[الرّاسم]

هلا والله بالمري

يالغالي التعامل على الانترنت غالبا يعتمد على الثقه ان كانت في محلها فالحمد لله وان كانت في غير محلها فالعوض على الله

انت الان تبغى تشتري موقع جاهز وموجود على الانترنت لازم تعرف ان الموقع عبارة عن 3 اشياء اساسية ومستقله كل واحد له موضوع مختلف وهي :

دومين الموقع
اللي هو اسم الموقع مثلا :
www.arabwebtalk.com

وهذا له معلومات دخول للوحة تحكم خاصة بالدومين في موقع ما تم حجز الدومين منه ممكن يكون موقع اجنبي او عن طريق وسيط عربي يقدم خدمة الدومينات لابد تحصل على معلومات دخول لوحة تحكم الدومين الخاص بك والا كأنك اشتريت سمك في مويه فانتبه .


مساحة الموقع
اقصد بها المساحة المستأجره اللي موجود عليها الموقع
كأنه قطعه ارض مستأجره موججود عليها البيت اللي هو الموقع
مافيه احد يملك مساحة بنظام تمليك كل العالم مستأجره مساحات والدفع احيانا سنوي او ربع سنوي او نصف سنوي فلازم تعرف من هو اللي مستضيف موقعك واللي لازم تدفع له الاجار ويقدم لك الدعم الفني في حالة احتجت له .

يعني لازم تسأل اللي بيبيع لك الموقع وتعرف من مستضيفك لانه لك معلومات دخول لملفات موقعك تاخذها من المستضيف لما يصير الموقع ملكك .


محتوى الموقع
اللي هو كل مافي الموقع من اقسام وملفات وصور وووووو
مثلا المنتدى ومكتبة البرامج وغيرها حسب محتوى كل موقع
وهذي لازم تاخذ من البائع جميع المعلومات الخاصة بها من معلومات دخول للوحة تحكم كل قسم وقواعد البيانات وغيرها


الان يالغالي افضل طريقة تتصل بالمستضيف وتطلب منه يكون هو الوسيط في عملية البيع بحيث ترسل له المبلغ وهو بدوره يسلمه للبائع صاحب الموقع ويسلمك معلومات الدومين والمساحة والمحتوى

بالطريقة هذي ما يقدر صاحب الموقع ينصب عليك لان المستضيف ماسكه مع رقبته


اتمنى اكون افدتك

تحياتي