|
لماذا ياأصحاب الأستضافة هكذا تفعلون بنا
السلام عليكم
أكتب هذه الحروف وأنا في داخلي بركان من القهر على بعض عديمي الضمير أو بعض المستهترين عندما تدخل الي العروض تجد التالي ::: لن تجد مثلآ نحنا نوبس ضمان على موقعك اكيد موقعك شغال وبيد أمينه اول ماتتعاقد معاهم هم أحن عليك من أبيك ويخافون على مالك ويراعون حق الله فيه ويهمهم نجاح موقعك وضمان حق بعد كم فترة وأن كثرة 3 شهور مشاكل لاتقف مكالمات لايرد عليها بطاقات ترسلها انت وهم يعملون لها دليت اين الخوف من الله أين الأمانه هل هذا يجوز وهل هو حلال اول ماتتعاقد معاهم اول شي يطلبون حق الأستضافة كاملة طيب وحقي من يضمنه ؟؟؟؟؟ تعال قولهم أبي أنقل موقعي ؟؟؟ مايرضى يعطيك التحكم في الدومين ولا يرضى يعطيك النقل وتفضل في مشاكل واللي قهرني واحد صاحب أستضافة طلبت منه لوحة التحكم حقت الدومين قالي بكل وقاحة مابعطيك الا لما تدفع 200 ريال عن الدومين الدومين حلو والموقع ناجح ؟؟؟؟ وقح الآن تعاقدنا مع شركة قالوا خلال 2 يومين تستلم موقعك والحين صارت 6 أيام لا الموقع خلص ولا استلمنا المنتدى ولا شي والقهر صاحب الأستضافة مايرد لا على المكالمات ولا على الجوال ولا على البطاقات حسبي الله عليه ونعم الوكيل أخواني والله صاحب الأستضافة أن لم يعطي كل ذي حق حقة والله لتأتيه دعوة مظلوم فتقصم ظهر وكم من دعوة مظلوم قصمت ظهر ظالم ؟؟؟ نحاول أن نصدق أن أخواننا العرب مازال فيهم الخير ولكن كل يوم نكتشف أن الأنغليز والأجانب لديهم مصداقيه اكثر من العرب في التعامل صدقوني ماتنميت في يوم أن أكره أنسان ولكن ماذا أفعل وأنا مالي يأخذ عني مقابل موقع لم أستلمه ؟؟؟ لما ماذا فعلت أنا لكي يفعل بي هذا ؟؟؟ صدقوني بعض الأستضافات تتقي الله ولكن القليل هم من يجنون علينا ومن يجعلوننا نسيء الظن بهم ؟؟؟ الآن أنا لي عند صاحبة الأستضافة 300 ريال مقابل أستضافة ومنتدى ؟؟ الأستضافة أنتهت والمنتدى راكب لكن لم يسلمن المنتدى ولم يقم بالمتفق عليه؟؟؟؟ ياليتها لي الفلوس حقت ناس أنا تكفلت أعمل لهم موقع ....والحين بغرم الفلوس من جيبتي والحل ؟ سوي قول ربنا تبارك وتعالى (( إنما أشكوا بثي وحزني الى الله )) وأقول لمن أخذ ال 300 ريال ولم يسلمنيالموقعي الموقع مابيه والفلوس خليها لك ولكن صدقني ما أسامحك حتى نقف بين يدي ربنا تبارك وتعالى لن أطيل في الكلام ولكن انا في غنيه عن الفلوس وعن المنتدى واللقاء بين يدي الله تبارك وتعالى ؟؟؟ |
والله شدني كلامك أخوي المري
وأنا أعلن أمام الويب العربي أني مستعد أعطيك استضافة مجانية من سيرفري الخاص على حسابي الخاص مجانا وكل اللي تبيه من تركيب منتدى أو شيء على حسابي ومستعد أعطيك دعم فني ما شفته من قبل يكون معاك قبل وقالبا وإعتبرها هدية مني لوجه الله تعالى من شركة المملكة لاستضافة المواقع وكلي فخر أنك تكون واحد من عملائي ولك خالص تحياتي |
السلام عليكم
نعم اخوي كلامك يحمل الكثير من المصداقية خصوصا انعدام الضمير والمسؤولية لأغلب الهواة أصحاب شركات الاستضافة الحالية ( المستنسخه ) كان الله في عونك اخوي والله المستعان اخوك / بو أحمد دبي |
المري نصيحة لك ياخوي خذ من شركات مضمونة او رسمية حتى اذا صار ما صار تقدر تقاضيهم
والشركات الرسمية الان زادوا واسعارهم مناسبة وفرق عن اول عند مؤسسة إكساء ’ رسمية ولهم فرع وهاتف مجاني عندك ترايدنت , عندك ابعاد , عندك افاق الاستضافة كثيرة استضافات سعودية ورسمية واسعارهم مناسبة واكثرهم لهم مكاتب في الشرقية بالخبر |
الله المستعان.
