هذا الفلم القصير يحكي معاناة الشعب البحريني. ولا تعليق لدي
 

معاناة الشعب البحريني..مقطع فيديو

للتحميل من هنــا حفظ الهدف بأسم

ممتاز على الشعب البحريني.

شقصدك أخوي؟؟

مساء الخير والإحساس والطيبة
 

والله ياخوي على المقطع إلي قلتاه.

يعني عاجبك الوضع كذا؟؟ ولا قصدك يستاهلون؟؟ ولا فرحان إنهم يتعذبون كذا؟

تبي الصراحة ......
تراهم يستاهلون ........
والله يخليك أبغى نسخة منه.....

ليش يستاهلون؟ شنو سووا فيك؟

بس والله أنا ما شفت المقطع.

ليش يعني تقول يستاهلون و إنت ما شفت المقطع؟؟
هاك هاي وصلة: www.hoax-box.com/anwar/poor.wmv
user: al-anwar
pass: al-anwar

هلا فيك اخوي Wael_R

حقيقه صدقني مو بس في البحرين والله

في كل الدول

بس عيونا لو تدور وتبي تشوف بتلقى بس ما تبي تشوف

والله مثل هالصغار لا تعليم ولا شي وياليته لاقي رزق يسوي له شي بحياته

الله يفرجها على كل المكروبين يارب

ولا حول ولا قوة الا بالله

تحياتي لك

لا حول ولا قوة الا بالله

فعلاً فيه منهم الكثير في البحرين

وحتى ساعات ايجوني اطفال وانا اركن سيارتي في الباركات و يقولون بنغسل سيارتك او تحصل واحد يبيع ماي في وسط الشمس

تحياتي

صح كلامك أبو سارة، أدري إنك بحريني و من عراد، و إسمك على إسمي، بس ما أدري وش فيه يقول يستاهلون.. إتشوف هاي اللي فيه نقص في صبغة جسمه يقعد عند إشارات السيف أو عند الدوار ( قبل ما يعدلون) و يبيع ماي..

صح كلامك أبو سارة، أدري إنك بحريني و من عراد، و إسمك على إسمي، بس ما أدري وش فيه يقول يستاهلون.. إتشوف هاي اللي فيه نقص في صبغة جسمه يقعد عند إشارات السيف أو عند الدوار ( قبل ما يعدلون) و يبيع ماي.. و كلامك صحيح أخوي قايد الريم، تدرس ولي العهد الشيخ سلمان أعتقد دخل على ما اعتقد قرية إسمها المقشع، و قال ما أصدق إنه هاي الناس في البحرين، دخل القرية و شاف ناس قاعدين على الأرض و الحالة مأساوية، و بعدها أمر يبنون لهم بيوت، و في وايد قرى فيها أكثر و أكثر، بس ما ندري شنسوي..

ياخوي أنا قد سمعت منه .....
بس ماسمعته كله.....

للأخوة من خارج البحرين ، إسألوا عن قرية الدراز ، إن دخلتموها لن تصدقوا انها في دولة نفطية .. :)

أخوي السريع أي الدراز، شوف مناطق ثانية، منها المرخ و المقشع و القدم و سترة و النويدرات، و كل هاي الأماكن..

يــ اخون البحرين ديرتي الثاني وكلناا اخوان وديره وحده

ولي يصير في البحرين مانضرااء فيه بس الشكوي الله

ولي بس شايف البحرين ... يروح يشوف جنوب السعوديه ويحكم صح !


والبحرين احسن ..

والله يديم النعمه ويديم العز لي حنى فيه

وكنت اعتقد أنتكم اكبر من السوالف هاذي كلها !

لو اشوف الفلم اقول الله يرزقهم ويرزقنا والله يرحمهم ويرحمنا

كلنا تحت رحمه وحده


ولكم جزيل الشكر

صح كلامك أخوي هواك، لكن ما قط سمعت أي شي عن جنوب السعودية، ممكن تقولي عنهم؟؟

اولا كل عام وانتم بالف خير جميعا ً

وانشالله عيد سعيد لينا وليكم ولكل اسركم الكريمه يارب

ولي تعليق بسيط على رد اخونا الفاضل مع احترام وجهة نظره رغم اني معارض لها بغض النظر عن كونها تخص شعب خليجي وعربي ومسلم .

قبل كل شي احنا مسلمين وربنا كرمنا بالاسلام

دين التسامح والالفه والمحبه والاخوه

انا مو بموقف افند فيه تعاليم ديننا الحنيف لكن بصراحة لمن شفت الفلم وربي دمعت عيني
لكن عزائنا الوحيد انه الدنيا لسى بخير واكيد ولاة الامر في البحرين وكمان اهل الخير مستحيل يرضو بشي من هاذا القبيل .

واقلكم الشي ذا من واقع تجربه لانه عندنا كمان في السعوديه فيه بعض الاسر تعاني نفس المشكله لكن القليل مننا هوا اللي يعرف بمعاناة هذه الفئه من البشر . رغم اني ما اعتقد انه ممكن توصل المعاناه للمستوى اللي شفته بالفلم لكن ولله الحمد ولاة الامر واهل الخير ما يقصرو في خدمة اخوانهم المسلمين في مكان بالعالم .

والدليل الحمله الاخيره اللي صارت لمساعدة ضحايا السونامي واللي كانت مواقف الافراد قبل الحكومات مشرفه ولله الحمد وتدل انه اهل الخير لسى موجودين والكل بيتسابق لفعل الخير .

المهم والاهم ما بحب اطول عليكم لكن بصراحة احزني اللي شفته وبالفعل شي يقهر لكن ندعو الله العلي العظيم ان يفرج كربة كل مسلم .

واسف على الاطاله .

محب الجميع اخوكم ابوهاني

مشكور أبو هاني على التكرم بالرد، لكن اللي مخليني أنقهر إنه الرجال يقول إنهم يستاهلون و هو حتى ما شاف الفلم، شي يبط الجبد، قهرني و هو يقول إنهم يستاهلون، بس لكن ما عليه الله كريم، و الله ما يضرب بعصا..