سؤال حول السيرفرات
 

السلام عليكم ورحمة الله وبركاته
ياجماعه بغيت اسئلكم
بعض الاسئله البسيطه

اذا بغيت اشتري سيرفر مساحته تقريبا 2جيجا

اقدر اضيف فيه دردشة دي شات بدون مااستأجرها من شركات من بره؟ ولي حرية التحكم فيها بعدد اليوزرات وغيره؟

وكم تاخذ مساحه اذا قدرت اضيف الدي شات بالسيرفر ؟

وسؤال اخير وعام
هل تحرير السيرفر وطريقة تعامله مشابه للاستظافه العاديه؟
يعني مثل رفع الملفات وغيرو؟
واسف عالاطاله
ارجو الرد وعدم التجاهل
وشكرا

اخوي سيرفرات 2 غيغ هاذي مالت 50 بليون سنة قبل الميلاد

الحين اقل شي 20 غيغ و وصلت في بعض الداتا سنتر الى 500 غيغابايت للهادسكات الاي دي اي
اما بالنسبة للسكازي ما يقل عن 18 غيغ


و بالنسبة للسيرفر الي انت شايفة هذا بو 2 غيغ احتمال يكون حساب رسيلر او VPS
و على العموم اذا خذيت dedicated server او سيرفر مستقل تقدر تركب علية ديجي شات اذا كنت تملك الصلاحيات و طبعا بدون حجي لازم يكون عندك حساب رووت و بالنسبة للتعامل مع السيرفر يختلف 180 درجة عن الاستضافة العادية في شي اسمة شيل تقدر عن طريقة تتحكم بالسيرفر و هذا يشابة التيرمينال في الويندوز سيرفر او ساعات يسمونة تل نت

و عن الديجي شات ما يستهلك اكثر من 1 غيغابايت الى في بعض الحالات و تكون معروفة عندك و هي اعطاء صلاحية للعملاء باستخدام حسابات اف تي بي للوصول الى ملفات الديجي شات الخاصة بهم

و اذا انت صاحب السيرفر و انت الي مركب الديجي شات طبعا تقدر توزع و تبيع
لاكن عندي ملاحظة اذا ما كان عندك رخصة لا تعور راسك لان الديجي شات بيرفعون عليك قضية و اهم كسبانين 100%
و انت ما تقبل ان فلوسك تكون حرام و اذا تبيها تكون حلال اشتر ترخيص :) و بالتوفيق و اذا تبي سيرفرات قابلة لتركيب الديجي شات اقدر اوفر لك سيرفرات مناسبة لطلبك و باسعار ممتازة بس بدون لوحة تحكم (مثل السي بنل) و راح اعطيك ويب مين المجانية :)

مشكور اخوي عبدالله على المعلومات والنصايح القيمه
لكن عندي سؤال بسيط وهو دامك تقول مافي سيرفر مساحته 2 جيجا وذا الكلام قبل مليون سنه ؟
شلون تبي توفر لي سيرفر؟
وشلون بعض الشركات تعطيك سيرفرات ويكون حجمها 2 جيجا او 5 جيجا؟
هل هاذيه كلها رسيلر ؟
بس انا اشوف خطط الرسيلر بروح والسيرفر بروح يعني اللي اقول عنه انا بو 2جيجا مو رسيلر على حسب عروض الشركات
وياليت تعطيني فكره عن السيرفر اكثر وشكرا

العفو اخوي و بصراحة هذي نصايح شوي و لو تتعمق شوي تحصل اشياء و فروقات وايد

و بالنسبة للمساحات الي تكون ما بين 1 الى 10 غيغابايت يحتمل انها تكون رسيلر و يحتمل انها تكون عروض VPS
و الفي بي اس اهو مثل الرسيلر لاكن لوحة التحكم تكون كاملة مثل السيرفر لذلك يسمونها فيرجوال برايفيت سيرفر او بالمعنى العربي السيرفر الوهمي الخاص و لك كامل الحرية في حساب الشيل و الاشياء الاخرى ما عدى انك لاتملك صلاحيات الرووت

حاليا انا ما اوفر عروض سيرفرات و لا رسيلر لاني موقف شغلي لفترة محدودة و ان شاء الله مع بداية الشهر الجديد ابداء مرة اخرى و ان شاء الله على الشهر الجديد اقدر اعطيك العروض المضمونة و المضبوطة لاني الحين في فترة راحة من الشغل السيرفرات و شغلات الشبكات و ما عدت اركز مثل الاول لذلك انا ماخذ هل شهر اجازة شكلية للراحة من عوار الراس الي تسببة الشبكات :)

و اذا كنت مستعجل على السيرفر تقدر تشوف شركة ايفري ون ev1servers.net عندهم سيرفرات حلوة و ممتازة :) و بالتوفيق