فرصة لن تتكرر : موقع ترتيبه 12 الف في اليكسا للبيع !
 

السلام عليكم

اعرض اليوم موقع دكتور البلوتوث للبيع نظرا لظروف الانتقال للسفر للخارج خلال شهر من الان على الاكثر ,

الموقع عمره تسع اشهر تقريبا ونجح والحمدلله نجاحا كبيرا وذلك عن طريق الحملات الاعلانية في المواقع والبروشورات في العديد من المقاهي

الموقع يزوره يوميا حوالي العشرة الاف زائر وترتيبه العالمي في اليكسا 12 الف , وفي ارتفاع ان شاء الله رغم عدم وجود اعلانات حاليا.

دخل الموقع الشهري يتراوح بين 600 ريال و 1500 ريال حسب النشاط والتواجد في الانترنت ,

الموقع على سيرفر خاص والترافيك الشهري وصل مؤخرا الى 500 قيقا بايت علما ان المشتري سوف يحصل على استضافة هذا الشهر مدفوعه في حال رغبته بذلك

محتويات الموقع:

يحتوي الموقع على العديد من المقاطع المنوعة في جميع المجالات: فكاهية - رياضية - شعر-نغمات-ثيمات والعديد من المجالات

ويبلغ عدد المقاطع 2619 مقطع

عدد الضغطات على المقاطع حوالي نصف مليون ضغطة خلال 12 يوما تقريبا.

يحصل الموقع يوميا على مايقارب الفي زيارة يومية من محرك البحث قوقل ,مما يعني مصدر ثابت للزوار بشكل مستمر.

وتمت اضافة الموقع في اكثر من 200 دليل للمواقع على الاقل.

السكربت المستعمل سكربت مملكة العرب المعروف وتم التعديل عليه من قبل صاحب السكربت ليناسب عملية التحميل وحماية الروابط . وايضا تمت اعادة تصميم الموقع بشكل منسق وجميل مؤخرا عن طريق احدى شركات التصميم.

للاستفسار عن بعض الامور يرجى الاضافة على الماسنجر rr11@rr11.com او ارسال رسالة بريدية بهذا الخصوص.

رقم الجوال : 0504811405
تحياتي للجميع

السلام عليكم ورحمة الله وبركاته

اخوي كم حدك بالموقع وهل جاك بالموقع سومه .

هلا والله ياغالي

بالنسبة للموقع اذا جاب 18 الف بعت ,

بالنسبة للسومات جتني سومات بس غير جادة,

اللي يقول 10 الاف بس اقساط:D

شكلي ابيع سيارات هههههههههه

عموما واضح قدامك الموقع وحسب علمي ان موقعي اكبر موقع عربي في عدد مقاطع البلوتوث:)

بعض الاخوان اللي ضافوني وسامو ب 5 الاف وحولها

صعب جدا يا اخوان ابيع بهالسعر, قيمة محتويات الموقع لحالها تسوى اكثر:(

اقرأو الموضوع مرة ثانية واعيدوا النظر جيدا ,

وصعب جدا ابيع باقل من 10 الاف يا اخوان

تحياتي للجميع

18 الف واجد اخوي دكتور

بصراحه وانا احب الصراحه لو مابتزعل مني

حنا نعرف اسعار الموقع زين وكم تسوى وكم تجيب سعر نهائي لها

موقعك ياطويل العمر يجيب لك مابين 5 إلي 7 الالف ريال

بعدين علي قولتك
____
وترتيبه العالمي في اليكسا 12 الف , وفي ارتفاع ان شاء الله رغم عدم وجود اعلانات حاليا.
____

ترتيب اليكسا مالها دخل بموضوع الزوار دام
موقعك للافلام او للبرامج لانه من المعروف المواقع اللي فيها محتوى تحميل للزوار او للاعضاء يرتفع ترتيبها بشكل غير طبيعي بسبب تحميل الملفات ونقل البيانات
وفي شي حبيت لو توضحه حضرتك
ان الموقع علي vps
اذا ماني غلطان و واضح من الانفو حقه يعني مب علي سيرفر خاص للموقع فقط



واسمحلي اخوي علي التدخل بالموضوع بس حبيت اشارك معاكم ولو حتى بمعلومه تفيدك وتفيد غيرك
واهنيك اخوي علي هالموقع الحلو اخوي

والسلام عليكم ورحمة الله وبركاته

انت الان بتسوم او بتشتري؟ او جالس تعلق فقط؟

ابي تحدد ياغلا:)

الثاني ابي اعرف وش تقصد بكلمة حنا؟ مين انتو اللي تعرفون قيمة المواقع؟ ارجو انك تعبر عن رايك الشخصي فقط:)

الشي الثاني ال vps وش يسمى؟ virtual private server يعني سيرفر صحيح انه مقسوم لكن له روت وله كل مواصفات السيرفر:)


وهالشي ماله دخل بالبيع؟ اعتقد اي شخص يشتريه يقدر ينقله لاستضافة ريسلر سيرفر الي يعجبه:)

وبخصوص تقييم الموقع اذا مو على اليكسا على اي اساس؟

ياليت توضح لنا ياغلا:)

وبالنسبة لسعرك 5 الاف الى 7 الاف على اي اساس ياغلا؟

وهذي سومة ولا وش هي؟؟؟؟؟

روح واطلب 2600 مقطع هنا في المنتدى وشوف كم يقولون لك السعر:)

