عروض وخدمات وهميه ودعم وهمي وعدم التزام
 

السلام عليكم ورحمة الله وبركاته

ان سمعة هالموقع بدأت بالانحدار .. لقد مررت بتجارب كثيره من خلال اعلان هالشركات الوهميه في هالمنتدى من دعم وتصميم لمجلة أنفينيتي , في البدايه يقولك انت تامر واللي تبيه نسويه وبأسرع وقت ودعم متواصل 24 ساعه لا ويقولك انه يدير 150 موقع وعميل وان عنده هالوقت عشان يكون معاك ومعا غيرك .. ( يا ناس بالعقل شركه ودعم فني ومبيعات وفي الاخير يديرها شخص واحد .. حدث العاقل بما يعقل ) ما ابي اشهر في الشركات من دون وجهه حق لكن تجربتي ولاز اعرضها لكي يتعض اللي يفكر يتعامل معهم ويشوف كيف تعاملهم مع العملاء ..
شركات وهم في الغالب لا يتعدو كونهم أشخاص يتسترون ورا اسامي شركات يجب التشهير بهم لكي ياخذ البعض حذرهم منهم :

1-اولها شركة جيل الويب ( حمود يقول انه يدير ويعمل على أدارة سيرفرات الوئام وهو لا حوله ولا حواليه .. رسيلر لا راح ولا جا .. ويقولك عنده موظفين ويدفع لهم رواتب (الله واكبر ثرك بيل غيتس وانا مدري عنك )!!!!!! ولكن تم سحب المبلغ المحول له يوم شفته يلعب بذيله .

2- حاتم عبدالله ( من البدايه تعهد بما تعهد غيره من دعم ومتابعه واستضافه ومن الى آخره ... وتم تحويل المبلغ له 1500 تصميم ودعم + 500 تطوير ) وبعد ما استلم المبلغ .. لقيته بايع الشركه اللي هو يدعي انها يمتلكها لواحد مصري ثاني يوم بالتحديد ... ( عيب عليك والله يا حاتم .. يا هل الشمال .. نصب وتقولي ثاني يوم مسافر كندا !!!
ولين اليوم ما رجعت المبالغ . ( يعني نصب واحتيال .. )

3- العمري ... ابو 150 عميل ... وهو يقدم لهم الدعم والمتابعه والتطوير لحاله ( والله لو هو مكيف جنرال كان انفجر الغاز اللي فيه ).. لم اقدم له ولا فلس واحد وتم الاتفاق على هالشي من البدايه... واشتغل مره وحده قبل العيد ... ومن عقبها وينك يا العمري ... فص ملح وذاب ..

أقول بعد كل هالقصه يا خسارة الاتصالات والمبالغ اللي تم تحويلها لأناس ما يتقون الله في انفسهم ويأكلون أموال الناس بالباطل والزور ... وخاصة هذا اللي يوم تتصل له حاط لك دعاء .. اتحذر منه

يالغلا ,,,,

من ناحية النصب حدث ولا حرج .....

انا مثلك قبل مريت بعمليات نصب ...

بس بالاخير استفدت من تجربتي بعدها خلاص صارت كل تعاملات مع الشركات الرسميه ذات السجل التجاري ..

اشتري راحت بالك ولا تتعامل الا مع مؤسسه رسيمه ذات سجل تجاري ...


أخووك مملوح

أنا ماني معك في هالنقطة لإني مجرب هالشركات اللي تقول رسميه وسجل تجاري انا تجرعت المر من شركة تعتبر من اكبر شركات الخليج العربي إن لم تكن العالم العربي ومستضيفه موقع اغني رجل في الخليج ومن اغنى رجال العالم ومع ذلك يقول لك انا عندي دعم فني ومدري ايش واخرتها يدير شركته من بيته لاتعليق واذا جيت بتشكيه الرجال يرد عليك من خشمة الظاهر انه مسنود سند . يعني تعجز تاخذ حقك منه ولا انسى نصبه علي في سكربت يدعي انه مبرمجة وطلع سكربت اجنبي معربه ونازع الحقوق ويوم جيت اقول حل لي المشكلة اللي فيه يقول في الترقيه الجايه سلم لي على الطبيش طلع من جنبها ابو الشباب لا ويقول شركة تدير اكثر من 3000 موقع هههههههههه ضحكتني ياشيخ .... ما اقول الا حسبي الله عليه ونعم الوكيل الله لايوفقه دنيا واخره ولا يبيحة اذا كان ضارني ..

