بسم الله الرحمن الرحيم
أريد العمل معكم كمحررة فأنا أجيد الكتابة بالاسلوب الساخر و الاسلوب الجاد و أكتب القصة القصيرة
ايميلى:kateba55@yahoo.com
كما أن لدى مدونة عنوانها:[url]www.aldayfa.blogspot.com[/url]
و هذه عينة من كتاباتى
شجرة تتحدث
كلمات مكتوبات على مساحة محدودة فى الوجود ماذا عساها أن تصنع انها ليست مواطنة فى ساحة نوبل الشهيرة و لكنها تحيا فى أحيائنا المصرية البسيطة ربما كانت عقدة محدودى الدخل الذين أنا منهم و بما أننى محدودة أرغب فى مساحة غير محدودة لأبنى عليها قصور حكاياتى و لهذا قررت يا اخوانى أن أعيش اليوم فى القصر الذى حكم مصر فى وقت ما و لمدة من بختى انها كانت قصيرة و لكن نعمل ايه ؟ حظ الغلابة لما بيحلموا
البداية كانت عربية فصحى و دلوقتى عامية متفصحة و عشان مصر لسانها مقسوم مابين فصحى مكحكحة فى حصة اللغة العربية و ما بين عامية مدأدأة فى الشارع و البيت هندخل دلوقتى قصرى المتواضع باللسانين البيت بيتكم ياجماعة يعنى ما تعملوش تكليف
بصيت فى المراية لقيتنى خير اللهم اجعله خير بقيت شجرة
لأ ماتفهمونيش غلط أنا لا شجرة برقوق و لا جميز أنا شجرة الدر ملكة مصر و أكيد انتو هتعيشونى فى جو ملكى يعنى تحيات و احترامات و هيبقى عندى ريشة طويلة أحطها على راسى
شجرة الدر بقى
و دلوقتى ايه؟ قال خير اللهم اجعله خير أنا قاعدة بفكر هعمل اية ف حكاية أيبك و أقطاعى و اذ بى أتفاجىء بناس كتيييير حوالين القصر و هتافات بصوت عالى عايزين شجرة عايزين شجرة عايزين شجرة
و طبعا أنا مقدرش أزعل شعبى
وخرجت م القصر و يا ريتنى ما خرجت لاقيت عيون مفتوحة و أفواة زى العيون بالظبط و الأقدام تقترب
دة بقى فيلم رعب يا جماعة يا خسارة الهنا و النعيم اللى حلمت بيهم طب أعمل ايه؟أهرب مش عارفة
طب أقولهم أنا مش شجرةازاى ؟ دول يا عين أمهم زى مايكونوا ماصدقوا
أمال اية مش جعانين و لاقوا شجرة
والهتافات لازالت شغالة عايزين فول عايزين شجرة و أنا لما جمعت الاتنين مع بعض يبقوا عايزين شجرة فول اه لأ يا شعب مصر مش أنا اللى أتاكل أوانطة
الظاهر انى اخترت الوقت المناسب عشان أقوم بدور وجبة افطار لمحاديد الدخل و أدينى يا جماعة بجرى و الكل بيجرى ورايا و أدينى شايفة ابراهيم الفوال و هوا بيتزعم رعيتى اللى بيكافحوا عشان ياكلونى و معاه قدرة الفول اللى جايز تكون قصرى كمان شوية يادى النيلة شفتوا أدى الريشة وقعت منى يعنى كمان خرجت من الحلم من غير حتى الريشة
هذا و لازال الجرى مستمرا و ربما وافيتكم بالجديد فى ساحة قصرى القابع فى قدرة الفول قصدى فى التاريخ
دة لو لسة لية عمر
امضاء
شجرة فى أرض مصر
نور القلم
ايميلى:kateba55@yahoo.com
أنتظر ردكم