[الجووكر]

اخوي وش لك بوجع الراس اجنبيه

انصحك تاخذ من شركه رسميه ويكون لها مقر بالمنطقه اللي انت فيها تبي تقولني ليش اقولك ليش

انا استضفت عند شركه رسميه ولها مقر بالرياض..

قلت ياولد وش له ارسل لهم اميل ومدري شنو

احسن شيء اروحلهم واقابلهم

والله فعلا دقيت السياره سلف ورحت دخلت عليهم ودقيت سوالف مع مصمم عندهم

خذتنا السوالف.المهم شوي قلتله بالله ودي اتصمم لي استايل منتدى قال امر بس

المعروف ان اسعار هالشركه غاليه بس قال ولايهمك علشان جيتنا وتعرفنا على بعض

ابعطيك بسعر فلاني والله ياشباب عطانيه بسعر ماتوقعته تصميم احترافي وبسعر اقل من المعروض

والسبب كله جيتي لهم وسوالفي معه.. هذا المصمم

وانا جيتي كله علشان استضافه..

الولد ماقصر دخلني على المدير وسوالف يمين و يسار

وبالاخير خذيت الاستضافه بسعر اقل من المعروض..

وكل هذا من بركات جيتي لهم والساني الله يخليه سووولف

اللي ابي اوصله خذ من شركه رسميه لها مقر عندكم والله راح تستفيد معرفه وابعد عن المراسله واي

شيء يصير

دق سيارتك سلف ورحلهم ومع الايام تصير علاقتكم

اكثر من زبون..


معليش الموضوع كنه ماله دخل

بس انا اشوف له دخل