إلحق قضية نصب وكذب واحتيال وتزوير وكل شيء .. هل تصدق بمجرد الاطلاع ؟
 

....






.....
احم احم لا تقلق ليست قضية جديده مجرد عنوان :) ..
انا ثاني مره ادخل واطلع على هذا القسم لكن المره الاولى كانت مرور الكرام المره الثانية تمعنة جيداً في القسم ودخلت أكثر من موضوع وضحكت أكثر من عشر طعشر مره :d

اشوف هناك مواضيع كثيرة وصلت لطريق مغلق اتهامات لمستضيفين بسرقة ونصب وغيرها


من ضمن المواضيع ايضاً قضيت نسب تصميم وانا اشيد بالاعتراف بالخطأ بذالك الموضوع ونتمنى أن تكون جميع المواضيع مثله عند الخطأ ..

وتجد موضوع اخر العميل يسب ويشتم استضافته ثم بعد عدد من الرودو يأتي صاحب الاستضافه ويوضح السبب وتنتهي المشكلة باعتذار وهذا جميل .. لكن بعد ماذا :) ..

من ضمن هذه المواضيع موضوع مضحك من كل الطرفين تخيل شخص يدرس الماجستير والدكتوراه يصغر نفسه لمبلغ تافه يصل الى 21 ريال :d مايرسهم للمستضيف يبدوا أنهم نسوا السبب لكن لأني جربت أكثر من مره انا اقول السبب التحويل الخارجي اذا جيت تحول ياخذون منك رسوم مثلا اذا بتحول 200 ريال يقولك 20 ريال رسم خدمة نفس موظف البنك يخبرك يمكن كانوا بوقت زنقه ومامعهم الا 200 فضلوا ان المستضيف يدفع قيمة الخدمة خخخخخ وكان الموضوع من طفل حسب كلام اقرب الناس له انا متأكد انهم شوهو سمعت المستضيف لان فيه زوار يمرون على الموضوع مره واحد وبحكم ظالم لايستند على ادلة


موضوعي كان بهذا العنوان :
إلحق قضية نصب وكذب واحتيال وتزوير وكل شيء .. هل تصدق بمجرد الاطلاع ؟
اردت ان اوضح عدة امور لأخي الزائر أو العضو

تأكد أن
لايوجد شخص كامل على وجه الارض
وارضاء الناس غاية لاتدرك
وأنه لايملء عين ابن آدم الا التراب
بعد هذا اطلع على المواضيع بعقلك ليس بعواطفك

ثق ثقة تامة أن هناك أشخاص يريدون تشويه صورة الاستضافة أو المصمم بأي طريقة حتى لو دفع مبلغ من المال المهم عنده يشوه صورته كي يفتح الساحة له واستطيع أن اسميهم اعداء النجاح في الاتجاه المعاكس هناك مستضيفين ومصممين هدفهم الاول الربح بأي طريقه كانت المهم جني المال

عند اطلاعك على الموضوع لاتصدق اي شخص من الطرفين الا بوجود دليل قاطع فالكلام لايسمن ولا يغني من جوع

هذه كانت نصائحي للاخوان ارجوا قبولها

استاذي الكريم انا لاحظت ان بعض شركات الاستضافه بمجرد ماتكلمهم يعطونك الكلام المعسول وانا هنا اقول ليس كل مواقع
الاستضافه انما البعض منها

وبمجرد ماتحول له الفلوس تحصله ينقلب عليك بسرعه البرق يكلمك من ورى خشمه وتقول انك تبي تشحذه فلوس

وللاسف انا جربت شركتين تعتبر من الكبار وكان الكلام نفس الطريقة برود في التعامل واذا نزلت عليه شكوى قال وش تبيني اسويلك انا عندي اكثر من عميل يكلموني طيب وانا

موقعي اغلق يوم من الايام وجلس اكثرر من يومين وسألت صاحب الاستضافه ليش وين الدعم قال والله كنت مسافر

