|
دومين www.hotmail.ae
بسم الله الرحمن الرحيم
دومين hotmail.ae الدومين الوحيد الغير مملوك لشركة msn لتقيمه وطرح الاراء المناسبة لاستثماره للعلم انه محجوز باسمي لدى شركة مرخصة من الايكان ومن هيئة تنظيم الاتصلات بالامارات طبعا ما في للهوتميل اي حقوق ملكية او انها تسحبه مني باي طريقة كانت لانه تم قراءة جميع الشروط والاحكام ولا يوجد ما يبرر سحبه مني وماتقدرتاخذه الى بموافقتي قد يدورفي ذهن البعض انه دومين مميز وقد يدورفي ذهن البعض انه لا داعي له المهم بامكانك معرفة المعلومات عن النطاق عن طريق whois وننتظر الاراء منكم والسلام عليكم ورحمة الله وبركاته |
ناسف لكلمة الدومين الوحيد يوجد غيره على نطاقات دول
|
والله اخوي ابو احمد
استثمار ناجح وروح توكل على الله مايكلفك وايد حط لك سيرفر وسو نفس طريقه الهوتميل...لك مني ضمان 100% مشروع ناجح وذا تحب عندنا دراسة جدوى للمواقع الاستثمارية....لاتقل عن 10 صفحات مدروسه الدومين بيعتبر على نطاق..دولة الامارات بعد..يعني مو شي سهل.. انصحك..اذا ماتقدر تعمل له مشروع جيد اعرض الدومين... في الاماكن الخاصه لها.. وارفق معاه خطه دراسيه مدى نجاح الفكره ويجيب لك سعر خيالي او انك تبتدي بتمويله صح..وبتكلفه بسيطه ان شاء الله ويكون مميز..ولاتقلق من الحملات الاعلانيه له... kuw-web@hotmail.com |
السلام عليكم ...
كويت ويب ما قصرت بردك على الموضوع نشوف شو ربك ييسر اما بيعه او استثماره والله الموفق |
أسومه ب 300 ريال
|
السلام عليكم
host-ps.com اشكرك على سومتك لكن يا ريت تقرا الموضوع |
اخوي ابو احمد مثل ما قال اخوي كويت ويب
انا ما ازيد على كلامة شئ انت فكر و شوف و انا ادعمك بالنشر و الإعلانات بأكثر من موقع تحياتي لك محمد الدوسري webmaster@shomou3almadina.com |
على فكره راح يصير بإذن الله الهوتميل العربي
و hotmail.com راح ينسونه العرب بالتوفيق |
السلام عليكم
الشمس للاستظافة مشكور على ابداء رأيك السالفة وما فيها انك تفتتح موقع كبير او نك تتحدا الهوتميل هذي تحتاج دراسة وراسمال كبير السالفة مو بس قصة دومين في عندك علامة تجارية واشياء اخره ومنها لو ركبت عليه سكربت حجز بريد مجاني راح يصير عليه اقبال لا شك اقبال حتى بدون حمله اعلانية لانه كثير راح يحجزو من جماعة اللي يدورو على تميز واقدر اوصل ل 500 بريد مجاني مع ضمان تشغيلهم على مسنجر msn لكن شو يضمن لي ما تيجي ال msn تفك الارتباط هذي اول حاجة عرضت الدومين على شخص يعمل بشركة استظافة وحماية مواقع عالمية جاني رده انه عادي تقدر وحتى تقدر تسوي لك علامة تجارية وما تحتاج اي شي من msn وخبرني انه في اشخاص عرب قامو ببرمجة مسنجر محادثة ونجح لكن ما عليه اقبال بس السالفة تكلف مبالغ فرضا صار شبيه بالهوتميل الاساسي ومسنجره غريب بعض الشي سواء كان من برمجة عربية ولا اجنبية راح يكون مشروع ناجح كثير بالنسبة لي لو انتشر يعني لكن كل هذا يحتاج دعم ودعم قوي مبالغ وسيرفرات وخبرة وهذي الصراحة بعد ما توفرت كثير ناس تسال ليش محوله على منتدى عرب توب هذا شي عادي اللي وده معلومات او طرق اتصال موجودة ب whois جتني عروض لشراءه لكن عروض عادية ما وصلت 50 الف ريال بالرغم من انه بيع www.hotmail.es باكثر من 100 الف دولار على ذمة شخص من مايكروسفت طبعا es النطاق الوطني لاسبانيا وقامت شركة مايكروسفت بشرائه وضمه لها طبعا es لا يقارن بنطاق دولة الامارات العربية ae وبهذي الايام يعتبر نطاق ae النطاق الرابع ترتيبا عالميا وفي النهاية هذا هو الدومين موجود ونشوف كيف استغلاله باي طريقة والله يوفق الجميع |
انا اشوف انك تبيعه وبا التوفيق
|
السلام عليكم
اخوي ابو احمد ليش ما تراسل شركة ميكروسوفت بخصوص شراء هذا الدومين ؟ اتوقع ما رح يفرطون فيه حاول و ان شاءالله خير و ربي يوفقك اخوك ابو محمد |
الله يعطيك العافيه وبالتوفيق
تحياتي |
كم جابلك أخوي دحين ؟ ؟ ؟ ؟ ؟
|
السلام عليكم
مشكورين جميعا على الردود الاعصار لو راسلت شركة مايكروسفت راح ينزل سعره خله عادي وبعد مايكروسفت قريب علي في دبي موجودين بروح لعندهم وفي عندهم موظفين عرب اقدر اتواصل معهم بس خلني صابر عليه يعني انا حاجزه ب 80 دولار مو ماخذه كتجارة او رابحه بمزايدة يعني لو ظل عندي فترة طويلة ما ياثر b.man وصل بحدود الخمسين الف ريال من عدة اشخاص في منهم بس سومة وفي منهم جادين جادين بالامر لانهم عبارة عن شركات استظافة والله يوفق الجميع |
الله يوفقك اخوي ولو استثمرته بشكل جيد راح تلقى فيه زوار بالملايين صدقني راح تلاقي فيه اقبال بشكل قوي جدا جدا جدا
انا افضل انك تفكر تخليه بريد عربي على مستوى العالم العربي لانه لو لاحظت بريد hotmail.com تم بيعه بحوالي 300 مليون دولار امريكي فلا تفرط فيه اخوي صدقني |
| جميع الأوقات بتوقيت مكة المكرمة. الساعة الآن » 12:19 PM. |
Powered by vBulletin
Copyright ©2000 - 2024, Jelsoft Enterprises Ltd.
Copyright © ArabWebTalk.Com 2004-2012