فكرة موقع اعلانى جديد ::ادخل وشارك::
 

السلام عليكم ورحمة الله وبركاته

اخوانى عندى فكرة موقع اعلانات جديد جداً , الموقع ده هيفيد كل مواقع الانترنت, وخاصة العربية.

نبدأ على طول (من غير لف ولا دوران(

الفكرة هى

عمل دليل مواقع مثل اي دليل مواقع عادى , واحد هيجى يقولى طب ما النت مليان مواقع مثل دى,

يا جدع اصبر على ,

اقولك انا ايه اللى هنضيفه .

هنعمل برنامج بسيط جداً , كل موقع هينضاف فى الدليل هياخد يركب البرنامج ده عنده فى الموقع .

والبرنامج ده فيه ايه؟

البرنامج ده مثل شريط الاهدائات اللى فى المنتديات , الميزه اللى هتكون فيه أنه هيكون فيه المواقع اللى مضافه فى الدليل.

والبرنامج ده هيعمل ازاى؟

البرنامج ده هيكون فيه جميع المواقع اللى مضافة فى الدليل . بس هتكون عبارة عن بنرات صغيرة تتحرك فيه مثل الاهدائات .

خد عندك مثال :: لو انضاف للدليل مثلاً 20 الف موقع , كل موقع هيكون عنده نسخه من البرنامج فى موقعه , يعنى كل موقع من ال20 الف موقع دول مضاف فى عشرين الف موقع . (انت كده دخلتلنا فى الرياضه يا عم الحج "" اصبر شوية وتعرف الباقى دى فكرة حلوة)

البرنامج ده هل فيه تطوير؟

طبعاً نظراً لعدد المواقع المضافة فى البرنامج احنا هنخلى فى شريط تمرير علشان الزائر لو فاته اعلان يقدر يرجعه من شريط التمرير.

وأيه تانى دى الفكرة احلوت خالص :: بص يا سيدى ::كمان هنعمل محرك بحث يكون اسفل البرنامج يعنى اللى فاته اعلان أو عايز يبحث عن حاجة بس فى الدليل فقط يستطيع بكل سهولة ويسر.

ملاحظة ( اللى هيتحرك فى البرنامج هو بنرات صغيرة وليس كلام مثل اشرطة الاهدائات.


هذه هى فكرتى وعندى ليها دراسة جدوى كامله ممكن اعرضها عليكم بس الاول نتفق , اه نتفق.

نتفق على ايه؟

1- الموقع ده هيفيد المواقع العربية فى الاشهار لهم والاعلان ,

فعلشان كده انا عرضة عليكم الفكرة دى واحب انفذها معاكم .

من يريد ان ينفذها معنا.

اللى عايز يشترك معانا ممكن بيقول هو ممكن يساعدنا فى ايه .

واللى عنده طرق تطوير للفكرة ممكن يطرحها علينا.

واى اسفسار انا موجود.

نبدأ بسم الله


اسمى عبد الرحمن احمد
البلد : مصر .
ازاى تقدر تفيدنا فى المشروع؟

بأذن الله اقدر افيدكم بأنى صاحب الفكرة وعندى باقى الخدمات اللى هنقدمها مع المشروع. (خدمات جديدة)

هل عندك فكرة نطور بيها مشروعنا ؟
ايوه طبعاً ما انا قلتلك هذه خدمة واحدة فقط ممكن نقدمها للممواقع ولكن عندى خدمة اخرى اتكلم عنها بعد ما اشوف اراء الاعضاء.

ولكم منى افضل تحية والسلام عليكم ورحمة الله وبركاته.

يا الله 20 واحد شاهد الموضوع ومحدش رد او استفسر عن اى حاجة حتى,

خلاص انا هقول ايه امطلوب بالضبط

الطلوب
1- استضافة( على الاقل 3 جيجا )
2- ودومين(الدومين لمدة 5 سنوات)
3-برمجة الموقع (ودى اهم حاجة)
نتكلم دلوقتى عن البرمجة.
انا عارف ان البرمجة ثمنها غالى شوية على شخص واحد رغم ممكن واحد يتكلف بيها كلها.
علشان كده ممكن يشارك فيها ناس كتير ,يعنى لو شخصين كل واحد منهما دفع 200 ريال فقط والباقى يتقسط لشركة البرمجة.
ده هو الحل اللى عندى , واللى يعرف حل تانى لبرمجة الموقع يتفضل يقوله.
بس مش عايز حد يقرأ ويمشى , ردو بأى شيء علشان اكمل الفكرة .
اوك
يلا منتظركم

اتمنى لك التوفيق ..

شكراً لك

اوانا منتظر الباقى الان يتصفح الموضوع 10 منهم العضو ::الولد الحائر::

يا اخوانى بدلما واحد يكتب بالتوفيق فقط , يكتب معاها رأيه فى الفكرة.

ولكم منى جزيل الشكر

السلام عليكم ورحمة الله وبركاته
الى الان لم اجد شريك
اللى عايز يكون شريك لى يكلمنى على الاميل ده
e3lanco@hotmail.com
ويعرف باقى الفكرة
وكمان مش هيدفع فلوس خالص بس يضمن لى شركة البرمجة تصبر على , وانا عندى الدومين والاستضافة.

ان لم اجد شريك فى خلال ثلاثة ساعات من الان سوف يتم حذف الموضوع .

وشكراً لكم

من أي محافظة أنت بمصر؟

من الصعيد اخى من اسيوط
وعندى شقه فى الجيزه //الهرم // يعنى ممكن اقيم فيها



ومنتظر ردك

الاستاذ hazzoom حضرتك من اسيوط

انا كمان من اسيوط يسعدنى التعرف عليك حتى لو ماكنتش تريد العمل معى .
وانا ضفتك على الاميل

يا اخوانا فين المشرفين اللى هنا يحذفو الموضوع ....أيه اللى بيحصل ده 50 واحد يشاهد الموضوع و10 اشخاص بيقرأو فى الموضوع منذ ساعة زمن. ليه ده انتوا بتحللو فى الفكرة ولا ايه.