وبالنسبة للتحميل وغيره :) غلطان ياغلا فيه مواقع الباند ودث حقها قليل جدا ومرتفعه في اليكسا:)

هذا للعلم فقط

وللعلم ضافني شخص الان وعرض علي فكرة اكمال العمل بموقعي بمقابل- وجالس افكر بموضوع الغاء البيع حاليا:)

تحياتي للجميع

الله يهديك بس اخوي دكتور
كل شي عندك علي اي اساس ؟؟؟
ماعندك غير هالكلمه:)

علي العموم عشان اوضح الموضوع اكثر لك

حضرتك قلت الموقع علي سيرفر خاص به ؟؟؟
قلنا كيف صار سيرفر خاص وهو Vbs يعني بس عشان عطوك صلاحيات الشل والروت صار سيرفر خاص بالموقع :) :) :)

بعدين انت تقول(انت الان بتسوم او بتشتري؟ او جالس تعلق فقط؟)
انا قلت من البدايه اسمحلي علي المداخله هاذي بس حضرتك ماتتقبل شي باين عليك علي العموم اسف
وتعليق علي كلامك
(الثاني ابي اعرف وش تقصد بكلمة حنا؟ مين انتو اللي تعرفون قيمة المواقع؟ ارجو انك تعبر عن رايك الشخصي فقط)

حنا ناس طال عمرك مانعرف نهايط ونبالغ بالاسعار
واذا منت مصدق شوف موضوعك كم له ولا حد رد عليه بسومه من السومات اللي حضرتك تفكر فيها
والتعليق الاخر
(وبالنسبة للتحميل وغيره :) غلطان ياغلا فيه مواقع الباند ودث حقها قليل جدا ومرتفعه في اليكسا)
وبالنسبه للمواقع هاذي طال عمرك يكون مافيها تحميل فقط زوار وهذا دليل علي احصائيات هالمواقع الطيبه
مب موقع كله تحميل ويقول ترتيبي كذا وكذا
واذا حضرتك غشيم بالامور هاذي اسئل اي حد من ربعك يعلمك ليش اليكسا رفع موقعي ‍‍‍‍!!!!

و
(وبالنسبة لسعرك 5 الاف الى 7 الاف على اي اساس ياغلا؟)
علي اساس التقيم المناسب للموقعك

علي العموم انا اكرر اسفي اني قمت بالنقد علي موقعك وعطيتك بعض المعلومات اللي حضرتك تحتاج لها
بس باين عليك ماتتقبل اي شي ابد

والله يسامح الجميع
والسلام عليكم ورحمة الله وبركاته

هلا اخوي

انا الان اهاياط وابالغ بالاسعار؟

كم تبيني ابيع الموقع بخمسمية ريال؟؟؟؟؟؟؟؟؟؟

للاسف ردودك انت وغيرك هي اللي تخلي الناس ماتعرض مواقعها للبيع :)



بالنسبة للردود السومات وصلت حتى الان 8500 ريال على الماسنجر

وهذا رابط الموضوع

http://www.swalif.net/softs/showthread.php?t=13309 9

واتمنى تتابع وتشوف كم توصل اخر سومة:)

وبالنسبة لقلة الردود هنا فاعتقد ان المنتدى جديد وطبيعي مايكون فيه ناس الا حقين استضافة بو 50 ميقا وتصميم ستايل ب200 ريال ومن هالكلام وهذا الاغلبية,

ورجااااء خاااااااص لاتدخل الموضوع مرة ثانية لاني ماراح ارد عليك:)

سلام

اخوي اسمحلي انت اعمى ماتشوف

الموقع واصل 7000 ريال بسوالف سوفت

بعدين دام اعضاء الويب العربي بو 50 ميجا وب200 ريال للاستايل وهالكلام علي قولتك ليش تعرض موقعك عندهم ؟؟؟؟؟؟
كان رفعت نفسك عنهم من البدايه وتميت بعروضك بسوالف سوفت ؟؟؟؟ ‍‍‍

ولا ماحصلت تجاوب بسوالف قلت اسوي اهني واهايط علي راحتي؟؟؟؟؟؟؟؟؟

وبعدين من انت عشان تقول لاترد علي الموضوع ؟؟
قفل الموضوع احسن بعد :))

يالله باي ناس غلطان الواحد يتناقش معاهم

دكتور بلوتوث قال


‍

انا جيت هنا بناء على توصية الاخوان ,

وللاسف شكلي غلطت :)

عموما انا الان اتعامل معاك بذوق واتمنى انك ماتدخل الموضوع ثانية والا باضطر ارسل للمشرفين يتصرفون معاك ويعدلون ردودك



تبي تشتري حياك الله:) ماتبي تشتري رجااااااااااء بالذوق لاترد!



رح افتح لك موضوع ثاني وقول فيه اللي تبي:)

السلام عليكم ,, موفق اخوي دكتور بلوتوث وموقعك يستاهل وعسى تلقى الناس اللي تقدر هالموقع


مع خالص التحيه

مابي اشتري ولا يشرفني اشتري موقع للاغاني

بس ياليت تضع للناس مواصفات موقعك الحقيقيه مش ..........

راجع سوالف سوفت وشوف كيف يردون عليك الناس ويعلمونك اصول تحليل الاحصائيات :)
بيباي للابد

والله ماقول غير انك قليل حيا وبس !

وجاي تخرب الموضوع

اتمنى من ادارة الموقع التعامل مع العضو والا فهي بداية النهاية لهالموقع

سلام