من انا ؟!! ..... هام للكل
 

السلام عليكم ورحمة الله وبركاته

حبيت اكتب الموضوع ده عشان نتعرف على بعض اكثر بما اننا اخوة لازم نكون اصحاب اكثر

المطلوب منكم هوه تعبئة النموذج التاللي ---------

الاسم : ( الثلاثي )
تاريخ الميلاد : ( يفضل بالميلادي :o )
الجنسية :
الدوله التي تقيم بها :
المهنة :
الموقع :
التخصص : ( كتابه كل تخصص مع نسبة الاحتراف به )
بدايتك في الانترنت :
مواقع تزورها يوميا :

بس ---------------------------


الان ساقوم بتعريف نفسي .. احم احم :D

الاسم : مصعب محمود حسين سليمان خليل ( خماسي يا عم ومين قدك :cool: )
تاريخ الميلاد : 20 - 8 - 1988 ( لسه صغيييير :p )
الجنسية : مصرااااوي ( ام الدنيا ;) )
الدوله التي اقيم بها : الكويت ( بلدي الثااااني )
المهنة : انا كنت مدير شركة ( مايكروكلوووت :eek: ) بس سيبتها لانشغاللي بلعب ( البلي ) مع العيال في الشارع :cool: .............. هههههههه لا لا بهزر .... طبعا واضح من تاريخ ميلادي اني لسه طالب والسنة الجاية ااخر سنة ( ادعوللي )
الموقع : انا اول حاجة خالص كان عندي موقع على لايكوس من سنة تقريبا وبعدين حجزت مساحة ودومين اسمه الفراعنة وبعدين زهقت قمت ناقل على موقع مصرنا ... ودلوقتي اتغير تفكيري خالص من ناحية المواقع وبدات في موقع تطويري بحت اسمه ( حلم التصميم ) وجاري انشاءه حاليا
التخصص : بالنسبة للتصميم :
انا هاوي فوتوشوب واكره حاجة اسمها فلاش او سويش ( معلش يا مصممي الفلاش :rolleyes: ) واقدر اقول اني محترف في الفوتوشوب بنسبة 60% ( اللهم لا حسد :eek: )

بالنسبة للبرمجة :
انا والله ملم بلغه الهتمل ( لانها مش لغه اصلا ) هههههه
ولغتي المفضلللللة واللي انا نفسيييييي اتقنها هي طبعاا PHP وقريبا جدا ان شاء الله هتسمعوا عني كمبرمج بلغه ال PHP وابرمج لكم حاجات حلوة :D اقدر اقول اني مبتدى برمجة بلغة ال PHP ولسه بيبي ( بس استنوني ;) )

بالنسبة للهاردوير والسوفت وير :
انا كنت شغال في محل كمبيوتر ( في الصيف طبعا :o ) واكتسبت ولله الحمد خبره كبيره واقدر اقول اني متقنها بنسبة عاليه

بدايتك في الانترنت : والله انا اول مره اشترك في منتدى كانت من 3 سنين وكان اسمه ( ناعس ) طبعا معرفش عنه ولا حاجة دلوقتي وبعدين تطورت واصبحت مشرف قسم البرامج في منتديات ( حنين ) وبعدين طبعا اشتركت في العديد من المتديات ولكن زهقت منها ( وجع دماااغ قوي المنتديات دي :D ) وبعدين فكرت بانشاء موقع وتعلم التصميم .

مواقع تزورها يوميا : الويب العربي :D - سوالف سوفت ( كزائر ) - جنة العرب - قمة - الحزن - حلم التصميم

-------------------------------------------------------------------

اتمنى اني ما اكنش طولت عليكم وان شاء الله يكون الموضوع مش مكرر وفي انتظار التعرف عليكم اكثر واكثر

والسلام خير ختام

امممم
22 زياره وبدون ولا رد !!
وين الاخوة ؟؟

اهلا يا مصعب .. بالنسبة ليا ..

الاسم : سعد محمد
المواليد : قدك بالظبط :> 1988 :)
البلد : مصر بلد الفراعنه وام الدنيا
الاقامة : الكويت ( خيطان عند الصعايدة :) )
مواقع : عندي ممواقع كتير لكن دلوقتي مطنش لكله وبدور على شغلانه حلوه
المهن : بفهم في التصميم والفلاش وبتاع كله لكن بكرههم في نفس الوقت لكن بموت في برمجه الـ php لاني بحبها اوي
وها افضل اتعلم فيها وتقدروا تقولو عليا مبرمج php 15% بالنسبه لعالم البي اتش بي الواسع لانها لغه غير محدوده وفي نفس الوقت مفتوحه للجميع ومجانا خلاف Asp.Net وحاليا بشتغل مع المعافا نت وعربتله برامج الرسائل بتاعت السي بنل :)

بدايتي في الانترنت : بدايتي في الانترنت كانت على موقع ign.com ولسه لحد دلوقتي بدخله وها افضل ادخله ..
وبالنسبه لي انا هاوي العاب وعاشقها فكنت بدخل على جيمز فور ارب وجيم سبوت وجيم سباي وبعدها اتعلمت على المنتديات واول منتدى اسجل فيه مش فاكره والله لاني ماكنتش اعرف ازاي اشارك اصلا ههههههههههههههههههههه
لكن دلوقتي تطورت وبقيت ادخل جيم ماستر GM-MASTER.COM ومنتداه GM-MASTER.COM/vb
وحاليا انا مشرف على قسم الاكس بوكس .........

مواقع دائما ادخلها : ادبي دوت كوم ( موقعي ) - جيم ماستر - IGN - Gamespot - Gamespy - الويب العربي - سوالف - ترايدنت .....

وشكرا

ونست اقولك اني ليا الشرف اني ارد على موضوعك :)

اهلا بيك
نورت الموضوع وكلامك جميل وسليم اهلا بيك كاخ وصديق عزيز عليا
شكرا على المرور

في انتظار البقية

تشرفنا




:)

اهلا بيك يا حمد
بس ياريت تعرفنا عليك D:

الاسم : ( احمد خالد الحميد )
تاريخ الميلاد : ( اغسطس 22/1988 )
الجنسية : سعودي:)
الدوله التي تقيم بها : امريكا(واشنطن)
المهنة :شركه استضافه للمواقع و تصميم المواقع(al7abeb.net)
الموقع : www.al7abeb.net www.al7abeb.com
التخصص : ( تركيب السكريبتات,تركيب المنتديات, التصميم لكن مو مره لانى ماصار لى سنه و انا اتعلم عليه )
بدايتك في الانترنت : المنتديات و بعدين موقع على لويكس و بعدين موقع الحبيب دوت كوم و بعدين الحبيب دوت نت
مواقع تزورها يوميا : منتديات الويب العربي, منتديات الحبيب :)
اخوكم:
al7abeb :)

الاسم :البدوي عبدالعال السيد
تاريخ الميلاد : اكتوبر 29/1988
الجنسية :سوداني
الدوله التي اقيم بها :كندا
المهنة : طالب
بدايتك في الانترنت : المنتديات و بعدين موقع على لويكس و100web
مواقع دائما ادخلها : منتديات هارليم و منتديات النيلين و روعه و مون

السلام عليكم

والله تشرفنا بمعرفتكم جميعا والظاهر ان احنا كلنا مواليد 1988 !!!
على العموم اشكركم على تواجدكم ويهمني جدا ان تكون اخ وصديق لي قبل ان تكون عميل عندي ( مقتبسة من توقيع احد الاعضاء ... مش فاكر اسمه !! :))

وشكرا