طيب وانا وش دخلني تسافر اهم شي دعم عندي الدعوه يا اخوان اخلاق في التعامل صاحب الموقع ممكن يدفع فلوس بس

يبي يحصل دعم فني راقي وتعامل مجدي مع زبائنك

ششركات الاستضافه كثرت الحين وصارت مشاء الله

عمومآ الله يكون في العون

أخ عربى
كلامك رزين جدا وأعجبنى
وارجو فعلا عدم التصديق إلا بالدليل القاطع

اخي mulhm
فعلاً شركات الاستضافه لايعمل بها الا شخص واحد"المالك" وتجد يخبرك أن الدعم الفني 24 ساعه ومن هالكلام واذا جاء الجد تجده ساعتين في اليوم ايام الاجازات غير موجود ويغيب مدة طزويله لأي سبب سفر اختبارات ويترك المستضيفين على نار
ومن هنا أنصح اي واحد بيفتح استضافه انه يحدد اسخاص لدعم الفني اثنين ثلاثه يكونو متواجدين بالتناوب

وبصراحة اي واحد يبي يستضيف أنصحه بالشركات الكبيرة والمعروفة لاتغره الاسعار

اخوي آكت نت ارجوا ان لايصدق احد الا بوجود دليل قطعي


كنت اتمنى ان الموضوع يبقى مكانه الاصلي لكن الادراه راسها يابس خخخخخخخ

أكثر الشباب ما يطرح موضوع الا وهو غاسل إيده وتلقاه نقل موقعه وتأكد ان كل شيء تمام وجاك منطلق يلعن ابو جد الشركه واصحابها بدافع الانتقام مو أكثر ولا يبي لا حلول ولا نيله :)


واذا يبي يسوي أخلاق قال تحذير من الشركه الفلانيه عشان خايف عليكم ما تطيحون مثلي :) على مين يامرسي

بصراحه استغرب بعض المشاكل تحس ان فيه ناس تستعجل كثير في التعاقد مع شركه استضافه او تصميم بدون ما يسأل او على الاقل يتابع مواضيعهم في الويب العربي ومن كتاباتهم يقدر يعرف هذي شركه كويسه وناس فاهمين او لا احيانا من مجرد عرض لسعر بسيط تلقاه يتسرع ويشترك

الخبره لها دور اغلب ضحايا النصب يكونون جدد على النت والمواقع واغلب المشاكل تصير من اجار التشات لان فيه دردشه بكراك يعني غير قانونيه تشتغل فتره بسيطه وتوقف .

والكارثه ان الغالبيه ما يطلب لوحة تحكم خاصة بالدومين ما يدري انو الدومين هذا مثل إسمه تخيل واحد يعطي اسمه لشخص ثاني ويصير بدون اسم :)
احيانا يجيني طلبات من بعض الاصدقاء يبي دومين واستضافه ويمر سنين مايدري عن دومينه رغم اني اول شيء اعطيه اياه لوحة الدومين عشان افتك من مسؤليته وتلاقيه مو مهتم ولا كأني قايل له محاضره وش كبرها عن اهميه الدومين ولوحة التحكم الخاصه فيه فتره ويجيني بابتسامه جدد دوميني :) طيب معك الباسورد اللي عطيتك ؟؟ لا ضاع :) !!

معليش طولت عليكم وكتبت بالعاميه :)

شكرا ياعربي على الموضوع بس عناوين مثيره زي كذا مالامها داعي ;)

الله يعين اخواني صدقتو في كل كلمه
كل يوم تشوف شيء جديد وتستغرب منها
واحد ينرسل له معلومات الدومين من الشركه الامريكيه
يوصله االدوميه على رساله انجليزيه مسكين مايدري وش معناه مايفكر يفتحها من الاساس من يوم يشوفها الا ويحطها في سلة المحدوفات
طيب انت تدري اهمية الرسائل
يقول لا انا ما افهم انجليزي ليه يرسلون لي بالانجليزي :)
بخصوص الشكاوي تلقى واحد مشكلتة في جهازه او اتصاله مايخلي منتدى الا ويكتب شوفو الشركه الفلانيه مقفله موقعي ويكثر من الملح والبهارات ويقول دافع لهم قبل يومين والحين يطالبوني ب 1000 ريال
:) هل بالفعل طالبك !!!!! لا بس اكيد وقف موقعي يبي فلوس :)