الاحول ولاقوة الا بالله

اخوي وفيهم العكس


النصب بكل مكان وكل ساعه ودقيقه


الله لايوفق كل ظالم لادنيا ولا اخره




كلها بذمته

اخوي انا معاك صح في كل الكلام الي قلته خاصه وان احد الاسماء الي كتبتها تعاملت معاه وسوى فيه نفس الشي قبل التحويل طيب و كرم وبعد التحويل خبث ولوئم.


اخوي الحل هو تبادل الخبرات بين اصحاب المواقع الي يعرف يعلم الي مايعرف او يخدمه ويسوي له بلاش

وانا راح ابداء اي بلوك تبغي تركبه بسويه لك بلاش مقابل دعوه فقط

اسمح لي مدير الشركه بالتحدث بالنيابه عنك

يا اخي الغالي اولا حسن الفاظك فشركة جيل الويب لها سمعتها ولها عملائها فهي شركه محترمه

اما بالنسبه للاخ حاتم عبدالله فهو شخص ايضا له مكانته هنا ولا يهزل الجبل ريح لان الاخ حاتم من خيرت الشباب الي هنا واما اعتقد الاخ حاتم يعمل هذا الكلام الي جالس تقوله ولو كنت صادق اين الادله

لا اريد التعليق على كلامك فيدل على شخصيتك وعقليتك الصغيره

وانا هنا على اتم الاستعداد ان اعطيك عميل عميل وكل عميل له رابط لموقعه + رقم الاتصال الخاص به لولا الخصوصيه واحمد الله سبحانه اني ما اخذت منك ولا ريال وثاني شي الناس في العشر الاواخر او ايام العيد مو فاضيه لك وانا قبل الاتفاق خبرتك وقلت لك لن استلم اي مبلغ حتى انتهي وانا بالوقت الحالي منشغل واخبرتك برساله جوال في تمام الساعه 3 فجرا يوم 27 من رمضان تفيدك باني لا اريد العمل بموقعك فاكثرت علي برسائل الترجي والاعتذار والرساله لازالت موجوده لدي


لكن اعذرني اخي فالناس الي امثالك ما يستاهلو ان احد يخدمهم ان كان بمقابل او غيره فالرجاء الرجاء الرجاء احترام نفسك واحترام الشباب زملائي صاحب شركو جيل الويب والاخ حاتم عبدالله وكل الشباب الي هنا والا والله غير تشوف شي ما يسرك وقد اعذر من انذر

السلام عليكم

الحمدلله على نعمة العقل ... وكلكم بدون استثناء وبالبنط العريض وانا اتحمل كل كلمه اكتبها وسوف احاسب عليها يوم القيامه ) انكم شلة - على بابا واربعين ريسيلر وسلم لي على 150 عميل يا العميري ....
اكتفي بهذا القدر من الحديث ...

* نسخه للوارد
* نسخه لصندوق التأمينات الاجتماعيه
* نسخه لهيئة الامر المعروف والنهي عن المنكر
* نسخه لشركة المراعي

يعني انت مالك نيه تحترم نفسك لكن خذها مني من الان تحمل الي يجيك

تعوذوا من بليس يالربع وش فيكم كذا ؟

اقول مافيه احد بس يضبط لي مجلة الانفنتي هههههه

طفشتني لي يومين بضبطها ماعرفت

خساره ومنت كفو عشان اظغط على كلمة اقتباس من مشاركتك يا ( الحبيب ) ترى يمدحون حليب السعوديه بعد العيد وافهم يا فهيم. وكل غشيم يتعلم

الدار

لاهنت اعملي اضافه

أخوك يبي منك كم نصيحه


وسلملي على حليب السعوديه



يا باشا

اوك تتريق وخذ راحتك لكن برفع علومي عنك ولا ابي اضرك يعلم الله

ياجماعه هذا الكلام لايليق بكم وانتم رجال وفيكم خير

عيب والله هذا الهواش وهذا الكلام كله والله

اذا فيه احد نصاب لاقدر الله راح يلقى حسابه عند رب العالمين

وصحيح كثيرين النصابين ولكن ربهم فوق وهم يعرفون الصح والغلط والحلال والحرام

والله يجنبنا اكل الحرام يارب


اتمنى ماتتناقشون مره ثانيه بهواش ومشاكل

الله يعين الجميع

تمت الاضافة اخي الكريم

الدار

رساله على الهوت ميل قلي انا الدار


الله لا يهينك




وشكرا