عليكم السلام ورحمة الله وبركاته
اهلين اخوي الباسل
اذا كنت تقصد ان لي صلاحيات او نفوذ في الويب العربي تتجاوز صلاحياتي كمشرف مثل بقية المشرفين على قسم واحد وهو تطوير المواقع فهذا غير صحيح ولو كانت اشاره منك لهذا المعنى فهي مرفوضه مني قبل ان تكون مرفوضة من ادارة الويب العربي لاني لا اقبل على نفسي اكون في مثل هذا الموضع فأنا اخذ حقي كامل بدون دعم لوجستي من احد الا بالعكس انا من تعرض لموقف سخيف من هذا النوع كان فيه دعم ومجاملة ونفوذ مفضوح لاحدهم ( لا داعي لذكر اسماء تشوه صفحات هذا النقاش ) ولو وجدت هالشي في الويب العربي يوم من الايام بكون اول من ينسحب منه .
شكراً لك وهذا من طيب اصلك
اخوك العزيز ارسل لي ملف التصميم ملف مفتوح ومعه صور طيور لاضافتها في الهيدر وبالتالي التصميم وصلني بدون قص او تركيب وهذه نقطه مهمه برجع لها .
وسألته عن المصمم وهل عنده خبر حتى ما ادخل معه في نقاشات من هالقبيل فقال لي بالحرف الواحد ماعليك التصميم لي اخوي مسويه فسألته هل عنده موقع تصميم يعني يمارس التصميم بشكل تجاري ؟ قال لا ولا تشيل هم محد بيطالب بحقوق لانه حقي اعتبرني انا مصممه واعطيك الملف المفتوح بس يمكن رجع في كلامه لاني تأخرت عليه في كم شغله طالبها مني
شكل السالفة ردة فعل !!
وهذا يعني ان المصمم ماعنده موقع خدمات تصميم ولكن عمل التصميم بشكل شخصي غير صلة القرابه لانه اخوك
وبالرغم من هذا كله حافظت على اسمك وتوقيعك على التصميم مثل ما ذكرت انت في الكلام المقتبس الجاي لاني مستحيل تصميم للغير انسبه لنفسي المسألة مبدأ هذا اولا وثانيا انا عارف اني محطوط تحت المجهر من ناس كثير يبحثون عن اي غلطه من هذا النوع
ولكن امشي عدل يحتار عدوك فيك
واعتقد ان الحيرة استمرت سنين وان شاء الله على طول .
كلام جميل !
اتمنى منك اذا كنت محتفظ بمراسلاتنا ان تطرحها مثل ما هي في الموضوع انا ناسي بالتحديد وش قلت لك لكن اللي انا واثق منه اني اعطيتك حلول مقنعه منها اني قلت لك خذ راحتك وحط رابط بريدك للصورة الي فيها توقيعك او حط موقعك ماتفرق معي وتقدر تحط الالت حق الرابط عبارة ( جرافكس او اي كلمه اخرى مثلها ) تظهر مع وضع الماوس على الصورة بحيث يفهم منها ان شغلك جرافكس الموقع اما كلمة تصميم وتركيب اعتقد انا ما وضعت كلمة تركيب انا وضعت كلمة تصميم بس فالتصميم يشمل قص وتركيب واضافات للتصميم مو موجوده في الملف المفتوح مثل تصميم اطارات واجزاء دقيقه في السكربت وايقونات قمت انا بعمل كل هذا وتريد تختزله في كلمة تطوير وتركيب ؟؟؟؟
المفروض الاختزال يكون لعملك انت في كلمة ( جرافكس ) او ( صور ) لاني مثل ما وضحت وصلني ملف فوتوشوب مفتوح للعمل وكان تصميم متعب للغايه في قصه وتركيبه لانه معمول على اساس يركب على منتدى موعلى برنامج دواوين وبالرغم من هذا ركبته على الاثنين بصور جديدة قصيتها من جديد وعملت منه اطارات جديدة وايقونات وخلفيات وغيرها .
التصميم كان راكب على المنتدى وفيه أخطاء كثير ومن ضمنها مشاكل في قالب الفوتير سببت مشاكل في القوائم المنسدله للمنتدى واخوك يتذكر هالكلام تمام لانه كان يعاني من المشكلة هذي وحليتها له وعشان كذا قررت استعمل صور جديدة انا اقصها واركبها من جديد يعني تقدر تقول شغل من البدايه .
الخلاصه انا ما الغيت شعارك نهائي ولا ادعيت شيء مو لي شعارك موجود ومكتوب عنده كلمة تصميم
لو حطيت بدلها كلمة جرافكس مثلا وعلى شعاري تصميم اعتقد هذا هو الوضع الصحيح لمثل هالحالات وانا اتذكر اني قلت لك باقي فيه شغل في موقع اخوك واذا دخلت اسويه بسوي لك اللي تبي وقلت لك ادخل انت وعدل طالما موقع اخوك اكيد عندك صلاحيات عليه .
كان دخلت ياخوي وغيرت في شعارك بدل كلمة تصميم الى جرافكس وحطيت رابط وتنتهي السالفه
لاحظت ان المنتدى اخوي الباسل مشيول منه حقوقي مع ابعاد المعلومات !
بخصوص النقاش في موضوع الحقوق بشكل عام فيه مثال بالمناسبة وهو الاستايلات اللي راكبه على المنتديات مثلا الكمبو ومطلوب ترقية الاستايل فأنا اكتب عند شعاري ( تطوير ستايل ) لاني استعمل نفس صور المصمم اللي قصها وماعندي ملف مفتوح اقصه واضيف عليه من الصفر .
اما اذا ملف فوتوشوب مفتوح وبقصه من جديد واضيف وازيد عليه احط كلمة جرافكس للي صممه وعند شعاري كلمة تصميم اعتقد هذا الصح من وجهة نظري .
مصطلحات من زاويتي :
كلمة تطوير لحالها كذا : تنطبق على المبرمجين .
كلمة تركيب لحالها كذا : ماعتقد انها مناسبه لعمل المصمم نهائياً .
جرافكس : لمصمم الجرافكس إذا كان شخص مختلف غير المصمم للعمل او مايكون لها داعي اذا كان نفس المصمم .
تصميم : تنحط للي قص الصور وركبها ونسقها واضاف وصلح وعدل وصمم الشكل النهائي للعمل بأيقوناته وملحقاته والوانه وخطوطه حتى في حالة وجود مصمم جرافكس آخر .
تحياتي