طلب موقع متخصص مصري
 

السلام عليكم ورحمة الله وبركاته

أولا اشكر الاخ lα яøjα لانه سمح ليا بانى استخدم عضويته فى طلبي لاني للاسف معنديش عضوية

انا عايز موقع بمواصفات خاصة جدا ياريت يا جماعة احترام طلبي علشان الموضوع ميخرجش عن مساره و يطول بكلام موفق بالتوفيق او اى عرض تانى خارجي لانى هابلغ الادارة وياريت الادارة تحافظ على موضوعي من التشويه و الخروج عن مساره وهو طلب شراء موقع بس مش طلب دعوة او عروض خارجية

الموقع مواصفاته انه يكون متخصص وليس عام وياريت ميكونش متخصص فى البرامج لاني مش من هواة البرامج و يكون له ربحه الشهري بين 1000 جنيه ل 3000 جنيه شهريا لا اكبر ولا اقل بعيد عن الادسنس لانه الادسنس فى المواقع العربية ضعيف جدا ويكون له زوار وزيارات نشيط بمعنى اصح ميكونش زى مابنقول فى مصر بيهش وينش و يكون له شهرة و ارشفته سريعة فى محركات البحث وياريت يكون له سمعة كويسة و ياريت ميكونش جديد

اللى يحط عرضه يا جماعة الله يرضى عليكم يحط عرضه كامل الاتفاق هنا مش هاضيف حد قبل ماتفق معاه هنا ويكون زى ماقلت العرض كامل يعنى يرد ويكتب
- رابط الموقع
- البيج رانك
- معدل الارشفة
- الدخل الشهري ( ويديني ضمان انه فعلا له دخل شهرى وانه مضمون شهريا يعنى ميجيش بعد ماشترى الموقع الشهر الجديد يهل ومشفش حاجة )
- عمر موقعه
- نوع استضافته
- سعره اللى طالبه
- ازاى هاتواصل معاك

بالله عليكم بالله عليكم بالله عليكم الطلب واضح جدا ياريت امور الاطفال زي واحد خليجي مع احترامى لكل الاخوة العرب يحط عرضه طيب معلش سؤال انا هاضمنك منين ؟ برمي فلوسى فى الارض مثلا ؟

جزاكم الله خيرا

بالتوفيـــــــق