الوب العربي والماسنجرات
 

السلام عليكم

تصفح الويب العربي وشوف موضوعات الطلب والعرض الموجوده راح تلاحظ ان اي عضو يطلب خدمه تلاقي العروض كلها او خلونا نقول أغلبها بدون أسعار والاغلبية يخش عرض بعبارات مثل :

تعال ماسنجر نتفاهم

ضيفني ومالك الا طيبة الخاطر

تعال ماسنجر وابشر بعزك

ماسنجري في التوقيع

ضيفني ومالك هم

اذا فيك خير ضيفني خخخخخخ لا عاد مو لهالدرجه

فكرت في الموضوع لقيت اني ما استعمل الماسنجر نهائياً في العمل :eek:
قلت لا يكون انا متأخر عن العالم :confused:

المفترض عضو طلب خدمه اي خدمه استضافة او سيرفر او برمجه او تصميم اي واحد يلقى عنده استطاعه يقدمها له يحط العرض حقه والسعر بخط كبير بعد وش المشكلة ؟؟؟؟
وحط بريدك او ماسنجرك ورابط طلب الخدمه او الموقع هذا الطبيعي

ليش مانشوف اسعار ؟
وبلاش ماسنجرات لحالها لان انا اتوقع ان البعض يبي ماسنجر عشان يستفرد بالعميل ويبدا يعرض عليه شغلات غير اللي هو طالبها لانه في الاصل ما عنده استعداد او مايقدر يعمل اللي طلبه العضو في الويب العربي فيقول خلني اعرض عليه كم شغله يمكن تعجبه :cool:

ياليت نناقش هالموضوع ونشوف لنا حل يمكن احد يقول بيع على بيع اخيك واعتقد مو صحيح لان الوضع مختلف هنا تقدر تقول مزاد او مناقصات كل واحد يحط سعره والعميل يختار واكيد كل واحد بيحط السعر اللي يشوف انه مناسب له سواء غالي او رخيص سوق حره :p


دا رأيي في الأضيه يعني
:D

تحياتي

يعطيك العافية الراسم

بالنسبة للقضية .. غالباً طلبات العملاء تكون غير واضحة .. مثلاً يقول ابي كذا وكذا وكذا وكذا .. احياناً تحتاج حديث ماسنجر عشان تاخذ منه معلومات اكثر

اما اذا كانت خدمة واضحة .. مثلاَ شخص قال ابي ستايل منتدى .. الاحظ ان كثر من الاعضاء اما يحدد السعر او يقول ادخل لموقعي لرؤية الاسعار

شخصياً افضل قضية تفضل للموقع وتفرج على الاسعار والاعمال مرة وحده

الجزء الآخر ان العميل حالياً يفضل الماسنجر في التفاهم .. لذلك البعض تلقاه يقول هذا ايميلي اضيفوني .. لانه يحس براحة اكثر في الشرح للمصمم

انا معك في ان سالفة "اضفني" كثيرة لكن جزء كبير منها له اسبابه .. وشخصياً افضل الشغل الواضح .. الموقع في التوقيع فيه الاسعار والاعمال .. اذا بغيت تقدر تراسلني على الايميل او تضيفني في الماسنجر اللي في التوقيع

كذا الطرف الآخر يدخل ويشوف اللي يبي .. بدون مضيعة وقت له او للمصمم في الحديث على الماسنجر

مع اطيب الامنيات

صعبه اخوي الراسم مثل ماقال اخوي زمام لو الزبون طلب شي محدد ممكن تقوله السعر لكن اذا كان اكثر من شي صعبه بعدين الزبون يحب يستفسر عن اشياء كثيره يعني لو بقعد يستفر في المنتدى بصير المنتدى شات ولذلك علشان لعدم ازعاج اضافة الماسنجر الافضل

