضوع إللى مش إنساني ده كل هدفه دعم الموضوع الإنساني وإنه يكتسب قوة دفع ذاتية ويأخذ الوضع الائق به ويكون بوضع لائق . (مش عاجبني طريقة المواقع بتاعت التبرع بالدم في إنه طريقة الوصول للمتبرع متوقفة على صحة رقم التليفون , مش عارف الراجل ده إتبرع قريب وألا لا , أنا محتاج لمتبرع بالليل والراجل المتبرع بيكون مشغول بالليل . الحل؟, مش عارف الراجل ده موجود دلوقتى في بلده وألا مسافر بره مثلا أو مريض أو... , الناس إلى خلاص خلصت قدرتها على التبرع راحت فين خلاص كده إتنسوا , الناس إللى كانوا متبرعين وماتوا خلاص كده آنست وشرفت, الناس إللى معندهومشي إنترنت مفيش حاجة لهم تنظم لهم المسألة دى وتساعدهم في حل المشكلة دي , المستشفيات والمعامل ملهومش حاجة تنظم بيانات المتبرعين دفاتر ملغبطة وخلاص والتعبان يجري)
(كام واحد محتاج لمتبرع بالدم يعرف موقع للمتبرعين بالدم؟ , طب يعرف , بيدخل الموقع ده إمته ؟ أكيد لما يحتاج وبعد كده لا . , طب حد بيكتب عن المواقع دي زي برنامج جديد على الإنترنت أو خبر جديد ؟ طبعا لا . (مواقع شبه مهجورة)).
.................................................. .................................................. ......
كل الحاجات إللى مش عجباني دى دفعتنى إني أفكر و...... .
تخيل حاجة زي دى موجودة بإستمرار بصفحات الياهو أو الفيس بوك كم واحد يعرف بالكلام ده وكام واحد هيسجل بياناته كمتبرع والفرق بين الكلام ده وإللى الموقع عليه دلوقتى من كل الإتجهات.
.................................................. ...........................
لكن إللى مش إنساني ده فيه نسبة إعلانات وهيطلعي منه حاجة و............... و....... و............
أعمل إيه يعنى ألطم يعنى وألا أولع في نفسي؟ ههههههههههههههههههههه
.................................................. ...............................................
إللى مش إنساني ده أسيبه خالص مش مشكلة لكنه جزء كبير في دعم إللي إنساني.
مش قصة إني أدفع تمن الإستضافة والدومين لكن أعرف أكبر عدد من الناس إزاي؟
تعرف حضرتك الحمد لله بلدي برج البرلس الموقع مشهور فيها والناس بتستخدمه والأمور والحمد لله تمام لكن علشان الناس عندي تعرف بالموقع وتسجل بياناتها والبلدان إللى جمبنا كمان لا تتخيل عملنا إيه خد عندك ألاف من الملصقات الورقية ويافطات قماش مكتوب عليها بالبنط العريض موقع إنسان مصرى للمتبرعين بالدم والناس تسأل إيه ده ومين وليه وإزاي وطبعا لما بيذكر إسمى في الموضوع ده أنا روحي بتروح خالص لأني الموضوع بالمنظر ده فضيحة بالنسبة لي لأني كنت عاوز أكون بعيد عن إن حد يعرف إن لي يد في القصة دى لكن غصبن عنك .
كمان علشان ناس تانية تعرف بالموضوع من خارج بلدك في مصر بس شوف بقى إيه المطلوب؟
.................................................. ..........................................
الموضوع إللى مش إنساني مهواش مبنى على إني ألم فلوس وخلاص ده أصلا إسلوب فاشل لو حد إعتمد عليه .
أنا في الموضوع إللى مش إنساني ده عندى هدف محدد ومش عاوز يخرج صغير أو متوسط وعاوز يكون قابل للتطور بإستمرار ( عاوز مكان بين الكبار يخدم العرب والمسلمين).
.................................................. ...........................................
معلشى أنا مش هطول في الموضوع إللى مش إنساني علشان أنا إتفقت معاك في السطر الأخير من إللى حضرتك كتبته.
و معلشى مرة تانية إني إستخدمت كلمة مش إنساني يظهر إنني إستخدمته للتهكم لما لقيت حضرتك حطيتني في خانة مش إللى هيه .
.................................................. ..............................
أشكرك كثيرا كثيرا وإستمتعت بإسلوبك المباشر والصريح.
|