السلام عليكم

اهدي احبابي أعضاء وزوار الويب العربي هذا البرنامج الجديد

نقدر نقول هذا السكربت ثلاثه في مواحد :D لانه سباق مواقع مع الترشيح وينفع دليل مواقع وفي نفس الوقت احصائيات شامله لكل موقع مشترك ;)



قمت بتوفيق الله بتعريب البرنامج كاملا وعمل بعض التطوير اللازم مع تصميم خفيف ومرن ان شاء الله يعجبكم

البرنامج مجاني وهذا احلى مافيه :o

موقع المبرمج الخواجه
www.aardvarkind.com

عشان تتابعون معه التحديثات واللي يلزمكم لاني مالي شغل فيكم بعد كذا :rolleyes:

اسم البرنامج
Aardvark Topsites PHP

رقم الاصدار وتاريخه
2005-09-21
5.0 RC2 Released

لاحظ التاريخ جديييييد :)

طبعا البرنامج معروف من اول ومتميز فعلا ولكن هذا الاصدار الجديد نقله نوعيه نقدر نقول مثل الفي بي لما عملوا الجيل االثالث vb3 ويوم شفته تعبان فيه الرجال ومسوي مسابقة بعد للي بيصمم له ستايلات لانه توهق في الاصدارات القديمه مايركب عليه لا ستايل قديم ولا ملف لغه قديم فقلت اخلي العرب يستخدمونه بتصميم حلو قبل الخواجات خخخخ متعصب


مزايا البرنامج كثير واحسن تكتشفونها بأنفسكم لكن اهمها

ان العضو له لوحة تحكم
وفيه كود ترشيح وبانر صغيرون يحطه بموقعه
تقدر تحدد اقصى مقاسات لبانرات المواقع المشاركه
تقدر تحدد متى يتم تصفير العدادات في السباق ( يومي - اسبوعي - شهري )
تقدر تحدد كم موقع في الصفحة
تقدر تخلي بانر عشوائي يظهر او تخفيه

والزوار يقدرون يعلقون على المواقع ويقولون رأيهم طبعا تقدر تخلي تفعيل المواقع والتعليقات عن طريق المشرف

المساحات الاعلانية تظهر اتماتك في المكان اللي تحدده انت في لوحة التحكم وتقدر تغيرها من صفحة هتمل عاديه بسهوله وتحط البانرات اللي تبي

الاستايل سهل وبسيط تقدر تصممه على كيفك

البرنامج خفيف وملفاته قليل ومايسوي زحمه على موقعك


طريقة التركيب :

ارفع مجلد البرنامج لموقعك

اعمل قاعدة بيانات جديدة

اعط الملف settings_sql
تصريح 666

استعرض ملف الانستول في المتصفح على الرابط

www.domain.com/top/install/index.php

domain.com = دومين موقعك

واملأ البيانات

واضغط الزر في اسفل صفحة التثبيت وخلاص :) طقة زر

احذف مجلد install

وعيش حياتك



طبعا تبون مثال صح ؟

اووكي هذا مثال على موقعي ولمشاهدة الاحصائيات لكل موقع اضغط على صورة الاحصائيات في الجنب

http://www.alrasm.com/top

الملف مرفق

راسمكم