لازم نتعلم ناخذ من الاستضافات المشهورة...والمعروفة وبعد كذاا ماراح نواجة مشاكل بإذن الله...انا الحمد لله مرتاح من استضافتي لانهم يقدروني ويقدرو اي مستضيف عندهم.... ويوم تشترك عندهم تحس انك ملك..ولله الحمد.. |
كلامك احزني بشده
للأسف مازالت هذه الحالات النصب تحدث الله يعوضك وانا مستعد اعطيك الخطه الاولى كاملة من استضافتنا مجاناً مساحه + دومين ان اعجبك هذا موقعي http://www.digital4hosting.com/ |
الله يعينك اخوي خلك على الاستضافة الاجنبيه أفضلك عروض الشركات العربيه يكون فيها اغراء كبير وبعد ما تعطيهم حقهم بعد وقت تدخل معهم في مشااكل فيه مشروع في راسي وهو عباره عن شركة استضافة مجانيه لاصحاب المواقع الجدد جالس افكر فيها من زمان والمشروع هذا لوتنفذ هو خير لناس المتضرره من بعض شركات الاستضافة
|
السلام عليكم
اخوي المري انت لم تتعاقد مع شركة كما اوضحت ولكنك تعاقدت مع شخص ماخذ ريسلر موزع وسبب مشاكل الاستضافات دائما من الاشخاص الموزعين للرسلر الشركات تكون مسجلة تجاريا بمكاتب مرخصة من وزارة التجارة وموظفين وسيرفرات خاصه بهم علما بانه يوجد موزعين رسلر يراعون حقوق الغير ان شاء الله اخونا يرجع لعقله ويرجع لك حقك |
الله معك اخى وقول حسبى الله ونعم الوكيل والله بالتاكيد سوف لان يخذلك
|
حبيبي ضيفني ، و ابشر
عليها الخلف فلوسك و اعتبرني انا المسؤول و اجهز لك كل شيء من عندي و الدعم الفني كمان و بقول لأصحاب الإستضافات اتقوا الله اتقوا الله اتقوا الله يامن دعتك قوتك لظلم الناس تذكر قوة الله عليك |
صراحة موضوعك جذبني صحيح انه طويل لكن قوي وأرجو أن تفصح عن أسماء الشركات التي قد تلاعبت وكذبت عليك حتى لا نقع نحن في شركها.
|
:D الله يكون بعوونك اخوي وانا صارت لي من شركات التنشيط لعبو علي وطاارو لكن بجيبهم على خشومهم
|
يقولون يدلك على الخيل اثمانها :)
وقصدي معروف الله يعضوك يالغالي |
.
. الله بعين |
مع احترامى للجميع انتا الغلطان .. ,,
خليك انتا المستضيف والعميل واشترى سيرفر ,, او كلم عملاء الشركة واسئل عنها اولا قبل التعاقد ويفضل يكون هناك صورة للتعاقد مع وجود شهود .. ,, عموما الله يوقفك |
| جميع الأوقات بتوقيت مكة المكرمة. الساعة الآن » 10:23 PM. |
Powered by vBulletin
Copyright ©2000 - 2024, Jelsoft Enterprises Ltd.
Copyright © ArabWebTalk.Com 2004-2012