|
تصميم مدفوع الاجر ب600ريال سوف يتم طرحة مجانى بعد رأيكم فى الامر ومشورتكم
السلام عليكم ورحمة الله وبركاتة  كيف حالكم اخواني الكرام يسر إدارة أول ستايل ان تتقدم بأخر اعمالها والذي من الممكن طرحه مجاناً للأسف لان العميل اخل بوعده مع الشركة فلم يحول بقية قيمة التصميم وكذلك ازال اسمنا ورابط موقعنا من اسفل التصميم وهو ما تنص عليه اتفاية التصميم بموقعنا بند رقم 7 ومن هذا البند يحق لاول ستايل انزال التصميم مجاناً ولكن ابينا ان نفعل قبل اخذ مشورتكم هل نحن مخطؤن ام لا؟ http://www.awlstyle.com/user-n التصميم هو منتديات مروج http://www.moroog.com/vb/?styleid=25 ولمن يريد معرفة كيف اهننا العميل وكيف هددنا وكيف وكيف وكيف يزور هذا الرابط به صور محادات العميل معنا وشتيمته لنا http://www.awlstyle.com/mo.htm وانتظر رأيكم بكل أمانة ولو حدث هذا الامر معك ماذا ستفعل |
السلام عليكم
انا مشعل المحلاوي صاحب موقع مروج الاحبة وصاحب تصميم الاستايل اللى دا يقول هوا سواه ------------------ سمعتو كلامو دحين اسمعو كلامي مع العلم انو ما يهمني حكم احد انا ما جيت ابغى مناصفة من احد بس انا جا اسمي بالموضوع وجا بصورة اني نصاب من واحد هوا اصل ومنشئ النصب فحبيت بس ابين الوضع وبالنسبة للاستايل من قبل لا اتكلم انا اقولك نزلو مجاني انا ما يهمني ------- طيب راح ابداء بس لاحد ينام كان يا مكان في قديم الزمان وسالف العصر والاوان وقبل تقريبا سنة من الان كان في واحد جالس على النت وجاتو اضافة من واحد اسمو مشعل المحلاوي من المدينة المنورة صاحب موقع مروج الاحبة طلب مشعل منو استايل ويمين ويسار ودار ما دار بين الطرفين وما تم الاتفاق بسبب السعر وبعد تسع او عشر شهور جاء دا الواحد كلم مشعل على الماسنجر وهوا عرض عليه انو يعملو استايل مشعل قلو انا ماعندي فلوس متوفرة والاسعار عندك غالية وانا لزم اعمل استايل عشان الموقع كل سنة بعمل واحد احترافي ودار مادار بين الطرفين من الكلام بعد فترة ممكن اسبوع مشعل كلم الشخص وقلو انا عندي التصميم والصور وكل شي بس عليك اللمسات الفنية وتعمل الملف وتم الاتفاق على 200 ريال فقط واستلم الفلوس بعد فترة عرض عليا واجهه بس بطريقة نصب مؤجله في البداية قلي هعملك واعملك ومش عارف اية وخلالي البحر طحينة وبعدها جاني وقلي انا عاملك مفاجئة وهدية واللى هيا واجهه بنفس صور الاستايل اللى انا صممتو قلتو متشكر واذا ناسبني انا اعطيك حقو وطبعا ساق النصب والمتخفي بالشهامه ولاء ومش عارف اية و حبة حبة يسحب كلامو الى ان اصبحت الهدية عرض للبيع واتفقنا على 200 ريال للواجهه وكدا سار 200 ريال استايل و200 ريال واجهه بعد ما استلمت الاستايل وطبعا ما استلمت الواجهه حصل بعض الاختلاف وعدلت عليه اشياء وقلت له عليها جا يقولي الكمبيوتر حصل فيه فايروس ومش عارف اية بص حضرتك انا معنديش قام يلف ويدور عشان لا يعدل في الاستايل انا ركبت الاستايل وعدلت اللى ابغى اعدل واطنشتو وطبعا لقيت اسمو على الاستايل وشلتو لانو انا اللى عامل الاستايل هوا كان عليه بعض التعديلات لو واحد فيكم ركب استايل وطلع فية مشكلة وراح لاي موقع دعم وطلب منهم تعديل واصلاح عمرهم ماراح يحطوه باسمهم فكيف دا يقول تصميمه وغير كدا جاي موقعي واشترك بعضوية وقام يقول دا حرامي ودا مش عارف اية واسلوب بزارين وعاملي فضيحة في كل موقع ولمااختلفنا على وضع اسمو قلي راح انزل الاستايل مجاني ومشعارف اية قلتلو انت تقول الملف خرب وفايروس وهرجة ودرجة قلي لاء اصلي خلاص انا صلحتو ورجعت الملفات شوفو النصب كيف قلتلو روح نزلو ما يهمني وتوته توته خلصة الحدوته ------------- ملاحظات : *الاستايل من تصميمي ويسعدني انو يكون مجاني والكل يركبو في موقعه والله انبسط لما اشوف اعمالي الكل يركبها عندو دا نجاح ليا * المحادثة اللى مصورها بيني وبينه حدثت بس الكلام اللى من طرفي اول مرة اشوفو ومو صعبة التعديل في الكلام انا اقدر دحين اعملكم محادثة واقول شوفو ايش قلي اسهل منها مافي ودا مو اثبات * وكمان انا عندي وصل الحواله كان اقدر العب فيها زي ما لعبت في المحادثة واصورها واقول اني رسلت لك المبلغ كامل * اذا انت تقول الاستيل حقك اوكي خد الاستيل واديني الـ 200 ريال وانااركبو لما تنزلو مجاني * لما تنزلو مجاني قلي على المواقع والله لاجي واقولك انو روعه وتصميمك يجنن واخلي اللى ماعندو موقع يتمنى يكون عندو موقع عشان يركب الاستايل دا * يا انت انا 200 ريال دي اصرفها كل اسبوعين في اكل الحيوان حقي ( البسة - القطوة - الهره - ) يعني ما شلت همها * لو الـ 200 مو هامتك على قولك ما كان سويت حفلة في الماسنجر تقول الله يعوضني وفي الموقع تقول الله يعوضني وتقوم تعمل هوليلة وفي كل موقع منزل الموضوع وبرضو بقولك نزلو مجاني مو مشكلة والفلوس حقتي اناراح اعتبرها زكاة او صدقة مني لك لان الزكاة والصدقات حلال على امثالك ومبروك عليكم الاستايل بمناسبة مرور 3 سنوات على مروج الاحبه ليليليليليليليليليييييي |
يا ريت من الادارة
بعد ما شافت كلامي وكلام الاخ دا تحذف الموضوع لانو يسئ ليا ان كشخص قبل لا يسئ لموقعي وما اضن دي سياسة الموقع في اسائة للاخرين اذا كان الشخص دا يبغي يعرض منتج يعرضو بعيد عن سمعة الاخرين |
خخخخخخخخخ مشعل الحين عنده 2000 ريال فى حسابه بتوووعى و بحوش عنده ساعات لـ 3 و يحولهم لى مرة واحده هتفرق معاه 200 ريال ههههه الله يرجك يا شيخ اضحكتنى |
| جميع الأوقات بتوقيت مكة المكرمة. الساعة الآن » 06:14 PM. |
Powered by vBulletin
Copyright ©2000 - 2025, Jelsoft Enterprises Ltd.
Copyright © ArabWebTalk.Com 2004-2012