السلام عليكم
اخواني كلمة عيب في عنوان الموضوع معناها خلل
وخلل يقلل من قيمة الموقع بكل صراحه إذا كان موقع عادي فما بالك إذا كان موقع يقدم خدمات استضافة او برمجة او تصميم او او او
تخيل واحد يملك معرض سيارات المانية وسيارته الخاصة كورية ومهربده
ماتجي وتحسسك ان فيه شيء غلط !!!
نفس الحكاية مع موقع محترم وايميل المسؤل عنه بريد مجاني في الهوت ميل
عندك موقع ولوحة تحكم وعدد كبير من الايميلات مجاااناً بإسم موقعك تتركها وتستعمل بريد مجاني في الهوت ميل يخترقونه مثل السلام عليكم وتستعمله في شغلك واسرار موقعك وارقام سرية لك ولعملائك ؟؟؟؟!!!!!
تحس فيه شيء غلط !! مثل صاحبنا راعي السياره المهربده
اعمل لك بريد رسمي بإسم موقعك ياهوووه
واعمل عليه ماسنجر عاااادي ياعالم تراه ممكن وبسيطه الطريقه لاني عارف ان الماسنجر هو اللي مرغب الناس في الهوت ميل
بصراحه من اول ما اشوف بريد الشركه في توقيعه هوت ميل يطيح من عيني واقول في نفسي دام هذا ايميله الله يستر من تواليها
او منتدى كبير والاف الاعضاء وتجي تشوف بريد الادمن تلقاه في الهوت ميل
المصيبه ان المنتدى هذا لحاله على سيرفر مستقل
طيب اعمل لك بريد رسمي يابني آدم عشان لا يروح منتداك بسبب شوارع الهوت ميل !!!
اللي مايعرف يسوي بريد رسمي او ماسنجر للبريد الرسمي يبحث في قسم لوحات التحكم هنا في الويب العربي واذا مالقى يطرح سؤال بيجيه اللي يعلمه .
بس خلاص !
تحياتي