بسم الله الرحمن الرحيم
اول شي يعطيك الف عافيه اخوي على طرح مثل هذا الموضوع
وبخصوص الشركاته المصريه ليش ما في تعامل معهم من قبل الخليجيين
اول شي اخوي انا اقولك في بدايت الامر يكون اسلوبه حلو ورائع وفي الكلام الحلو والجميل يكسر الزبون ويقوله ان الدعم الفني خدمه 24 ساعه ولما يستلم من المبلغ المتفق عليه ويسلمه الموقع بعد ما راح تشوفه موجود على الماسنجر هذا اول شي وثاني شي لما العميل يطالب الشركه يتحويل الدومين يقعدون يتهربون منه ويقولون له بكره راح يتحول الدومين وبكره ما يتحول ولما يسئلهم يقول ليش ما حولتو الدومين يقولون له احنا اسفين حصلت مشاكل من الشركه وبهذا يقعد الشخص يراسلهم ما راح يردون عليه
وانا حصل معاي هذا الشي وكنت ابي اتعامل معهم بس للاسف خيبو ضني فيهم وانا اتفقد معهم على شان نشتغل مع بعض
وبديت اضع اعلانات في حجز استضافه ولما جوني الزبائن وتفقت معهم وقبل ما اتفق معهم كلمة صاحب الشركه وقلت له ان هذوله الاشخاص يبون استضافه بس بشرط ان يكون الدومين محول على ايميلاتهم وقال لي ان شاء الله ان راح يحجز الدومينات وراح يرسلها على ايميلاتهم وبعدين قلت لهم خلاص وسجلت عقد بيني وبينهم ولما شافوا الموقع شغال راحو يتاكدون من الدومين هلة هو محول على ايميلاتهم وله لا ولما شافوا انه الدومين مو محول على ايميلاتهم ارجوا لي وقالو لي انت نصاب والشركه اللي تتعامل معها اكبر نصابه قلت ليش تقولون هذا الكلام قالوا لما احنا اتفقنا على ان الدومين يتحول على ايميلاتن وقلت لهم راح يتحول على ايميلاتكم راح تتحول قالوا لا خلاص ما راح نتعامل معك وراح ناخذ حقنا بالقانون قلت لهم خلاص اخذوا المبلغ اللي دفعتوه قالو وش نسوي بالمبلغ والدومين راح علينا وفي نفس اليوم اللي صار فيه الكلام جاني تبليغ ورح وقالوا لي انت فاتح شركه للنصب على العالم قلت يا اخوي ليش تقول هذا الكلام انا ما نصبت على احد وكان بيني وبين الزبون عقد يعني لو ابي انصب على احد ما كان سويت حق بيني وبينه قالي لي رجع المبلغ اللي اخذته ورجعت المبلغ وثاني شي انسحبت منى الرخصه وثالث شي دفعوني غرامه500 دينار وقلت خلاص ما راح اتعامل مع احد وبعد فتره دخل صاحب الاستضافه وقالي لي ان راح يكمل حجز باقي الدومينات قلت له اخوي لا تحجز شي خلاص قالي لي ليش قلت له السالفه قالي ليش كيف تبيني اثقه فيهم وارسل لهم الدومينات قلت له اخوي مو هذا كان اتفاقنا لما اتصلت عليك عن طريق الجوال قال لي ايه قلت ليش ما وفيت بوعدك معاك والهم انهيت هذا الموضوع معاه وسئلته بخصوص الدومين الخاص فيني ليش للحين ما تحول قال لي ان الشركه اللي هو عامل عليها الاكاونت فيها مشاكل قلت اوكي اخوي من تايخ 2005-05-16 وهذا الشركه بس عندي وحصلت لها مشاكل قال لي وقام يحلف لي ان راح يتحول الدومين في اغرب وقت وللحين ما شفت منهم اي شي قلت له ليش ما تسويلي اكاونت على نفس الشركه وبعدين تحول لي الدومين قال لي ان هذي الشركه ما تقبل اكثر من اكاونت على شان الفيزه لازم تكون في فيزه ثانيه على شان تسوي اكاونت قل خلاص قول لي على الطريق على شان ابي اسوي اكاونت قال لي لازم انك تشري اي شي من الشركه على شان يعطونك اكاونت هل هذا صحيح وله هذا الكلام من عنده على شان يتهرب مني والشي الاخير لازال الموقع شغال و ما اقدر اني اسوي فيه اي شي ابي اصمم صفحه وابي اشتغل بالموقع الخاص فيني وكل هذا انا متوقف على ان يتحول الدومين وراسلتهم ما في احد يرد علي
هل هذا صحيح لما تكتبون شركه استضافه احجز المساحه كذا وتكتبون جميع المواصفات وفوق هذا تقولون ان الدومين مجانا ولما الشخص يحجز ما راح ياخذ حقه ما تعطونه الدومين ليش هذا اللي انا سمعته من اكثر من شخص يقول ان المصريين ما راح يعطيك الدومين خاص فيك لما يشتهر الموقع ويصبح الموقع معروف راح ياخذونه منك ويبيعونه على شخص ثاني والصراحه انا صار عندي شك في هذا الموضع
وانا ما راح اضع اسم الشركه لما اني اتحدث معهم مره ثاني وانا ناطر اخر هذا الاسبوع اذا ما شفت منهم شي راح اضيف اسم موقعهم وفوق كل هذا راح ارفق الصور المحادثه وياليت انهم ما يحدوني على هذا الشي والصراحه انا كنت متردد في كتابة هذا الموضوع وهذا الشركه لما تقراء هذا الموضوع راح تعرف نفسها على طول
وتاريخ اليوم 2-7-2005 شوفو كم يوم انا متحمل يعني صارلي شهرين ماني عارف وش اسوي
وهل هذا صحيح ان هذي الشركه ما تقدر انك تاخذ عندهم اكاونت لازم انك تشتري اي شي لو يكون بواحد دولار وبعدين تقدر انك تاخذ منهم اكاونت وهذا رابط الشركه
http://www.hostway.com
واذا كلام مو صحيح ارجوا من اخواني شرح لي طريقة التسجيل على شان اعمل اكاونت وهل التحويل الدومين من هذي الشركه الي شركه ثانيه هل فيها رسوم وله ما فيه ارجوا التوضيح
ان شاء الله اني راح اشوفهم قبل نهاية هذا الاسبوع ويحولون لي الدومين واذا ما تحول الدومين في نهاية هذا الاسبوع راح اضع كل الصور الموجوده لدي لاني مصور كل الكلام اللي صار بيني وبينهم وراح اضع اسم الشركه
واسف اخواني على الاطاله لاني الصراحه مقهور ما في احد يرضي ان يجي احد ثاني وياخذ حقه
والسلام عليكم ورحمة الله وبركاته