أنا بصراحة، أشوف هذه الظاهرة زايده، وبكل إختصار انا المسنجر تركته! خصوصاُ في سالفه الشغل، لأنه يضيع الوقت بشكل غريييييب، مثلا يضيفك واحد يبي شغله بسيطة ما تاخذ دقيقتين، مثلا تركيب ستايل أو غيره، وتقعد تسولف معاه بالساعات، وتالي تفكر تسوي الشغله، وبعد وقت ما إنت تشتغل ينط لك واحد ثاني، ويبي شغله، وفي النهايه الواحد ما يلاقي وقت يسوي الشغله اللي براسه! وهذه قصه ضيفني وما يصير خاطرك إلا طيب بس طريقه لتسهيل إقناع الزبون، لأنه البائع بيعدل بيعته بحسب الزبون، وبينما في البريد مراح يقدر يتعرف على الزبون بطريقه تسمح له بإغراءه بأحد العروض التي غالباً ما تكون خياليه ولا أصل لها في الوجود (يعني بالعامي نصب).. ولهذا حاولت بكل جهدي أحول كل الشغل على البريد، و الله أسهل يصير الشغل، كلشي منظم، وتقدر تنجز شغله ساعة في نص ساعة.. فبرأيي الطريقه التي تكلم عنها نمط هي من أفضل الطرق، وحالياً تم تطبيقه لدينا في شركة هوست تيك منذ فترة، وفي الوقت الذي يخف الضغط فيه، يدخل واحد على المسنجر يشوف إذا أي أحد يحتاج مساعة أو غيره من الأمور..

انا معاك في كل كلمة قلتها :rolleyes:

انا مع اخي زمام في أن طلبات العملاء أحيانا غير واضحة ومع الأخ وائل في أنت المسنجر بيأخر الواحد جدا

وانا ادخلة من فترة لأخري والدعم الفني عند العملاء بيكون عن طريق البريد الألكتورني والتذاكر

فى الواقع عندما قرأت الموضوع كنت انوى ان اقول ما قاله الاخ زمام والاخوة الذين يتفقون معه ولن اطيل لان كلامهم واضح.

شكر الراسم على الموضع اتفق معك الصراحه وهذا الي حاصل في مواقع الويب الاجنبيه العميل ييطلب

وتحصل العروض بالقيمه في الردود بس كمان عندهم عملاء على كيفك يفهمك طلبه بالتحديد

موزي عندنا .............ابي موقع ....وانتهاء الرد وهذا وجه الضيف :)

موضوع مهمم للشركات في الويب العربي والى كل رغب في خدمه

بالنسبة لموقعنا الماسنجر ما يستخدم كثير في العمل و افضل الايميل
لان الافكار تصير فيه مرتبه اكثر و العميل يكتب النقاط و ممكن نستفسر منه
لكن هناك عملاء يفضلون التفاهم عبر الماسنجر و كثير من العملاء يرسل
ايميل و يضيف على الماسنجر ..

و المشكله الحقيقية انه في بعض العملاء هو فعليا مش محدد بالضبط ايش يبغى :eek:
و تحتار معه


لكن لا ارى ضرر في استخدام الماسنجر و اذا كان البعض يستغله لزيادة العرض على العميل
فممكن نعتبرها مثل السوق تمشي و يعرضون عليك و يقدر الشخص يحدد بصراحه لا انا ابغاه
هذا الشئ فقط .

اما بالنسبة للبرمجه و هي التي نتعامل معها اكثر شئ ، في بعض الخصائص العميل ما يحطها
في باله و هو راح يحتاج لها فا اعرضها عليه من البدايه و اوضح له اهميته ، لانه راح يطلبها
اذا ما هو في البدايه راح يطلبها ترقيه لاحقا لاهميتها .

و مشكور الراسم على الموضوع هذا :)

تحياتي
المروه لبرمجة و تصميم المواقع

يرفع مع التحية للجميع

ولربما تكون لنا عودة

ونتمنى أن نرى رأي الجميع والذي تتمحور حول المصلحة العامة وليس المصالح الشخصية .

الله يوفقكم للي فيه الخير

فعلا جربتها

مافتحت الماسنجر ابد

واختصرت وقت كثيييييييييير

شكلي راح الغي الماسنجر واضع مراسلة فقط

صعبه اخوي الراسم مثل ماقال اخوي زمام