تفسير على السريع
طيب هل راسلت الدعم الفني تبعهم واش كان ردهم لك
يرد عليك ويقول الدعم الفني تبعهم نظام التذاكر اكيد ماراح يردون علي الا بعد يومين
طيب جربتهم يقول لا بس حاسس
ههههههه
ماضيعنا غير الاحساس
شيء عجيب
الله يصلح حال المسلمين

اخوي الراسم عذرآ بس اعتقد لكم نصيب من هذي المسأله صحيح انتم شركة كبيره ونار على علم واكل يمدحكم

ويعلم الله لم اجد شخص يذم فيكم وهذا يرجع على تعاملك الطيب مع العملاء

بس عندي سؤال بسيط الرسلت لكم اكثر من 10 رسائل على موقعكم ويعلم الله مافيه واحد فيكم

حتى في التصاميم سألتكم اكثر من مره وفي الاستضافه ايضآ ولا حياة لمن تنادي ما ادري يمكن نموذج اتصل بنا في مشكله :)

وكنت بسألك عن هذا الامر والحمد لله جت الفرصه وسألتك تحياتي لك

مسكين هالعميل حطيتو بلاوي الدنيا كلها فوق راسه:)
انا اعتقد الخطاء مو من العميل وله من المستظيف
الخطاء يكون دارج بين الاثنين
احيانا يكونون العملاء ماعندهم ضمير ويقومون ويشوهون سمعة الشركه بكل المنتديات والمقالات
وايضا كذلك يكون المستظيف كذلك ماعنده ضمير بس يستلم المبلغ وخلاص كأنه اخلا مسؤوليته عن الموقع والعميل ويطنش ومش عارف ايه ويستغل ظرفه الصعب ويقدم لي عروض بحجة انه يقدر يسوي كل شي اذا ماعجبه العميل .........
طبعا انا مااقول الكل جذي لا البعض وللاسف بالاونه الاخيره كثرت هالظواهر

بالاخير احب اقول

للحم الحلال طيب

على قولة اخوانه المصريين:)

اهلا رس رس
كلامك جميل خصوصا النقطه الاولى الي يكتب بدافع الانتقام هذا لا اايده طالما ان المشكله انتهت ونقل قشه لستضافه ثانية
اماعنوان الموضوع اسف المره الجايه نخففه شوي :)
شكرا لمروك الكريم يارس رس
_(_(_(_(_(_(_(_(_(_
هلا اخلاص ابعد
الي مايفهم بالانكليزي يخلي المستضيف يسدير الدومين حقه ولا احسن شيء لايتعب نفسه وياخذ مساحة ويسوي موقع نهايته للهاويه :)
الهدوء والصبر امر ضروري في كل الاحيان
_(_(_(_(_(_(_(_(_(_
هلا uwLw7i
شطحت عن الموصوع ياخوي بس حياك الله
_(_(_(_(_(_(_(_(_(_
هلا unitehost
انا ماحطيت حيلي على العميل بس :)
لكن غالباً تكون المشكله من العميل بسبب التسرع أو الجهل في بعض الامور الخ والمستضيف له دور من المفروض انه يحل الامور خصوصاُ للعملاء الي يشوف انهم بالعربي " دروج" مايدرون وش القصه يخلص مشاكلهم اول باول

صدقت اخوي
وانا ولله الحمد محد ضحك علي ولكن اي واحد بس يجرب يشوف ايديني بسماعت الكمبيوتر طالعه تسطرههههههه