‏abdo564899, ‏علي سعيد العادي, ‏مبرمجة, ‏hazzoom, ‏العقل المدبر, ‏meezo, ‏IrIsH

كل ده بيقرأ الموضوع .

والله يا أخوانى انى مش مسامح فى اللى يسرق الفكرة

وحسبنا الله ونعم الوكيل

ما في حد عايز يبقى شريك لى فى المشروع , والله الموقع ده مربح جداً , واللى عايز يبقى شريك لى يكلمنى على

هذا الاميل e3lanco@hotmail.com

مساء الخير استاذى الفاضل

الفكرة مبدأيا جميلة

ولى تعليق واحد عليها ان جلب الصور فى الشريط تثقل صفحات الموقع وبالتالى افضل ان يكون الشريط باسم الموقع مع رابط له

من الممكن ان يكون الدليل عدّة شرائط

مثلا

شريط المواقع الاسلامية
شريط المواقع الاجتماعية والعامة
شريط المواقع التعليمية

وهكذا
وكل موقع يختار الشريط المناسب له


البرمجة كشرائط اراها سهلة
بأن تكون الشرائط مجلوبة من ملف php تتم الاضافة له مباشرة من قبلك بالمسجلين الجدد بعد التأكد من محتوى الموقع

وقد تكون برمجة اكثر تعقيدا ولكنها من المفترض انها اول ما بحثت عنه انت قبل الاستضافة او المساحة وغيرها

أمنياتى لك بكل توفيق
وبايجاد الشريك المناسب


ملاحظة هامة
هذا الموضوع يعتبر بمثابة اثبات لأولويتك بالفكرة ان تم سرقتها وذلك بتاريخ اعتماد الموضوع
لذا من المهم لك الاّ يتم حذفه لاثبات حقوقك


أطيب الأمانى لك

اختى الفاضله نجلاء أحمد :: أشكرك على هذه الاقتراحات .

ومن جهة الاستضافة طبعاً انا بدور على البرمجة لانها الاهم . اما من جهة الاستضافة فهى موجوده.

على فكرة فى واحد هنا من بلدى اسمه الاستاذ حازم ولكن باين عليه مش عاجباه الفكرة.

وشكراً لكم اولاً واخيراً

ايه يا عم مالك زعلان قوي ليه كده هوا لازم كل اللي يشوف الموضوع يشارك في الموضوع أو المشروع وفـ لحظتها!!
والفكره مش جديده ولو كنت خايف عليها قوي مكنتش عرضتها علي الملأ!! عموما أنا بكتب كلامي ده بس بعد ما رديت علي ايميلك. بس يلا اللي حصل حصل!!

السلام عليكم ورحمة الله وبركاته
شكراً لك يا اسيوطى على كلامك, بس انا مش زعلان خالص ولكن انا زعلان على الفكرة دى لحسن ما تتنفذش, وانا مش عايز كل اللى يشوف الموضوع يرد عليه أنا بس ملاحظ ان اللى بيشوف الموضوع بيقعد ساعة يقرأ فيه.
الفكرة دى ما اتعملتش قبل كده ولو تعرف موقع عمل الفكرة دى اعطينى الرابط بتاعه , لانى اعتبر اى شخص يعمل الفكرة دى بعد كتابة الموضوع يبقى سارقها.
انا عرضتها علشان اريد شريك لى ننفذها مع بعض وبعدين انا كتبتها قبل كده فى منتدى ترايدنت بس ما كانتش بالتفصيل للك لم اجد شريك وانا هنا كتبتها بالتفصيل علشان القى شريك لى فيها , ولازم اضمن حقى لذلك (ارجو من الادارة وضع الموضوع فى الارشيف لضمان حقى.)

مش فاهم ماذا تقصد

انت هتفرض علي الناس المده اللي يشاهدوا فيها الموضوع!!

وما أدراك أنه لم يتم تنفيذها!! ولا يحق لك اعتبار من ينفذها سارقا لها!!

ربنا يوفقك :)

انا بقولك والكل شاهد لو تعرف موقع نفذها اعطينى الرابط , ولا انت تريد ان تنفذها , قول ,
. وانا قلت اعتبر اى شخص يعمل الفكرة بعد كتابة الموضوع هيكون سارقها.

على فكرة انت شكلك راح تنفذها , كلامك يدل على ذلك.

أخي الفاضل ليكن كلامك منطقيا كيف ان أي شخص يقوم بتنفيذ الفكره (بعد كتابة الموضوع) يصبح سارقا للفكره!! فقد ذكرت لك في رسالتي اني أعرف شخص يعمل في الدعاية والاعلان ولديه نفس الفكره فهل ستتهمه بسرقة الفكره لو قام بتنفيذها!! أنا لم أقل أنه تم تنفيذ الفكره ولكن قلت لك ان نفس الفكره موجوده عند ناس تاني ليس أكثر!!

نصيحه أخوية: عندما يكون لديك فكرة لا تعرضها في مكان عام :)

معذرة فقد كتبت ردي السابق قبل أن أري هذا الرد ولم أرد تعديله حتي لا تظن شيئا فأنا لا علم كيف تفكر..

لكن صراحة انت انسان عجيب فالفكره الأعجوبه أو المعجزة التي تخاف عليها كل هذالخوف هي عبارة عن "موقع اعلانات".

أنا آسف انت اللي اضطررتني لقول هذا الكلام لكن عموما لا تلقل لا توجد لدي نيه لدخول مجال الاعلانات :)